Monday, September 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନିର୍ବାଚନରେ ୯ ବିଜେଡି ସାଂସଦ କାହିଁକି ଫେଲ ମାରିଲେ ସେନେଇ ନବୀନ ନିବାସରେ ଚାଲିଛି ଖୋଳତାଡ଼

ଭୁବନେଶ୍ୱର ୨୭/୫ : ବିଜେଡି ସାଂସଦ ଭଲ ପ୍ରଦର୍ଶନ ନକରିବା ପ୍ରସଙ୍ଗରେ ଚାଲିଛି ଖୋଳତାଡ଼ । ୯ ଜଣ ସାଂସଦ ଚଳିତ ନିର୍ବାଚନରେ ଭଲ ପ୍ରଦର୍ଶନ କରିନାହାନ୍ତି । ଏନେଇ ନବୀନ ନିବାସରେ ଚାଲିଛି ମାନସ ମନ୍ଥନ । ବରଗଡ, କଳାହାଣ୍ଡି ଓ ବଲାଙ୍ଗିରର ନେତାଙ୍କୁ ଡାକି ନବୀନଙ୍କ ମାରାଥନ ଆଲୋଚନା ଚାଲିଛି । ୯ ଜଣ ସାଂସଦ କାହିଁକି ହାରିଲେ ସେନେଇ କାରଣ ଖୋଜୁଛି ଦଳ । ଏହି ପ୍ରସଙ୍ଗରେ ଆୟୁବ ଖାନ ନିଜର ପ୍ରତିକ୍ରିୟା ରଖିଛିନ୍ତି । ସେ କହିଛନ୍ତି ଯେ, ଘଟଣାର କାରଣ ଖୋଜାଯିବା ଦରକାର । ଅନେକ ନେତାଙ୍କୁ ଟିକେଟ ଦେବାକୁ ପ୍ରତିଶୃତି ଦେଇ ମଧ୍ୟ ଟିକେଟ ମିଳିନଥିବାରୁ କିଛି ନେତା ଅସନ୍ତୁଷ୍ଟ ହୋଇଥାଇପାରନ୍ତି । ଦଳ ସୁପ୍ରିମୋ ଏନେଇ ଛାନଭିନ କରନ୍ତୁ ବୋଲି କହିଛନ୍ତି ଆୟୁବ ଖାନ ।


ପୂର୍ବତନ ମନ୍ତ୍ରୀ ଯୋଗୋନ୍ଦ୍ର ବେହେରା ମଧ୍ୟ ଏ ମାମଲାରେ ପ୍ରତିକ୍ରିୟା ରଖିଛନ୍ତି । ଦଳ ଯେଉଁଠି ହାରିଛି ତାହା ଉପରେ ସମୀକ୍ଷା ହେବା ଦରକାର । ଯେଉଁମାନେ ଦାୟୀ ସେମାନଙ୍କୁ ଠାବ କରିବା ଦରକାର ବୋଲି କହିଛନ୍ତି ଯୋଗେନ୍ଦ୍ର ।
ମାମଲାରେ କିଶୋର ମହାନ୍ତି ମଧ୍ୟ ନିଜର ପ୍ରତିକ୍ରିୟା ରଖିଛନ୍ତି । ସବୁ ବିଧାନସଭା ଜିତିବା ପରେ ବି ଲୋକସଭାରେ କାହିଁକି ହାରିଲା ଦଳ ତାର ପୋଷ୍ଟମଟମ କରାଯାଉ । ବିଧାୟକଙ୍କ ଅନୁପାତରେ ସାଂସଦମାନେ କାହିଁକି ହାରିଲେ ତାର ସମୀକ୍ଷା ହେବା ନିହାତି ଜରୁରୀ ବୋଲି କହିଛନ୍ତି କିଶୋର ମହାନ୍ତି ।

221 Views

   ସମ୍ବନ୍ଧିତ ଖବର