Monday, September 16, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କଟକ ବାରବାଟୀ ଆସନରେ କଂଗ୍ରେସର ମହମ୍ମଦ ମୋକିମ କେମିତି ଜିତିଲେ ନିର୍ବାଚନ, ଆଉ କାହିଁକି ହାରିଲେ ବିଜେଡିର ଦେବାଶିଷ ? ଜଣାପଡିଲା କାରଣ !

କଟକ୨୭|୫: କଟକ ଲୋକସଭା ସହ ବାକି ସମସ୍ତ ବିଧାନସଭା ଆସନରେ ବିଜେଡି ପ୍ରାର୍ଥୀ ବାଜିମାତ୍‌ କରିଥିବା ବେଳେ ହାତରୁ ଖସିଥିଲା ବାରବାଟୀ କଟକ ଆସନ । ଏଠାରେ ବିଜେଡି ପ୍ରାର୍ଥୀ ଦେବାଶିଷ ସାମନ୍ତରାୟଙ୍କୁ ପାଖାପାଖି ୪ହଜାର ଭୋଟ୍‌ ବ୍ୟବଧାନରେ ପରାସ୍ତ କରିଥିଲେ କଂଗ୍ରେସ ପ୍ରାର୍ଥୀ ମହମ୍ମଦ ମୋକିମ୍‌ । ଗୋଟେ ପଟେ ଦଳ ଦେବାଶିଷଙ୍କ ହାରିବା ପଛର କାରଣ ଖୋଜୁଥିବା ବେଳେ ସେପଟେ ବିଜୟୀ ପ୍ରାର୍ଥୀ ନିଜ ନିଜ ନିର୍ବାଚନ ମଣ୍ଡଳୀର ଭୋଟରଙ୍କୁ ଦେଇଥିବା ପ୍ରତିଶ୍ରୁତି ପୂରଣ ପାଇଁ ଗୁରୁତ୍ବ ଦେବାକୁ ଚିନ୍ତା କରୁଛନ୍ତି ।

କଳେ ବଳେ କୌଶଳେ ଭୋଟରଙ୍କ ଭରସା ଜିତିଗଲେ । ଏଣିକି ନିଜକୁ ପ୍ରମାଣ କରିବାର ବେଳ । ଦେଇଥିବା ନିର୍ବାଚନୀ ପ୍ରତିଶ୍ରୁତିକୁ କେମିତି ପାଳନ କରିବେ ତାହାହିଁ ବିଜୟୀ ନେତାଙ୍କ ପାଇଁ ବଡ଼ ଚାଲେଂଜ୍‌ ହେବ । ଏମିତିରେ କଟକ ବାରବାଟୀ କଥା ଆମେ ଯଦି ଦେଖିବା ତା’ହେଲେ ଏଠି ଏଥର ବିଜେଡି ଗଡ଼ରେ ଧସେଇ ପଶିବାରେ ସଫଳ ହୋଇଛି କଂଗ୍ରେସ । ନିର୍ବାଚନର ଦୀର୍ଘ ଦିନ ପୂର୍ବରୁ ଏଠାକାର ଭୋଟରଙ୍କ ସହ ଯୋଡ଼ି ହୋଇ ରହିବାର ପ୍ରୟାସ କଂଗ୍ରେସ ନେତା ମହମ୍ମଦ ମୋକିମ୍‌ଙ୍କୁ ସଫଳତା ଦେଇଛି । ସେପଟେ ଏହି ଆସନରୁ ୨୦୦୯ ଓ ୨୦୧୪ରେ ଲଗାତର ଦୁଇ ଦୁଇ ଥର ବିଜେଡି ବିଧାୟକ ହୋଇ ଦେବାଶିଷ ସାମନ୍ତରାୟଙ୍କୁ ଏଥର କ’ଣ ପାଇଁ ପରାଜୟର ମୁହଁ ଦେଖିବାକୁ ପଡ଼ିଛି ତା’ର ତର୍ଜମା କରୁଛି ଦଳ । କମିଥିବା ଲୋକସମ୍ପର୍କକୁ ପ୍ରମୁଖ କାରଣ ବୋଲି ଭାବୁଛନ୍ତି ରାଜନୈତିକ ସମୀକ୍ଷକ ।

ଯଦି ଦେବାଶିଷଙ୍କ ହାରିବା ପଛରେ ଲୋକସମ୍ପର୍କକୁ କାରଣ ବୋଲି ରାଜନୈତିକ ସମୀକ୍ଷକ ଭାବୁଛନ୍ତି, ତାହେଲେ ମୋକିମ୍‌ଙ୍କ ଜିତିବା ପଛର କାରଣ ବି ସେଇ ଲୋକସମ୍ପର୍କ । ଯାହାକୁ ଆଗକୁ ମଧ୍ୟ ଜାରି ରଖିବା ସହ ଦେଇଥିବା ନିର୍ବାଚନୀ ପ୍ରତିଶ୍ରୁତି ପାଳନ ହିଁ ତାଙ୍କର ପ୍ରାଥମିକତା ହେବ ବୋଲି କହୁଛନ୍ତି ବାରବାଟୀ-କଟକର ଏହି ନବ ନିର୍ବାଚିତ ବିଧାୟକ ପ୍ରାର୍ଥୀ ।

ସେହିଭଳି ଚୌଦ୍ବାର-କଟକରେ ମଧ୍ୟ ଜଣେ ନୂଆ ମୁହଁ ସୌଭିକ୍‌ ବିଶ୍ବାଳଙ୍କୁ ସୁଯୋଗ ଦେଇଛନ୍ତି ଏଠାକାର ଭୋଟର । ଅବଶ୍ୟ ବାପା ପ୍ରଭାତ ବିଶ୍ବାଳ ଗଲା ୧୦ବର୍ଷ ଧରି ଏଠାରେ ବିଜେଡିର ଗଡ଼ ଜମାଇ ରଖିବାରେ ସଫଳ ହୋଇଥିଲେ । ଯାହାର ସୁଯୋଗ ନେଲେ ସୌଭିକ୍‌ । ଅବଶ୍ୟ ବାପାଙ୍କ ତୁଳନାରେ ଭୋଟ୍‌ ହାର କମିଲା ତଥାପି  ବାଜି ଜିତିବାରେ ସଫଳ ହୋଇଛନ୍ତି । ଆଉ ନିଜ ନିର୍ବାଚନ ମଣ୍ଡଳୀରେ ବାପାଙ୍କ ଅଧୁରା ସ୍ବପ୍ନକୁ ପୂରଣ ଲାଗି ପ୍ରୟାସ କରିବେ ବୋଲି କହୁଛନ୍ତି ।

ଚିଟ୍‌ପଣ୍ଡ କେଳେଙ୍କାରୀରେ ଫସିଥିବା ପ୍ରଭାତ ବିଶ୍ବାଳଙ୍କୁ ଏଥର ଟିକେଟ୍‌ ନଦେଇ ତାଙ୍କ ପୁଅ ଉପରେ ଭରସା କରିଥିଲା ଦଳ । ଯାହା ଦଳକୁ ଫାଇଦା ଦେଇଛି । ତେବେ ନିର୍ବାଚିତ ପ୍ରତିନିଧିଙ୍କ ଠାରୁ ସେମାନଙ୍କ ଭୋଟର ଆଗାମୀ ଦିନରେ କେତେ ଫାଇଦା ପାଉଛନ୍ତି ତା’ ଉପରେ ରହିବ ନଜର ।  

950 Views

   ସମ୍ବନ୍ଧିତ ଖବର