Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ପିଲାଙ୍କୁ ଅଣ୍ଡା ବାଣ୍ଟିବା ଦାୟିତ୍ବ ମିଳିବ କାହାକୁ…?

30/05/2020 at 6:09 PM

ବ୍ରହ୍ମପୁର୩୦/୫: ଗଞ୍ଜାମରେ ଅଣ୍ଡା ବାଣ୍ଟିବା ଦାୟିତ୍ବ ମିଳିବ କାହାକୁ। ତିନି ସ୍ବୟଂ ସହାୟକ ଗୋଷ୍ଠୀକୁ ଅଣ୍ଡା ବଣ୍ଟନ ଦାୟିତ୍ବ ଦେବାକୁ ଜିଲ୍ଲା ପ୍ରଶାସନ ପ୍ରସ୍ତୁତି ଚଳାଇଥିବା ଅଭିଯୋଗ ସାମ୍ନାକୁ ଆସିଛି। ଅଲ୍ ଓଡିଶା ଅଙ୍ଗନାୱାଡି ଲେଡିଜ୍ ୱାର୍କସ୍ ଆସୋସିଏସନ୍ ପକ୍ଷରୁ ବିରୋଧ କରାଯାଇଛି। ଜିଲ୍ଲାରେ ଏହାକୁ ପ୍ରଚଳନ କରିଲେ ବିରୋଧ କରିବାକୁ ସଂଘର ଚେତାବନୀ ଦେଇଛନ୍ତି। ସେପଟେ ଆଲୋଚନା ମାଧ୍ୟମରେ ସମସ୍ୟାର ସମାଧାନ କରାଯିବ ବୋଲି କହିଛନ୍ତି ଜିଲ୍ଲାପାଳ।

ଅଣ୍ଡା ବଣ୍ଟନକୁ ନେଇ ଏବେ ଗଞ୍ଜାମ ଜିଲ୍ଲାରେ ଚାଲିଛି ତୁତୁ ମେଁମେଁ। କିଏ ବାଣ୍ଟିବ ଅଣ୍ଟା! ଏହାକୁ ନେଇ ଏବେ ଅଙ୍ଗନାୱାଡି ଲେଡିଜ୍ ୱାର୍କସ୍ ଆସୋସିଏସନ୍ ପକ୍ଷରୁ ତୀବ୍ର ଅସନ୍ତୋଷ ଜାହିର କରିଛନ୍ତି। କଣ ପାଇଁ କାହିଁକି ଅସନ୍ତୋଷ ଜାହିର୍ କରିଛନ୍ତି! ଗର୍ଭବତୀ ମହିଳା ହୁଅନ୍ତୁ କିମ୍ବା ଛୋଟ ଶିଶୁ ହୁଅନ୍ତୁ। ଏମାନଙ୍କୁ ଅଣ୍ଡା ଓ ଛତୁଆ ଯୋଗାଣ କରିବା ଦାୟିତ୍ବ ଅଙ୍ଗନା ୱାଡି କର୍ମୀଙ୍କୁ ନ୍ୟସ୍ତ କରାଯାଇଛି। ଏମାନେ ହିଁ ଘର ଘର ବୁଲି ବୁଲି ଅଣ୍ଡା ଓ ଛତୁଆ ଯୋଗାଇଥାନ୍ତି। ଏଣିକି ଆଉ ଅଣ୍ଡା କି ଅନ୍ୟ ଖାଦ୍ୟ ପଦାର୍ଥ ବାଣ୍ଟିବୁ ନାହିଁ ବୋଲି କହିଛନ୍ତି। ପୂର୍ବରୁ ଅଙ୍ଗନାୱାଡି କର୍ମୀମାନେ ନିଜେ ଅଣ୍ଡା କିଣି ବଣ୍ଟନ କରୁଥିଲେ।

