Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ହୁ ହୁ ହୋଇ ବଢୁଛି କରୋନା : ଭାରତରେ ଭୟଙ୍କର ବିସ୍ଫୋରକ ସ୍ଥିତି, ସତର୍କ କଲା WHO

7/06/2020 at 8:20 AM

ଜେନେଭା ୦୭।୦୬: ଭାରତରେ ଫୁଟିବ କରୋନା ବୋମା । ଦେଶ ଅନ୍‌ଲକ୍‌ ହେବା ସହ ଆଗକୁ ବିସ୍ପୋରକ ପରିସ୍ଥିତି ସୃଷ୍ଟି ହେବ ବୋଲି ଚେତାବନୀ ଦେଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ (WHO)। ମାର୍ଚ୍ଚ ଶେଷ ଭାଗରେ ଜାରି କରାଯାଇଥିବା ଲକ୍‌ଡାଉନ୍‌କୁ ଧୀରେ ଧୀରେ ହଟାଯାଉଛି। ଦେଶରେ ସାମାଜିକ ଏବଂ ବ୍ୟବସାୟିକ ଗତିବିଧି ବଢ଼ିବାକୁ ଲାଗିଲାଣି । ଏଥିସହିତ ସଂକ୍ରମିତଙ୍କ ସଂଖ୍ୟା ମଧ୍ୟ ଅସ୍ୱାଭାବିକ ଭାବେ ବୃଦ୍ଧି ପାଉଛି। ଲକ୍‌ଡାଉନ୍‌କୁ ହଟାଇବା ଭାରତ ପାଇଁ ବିପଦପୂର୍ଣ୍ଣ ରହିପାରେ ବୋଲି କହିଛନ୍ତି ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ବିଶେଷଜ୍ଞ ମାଇକେଲ ରିଆନ୍‌ ।

ରିଆନ୍‌ କହିଛନ୍ତି, ଭାରତରେ କରୋନା ମାମଲାରେ ଆଗକୁ ଭୟଙ୍କର ବୃଦ୍ଧି ଦେଖିବାକୁ ମିଳିବ । ଦେଶରେ କରୋନା ସ୍ଥିତି ଏବେ ବିସ୍ଫୋଟକ ନାହିଁ । କିନ୍ତୁ ଭାରତ ସରକାର ପର୍ଯ୍ୟାୟ କ୍ରମେ ଲକ୍‌ଡାଉନ୍‌କୁ ହଟାଇବା ପାଇଁ ବଢୁଥିବାରୁ ଆଗକୁ ସାଂଘାତିକ ଅବସ୍ଥା ହୋଇଯିବ । ଡବ୍ଲ୍ୟୁଏଚ୍‌ଓର ସ୍ୱାସ୍ଥ୍ୟ ଜରୁରି୍‌ ସ୍ଥିତି କାର୍ଯ୍ୟକ୍ରମର କାର୍ଯ୍ୟନିର୍ବାହୀ ନିର୍ଦ୍ଦେଶକ ଥିବା ମାଇକେଲ ରିଆନ୍‌ କହିଛନ୍ତି ଯେ, ଆଉ ମାତ୍ର ୩ ସପ୍ତାହରେ ଭାରତରେ କରୋନା ସଂକ୍ରମିତଙ୍କ ସଂଖ୍ୟା ଦୁଇ ଗୁଣ ହୋଇଯାଇପାରେ।

ରିଆନ୍‌ କହିଛନ୍ତି, ଭାରତର ବିଭିନ୍ନ ପ୍ରାନ୍ତରେ ମହାମାରୀର ପ୍ରଭାବ ଭିନ୍ନ ଭିନ୍ନ ରହିଛି ଏବଂ ସହର ଓ ଗ୍ରାମୀଣ କ୍ଷେତ୍ର ମଧ୍ୟରେ ଅନ୍ତର ଅଛି । ଦକ୍ଷିଣ ଏସିଆରେ କେବଳ ଭାରତରେ ନୁହେଁ ବାଂଲାଦେଶ ଏବଂ ପାକିସ୍ତାନରେ ବି ମହାମାରୀର ରୂପ ବିସ୍ଫୋଟକ ହୋଇନାହିଁ । କିନ୍ତୁ ସରକାର ଭାବିଚିନ୍ତି ତଥା ସାବଧାନତାର ସହ ପଦକ୍ଷେପ ନ ନେଲେ ଏହି ବିପଦ ଆଗକୁ ମହାବିପତ୍ତି ପାଲଟିପାରେ ।

ରିଆନ୍‌ କହିଛନ୍ତି ଯେ, ଯେତେବେଳେ ମହାମାରୀ ଏକ ଗୋଷ୍ଠୀକୁ ବ୍ୟାପିଯାଏ ସେତେବେଳେ ଯେ କୌଣସି ସମୟରେ ଏହାର ପ୍ରକୋପ ଦେଖିବାକୁ ମିଳିପାରେ । ଏହା ଅନେକ ସ୍ଥାନରେ ଦେଖିବାକୁ ମଧ୍ୟ ମିଳିଛି । ଭାରତରେ ଲକ୍‌ଡାଉନ୍‌ ଭଳି ପଦକ୍ଷେପ ଦ୍ୱାରା ସଂକ୍ରମଣକୁ ଅନେକ ମାତ୍ରାରେ ରୋକାଯାଇ ପାରିଛି କିନ୍ତୁ ଏବେ ଦେଶରେ ସବୁ କିଛି କୋହଳ ହେଲାଣି। ସାମାଜିକ ତଥା ଅର୍ଥନୈତିକ ଗତିବିଧି ଧୀରେ ଧୀରେ ବଢ଼ିଲାଣି । ଏହା ସହିତ କରୋନା ମାମଲା ଆଗକୁ ହୁ ହୁ ହୋଇ ବଢ଼ିବ। ଲକ୍‌ଡାଉନ୍‌ ଯୋଗୁ ଭାରତରେ ସଂକ୍ରମଣର ଗତି ଧୀମା ହୋଇଥିଲା । କିନ୍ତୁ ଅନ୍ୟ ବଡ଼ ଦେଶଗୁଡିକ ଭଳି ଭାରତରେ ଗତିବିଧି ବଢ଼ିଲାଣି । ଏଭଳି କ୍ଷେତ୍ରରେ ଆଗକୁ ଗଳିକନ୍ଦିରେ, ଏପରିକି ଉପର ମହଲା ତଳ ମହଲାରେ କରୋନା ରୋଗୀ ରହିବେ ବୋଲି ରିଆନ୍‌ କହିଛନ୍ତି ।

ସୂଚନାଯୋଗ୍ୟ, ଭାରତ କୋଭିଡ୍‌-୧୯ ମହାମାରୀ ମାମଲାରେ ଇଟାଲିକୁ ପଛରେ ପକାଇ ବିଶ୍ୱର ଷଷ୍ଠ ଅତି ପ୍ରଭାବିତ ରାଷ୍ଟ୍ର ପାଲଟିଛି । ସ୍ୱାସ୍ଥ୍ୟ ମନ୍ତ୍ରାଳୟ ଅନୁସାରେ, ଶନିବାର ଦେଶରେ ସର୍ବୋଚ୍ଚ ଦୈନିକ ସଂକ୍ରମଣ ମାମଲା ଆସିଛି । ଗୋଟିଏ ଦିନରେ ମୋଟ ୯,୮୮୭ ମାମଲା ଆସିଛି । ୨୯୪ ଜଣଙ୍କ ମୃତ୍ୟୁ ଘଟିଛି । ଏଥିସହ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୨,୩୬,୬୫୭ ଟପିଯାଇଛି । କରୋନା ମୃତ୍ୟୁ ସଂଖ୍ୟା ୬,୬୪୨ ଅତିକ୍ରମ କରିଛି ।

ଏହା ଫଳରେ ଭାରତ ସଂକ୍ରମଣ ସଂଖ୍ୟାରେ ଇଟାଲୀକୁ ଟପିଯାଇଛି । ଇଟାଲୀ ବିଶ୍ୱର ସର୍ବାଧିକ ସଂକ୍ରମିତ ଦେଶ ତାଲିକାର ସପ୍ତମ ସ୍ଥାନକୁ ଖସି ଆସିଥିଲା ବେଳେ ଭାରତ ଷଷ୍ଠ ସ୍ଥାନକୁ ଉଠିଛି । ଇଟାଲୀରେ ଏବେ ମୋଟ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୩୪ ହଜାର ୫୩୧ ରହିଥିଲା ବେଳେ ସେଠାରେ ଏପର୍ଯ୍ୟନ୍ତ ୩୩ ହଜାର ୭୭୪ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି ।

ଡବ୍ଲ୍ୟୁଏଚ୍‌ଓର ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମିନାଥନ କହିଛନ୍ତି ଯେ, ଲକ୍‌ଡାଉନ୍‌ କଟକଣା ହଟାଇବା ସହିତ ଏହା ସୁନିଶ୍ଚିତ କରିବାକୁ ପଡ଼ିବ ଯେ, ସମସ୍ତ ପ୍ରକାର ସାବଧାନତା ଅବଲମ୍ବନ କରାଯାଉଛି କି ନାହିଁ । ଲୋକଙ୍କ ବ୍ୟବହାର, ହାବଭାବ ଏବଂ ଜୀବନଶୈଳୀରେ ବଡ଼ ଧରଣର ପରିବର୍ତ୍ତନ ଆସିବା ଦରକାର । ମାସ୍କ ପିନ୍ଧିବା ତଥା ସ୍ୱଚ୍ଛତା ସେମାନଙ୍କ ସୁରକ୍ଷା ପାଇଁ ଜରୁରୀ । ଏହା ସେମାନଙ୍କୁ ନିଜେ ବୁଝିବାକୁ ହେବ ।

   Related Posts