ପରବର୍ତ୍ତୀ ସମୟରେ ବିଲ୍ ପ୍ରଦାନ କରି ଅଣ୍ଡାର ମୂଲ୍ୟ ଗ୍ରହଣ କରୁଥିଲେ। ଅଣ୍ଡା ସହ ରନ୍ଧନ ଖାଦ୍ୟ ବଣ୍ଟନ ପାଇଁ ସରକାରଙ୍କ ପକ୍ଷରୁ ୭.୭୦ ପଇସା ପ୍ରଦାନ କରାଯାଉଛି। ଏବେ କିନ୍ତୁ ଅଣ୍ଡା ବଣ୍ଟନ ଦାୟିତ୍ବ ଜିଲ୍ଲାର ତିନି ସ୍ବୟଂ ସହାୟକ ଗୋଷ୍ଠୀଙ୍କୁ ଦାୟିତ୍ବ ପ୍ରଦାନ ପାଇଁ ଜିଲ୍ଲା ପ୍ରଶସାନ ପ୍ରସ୍ତୁତି ଚଳାଇଥିବା ଅଲ୍ ଓଡିଶା ଅଙ୍ଗନାୱାଡି ଲେଡିଜ୍ ୱାର୍କସ୍ ଆସୋସିଏସନ୍ ଅଭିଯୋଗ କରିଛି। ଗୋଟିଏ ଅଣ୍ଡା ବଣ୍ଟନ କରିବାକୁ ୪.୯୦ ପଇସାରେ ଦେବାକୁ ପ୍ରସ୍ତୁତି ଚାଲିଥିବା ଅଭିଯୋଗ କରିଛନ୍ତି।

ବଳକା ୨.୮୦ ପଇସାରେ ସକାଳ ଜଳଖିଆ, ଲୁଣ, ମସଲା, ଡାଲି,ପରିବା, ଜାଳେଣି ଅଙ୍ଗନାୱାଡି କର୍ମୀ କେମିତି ଯୋଗାଣ କରିବେ ବୋଲି ପ୍ରଶ୍ନ କରିଛନ୍ତି। ଦରଦାମ୍ ମହଙ୍ଗା ବଜାରରେ ଏତେ କମ୍ ପଇସାରେ ରନ୍ଧନ ଖାଦ୍ୟ ବଣ୍ଟନ କରିବା ସମ୍ଭବପର ନୁହେଁ ବୋଲି ସଂଘ କହିଛି। ଯଦି ତିନି ସ୍ବୟଂ ସହାୟକ ଗୋଷ୍ଠୀଙ୍କୁ ଅଣ୍ଡା ବଣ୍ଟନ ଦାୟିତ୍ବ ନ୍ୟସ୍ତ କରାଯିବ ତାହାହେଲେ ରନ୍ଧନ ଖାଦ୍ୟ ବଣ୍ଟନର ଦାୟିତ୍ବ ମଧ୍ୟ ତାଙ୍କୁ ପ୍ରଦାନ କରାଯାଉ ବୋଲି ସଂଘ ଦାବୀ କରିଛି। ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ଅଣ୍ଡା ଏବଂ ଅଙ୍ଗନାୱାଡି କର୍ମୀଙ୍କୁ ରନ୍ଧନ ଖାଦ୍ୟ ବଣ୍ଟନ ଦାୟିତ୍ବକୁ ଗ୍ରହଣ କରିବୁ ନାହିଁ ବୋଲି ସଂଘ ରୋକ୍‌ଠୋକ୍ ମନା କରିଦେଇଛି। ଗତ ଦୁଇ ମାସର ଅଣ୍ଡା କିଣା ବିଲ୍ ଏ ପର୍ଯ୍ୟନ୍ତ ମିଳିନଥିବା ସଂଘ ଅଭିଯୋଗ କରିଛି। ସମାସ୍ୟାର ସମାଧାନ ନହେଲେ ଜୁନ୍ ମାସ ୧ ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ କରିବାକୁ ସଂଘ ଚେତାବନୀ ଦେଇଛି।

ଜିଲ୍ଲା ପ୍ରଶସାନର ଏଭଳି ପ୍ରସ୍ତୁତିକୁ ଜିଲ୍ଲା ବି.ଜେ.ପି ମଧ୍ୟ ଅଙ୍ଗୁଳି ନିର୍ଦ୍ଦେଶ କରିଛି। କାହା ସ୍ବାର୍ଥରେ ଏଭଳି ପାଇଲଟ୍ ପ୍ରସ୍ତୁତି ଚାଲିଛି ବୋଲି ବି.ଜେ.ପି ପ୍ରଶ୍ନ କରିଛି! ସେପଟେ ଖୁବ୍ ଶୀଘ୍ର ଏହାର ସମାଧାନ କରାଯିବ ବୋଲି କହିଛନ୍ତି ଗଞ୍ଜାମ ଜିଲ୍ଲାପାଳ। ଆଲୋଚନା କରାଯାଇ ସମାସ୍ୟାର ସମାଧାନ କରାଯିବ ବୋଲି ସଂକ୍ଷିପ୍ତ ପ୍ରତିକ୍ରିୟା ରଖିଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ।

   Related Posts