Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

କରୋନା ଯାଞ୍ଚ ଲାଗି ଆଗାମୀ ସପ୍ତାହରେ ଚୀନ୍ ଯିବେ WHO ବିଶେଷଜ୍ଞ ଟିମ୍, ଜଣାପଡିବ ଡ୍ରାଗନର ଷଡ଼ଯନ୍ତ୍ର

4/07/2020 at 4:34 PM

ଜେନେଭା : କରୋନା ଭାଇରସ ମହାମାରୀର ସୂଚନା ଲୁଚାଇବା ଏବେ ଚୀନକୁ ମହଙ୍ଗା ପଡିବ। ବିଳମ୍ବରେ ସୂଚନା ଲାଗି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁଏଚଓ)ଙ୍କୁ ଶରବ୍ୟ ହେବାକୁ ପଡିଥିଲା। ବିଳମ୍ବରେ ହେଲେ ମଧ୍ୟ ଭୂତାଣୁର ଉତ୍ପତିସ୍ଥଳ ଓ ବ୍ୟାପିବାର ପରିସ୍ଥିତି ଆକଳନ ଲାଗି ଡବ୍ଲୁଏଚଓ ଜୁଲାଇ ଦ୍ୱିତୀୟ ସପ୍ତାହରେ ଚୀନକୁ ଏକ ଯାଞ୍ଚକାରୀ ଦଳ ପଠାଇବେ ବୋଲି ସୂଚନା ମିଳିଛି।

ଭାଇରାଲ ନିମୋନିଆ ସମ୍ପର୍କରେ ଡବ୍ଲୁଏଚଓ କଣ୍ଟ୍ରି ଅଫିସଙ୍କୁ ଉହାନ୍‌ ମ୍ୟୁନିସିପାଲ ହେଲ୍‌ଥ  କମିସନ ଏକ ବୟାନ ଜାରି କରିଥିଲେ। ତେବେ ସେତେବେଳକ କରୋନା ମହାମାରୀ ସାରା ବିଶ୍ୱକୁ ପହଞ୍ଚି ସାରିଥିଲା। କରୋନା ବ୍ୟାପିବାର ପ୍ରାୟ ୬ ମାସ ପରେ ଡବ୍ଲୁଏଚଓ ମାମଲାର ତଦନ୍ତ ଲାଗି ଚୀନକୁ ଏକ ଟିମ୍‌ ପଠାଇବେ। ତେବେ ଭୂତାଣୁର ଉତ୍ପତି ନେଇ ସଘନ ଯାଞ୍ଚର ଜରୁରି ଥିବା ଡବ୍ଲୁଏଚଓ ମୁଖ୍ୟ ବୈଜ୍ଞାନିକ ଡା. ସୌମ୍ୟା ସ୍ୱାମୀନାଥନ କହିଛନ୍ତି।   

ଡା.ସ୍ୱାମୀନାଥନଙ୍କ ଅନୁସାରେ ଚୀନ୍‌ ସରକାର ଡିସେମ୍ବର ୩୧ ତାରିଖରେ ଉହାନରେ ଭୂତାଣୁ ସଂକ୍ରମଣ ନେଇ ଡବ୍ଲୁଏଚଓଙ୍କୁ ସୂଚନା ଦେଇଥିଲେ। ଚୀନ୍‌ ସ୍ଥିତ ସଙ୍ଗଠନଙ୍କ କାର୍ଯ୍ୟାଳୟ ପ୍ରସଙ୍ଗ ଉତ୍ଥାପନ କରିବା ସହ ଜାନୁୟାରୀ ୧ ତାରିଖରେ ଡବ୍ଲୁଏଚଓ ଅନ୍ତର୍ଜାତୀୟ  ତନ୍ତ୍ରଙ୍କୁ ସୂଚିତ କରିଥିଲେ। ତେବେ ଡା.ସ୍ୱାମୀନାଥନ କହିଛନ୍ତି ଯେ ରୋଗ ସୃଷ୍ଟି କରୁଥିବା ଭୂତାଣୁ ବାଦୁଡି ଭୂତାଣୁ ସହ ଅନେକାଂଶରେ ମିଶୁଛି। ତେବେ ଏହା କେଉଁଠି ଓ କେବେ ସୃଷ୍ଟି ହେଲେ ସେ ନେଇ ଅଧିକ କିଛି ଜାଣି ନଥିବା  ଡା.ସ୍ୱାମୀନାଥନ କହିଛନ୍ତି।

ଯଦି ଏହା ବାଦୁଡି ଜନିତ ଭୂତାଣୁ ତେବେ ଦକ୍ଷିଣ ଚୀନ୍‌ ଓ ଦକ୍ଷିଣ-ପୂର୍ବ ଏସିଆର ବିଭିନ୍ନ ଦେଶରେ ମିଳୁଥିବା  ବାଦୁଡି ପ୍ରଜାତିଙ୍କ ନିକଟରେ ଏହାର ଆଣ୍ଟିବଡି ରହିଛି। ସାରା ବିଶ୍ୱରେ  ୧୦ ମିଲିୟନରୁ ଅଧିକ ଲୋକେ ଏପର୍ଯ୍ୟନ୍ତ ସଂକ୍ରମିତ ହୋଇଥିବା ବେଳେ ୫ ଲକ୍ଷରୁ ଅଧିକ ଲୋକେ ପ୍ରାଣ ହରାଇଲେଣି। ଏଣୁ କରୋନାକୁ ବୁଝିବା ଲାଗି ଶୀଘ୍ରାତିଶୀଘ୍ର ଚୀନ୍‌କୁ ବିଶେଷଜ୍ଞଙ୍କୁ ପଠାଯିବା ଜରୁରି ବୋଲି ଏବେ ଡବ୍ଲୁଏଚଓ ଅନୁଭବ କରିଥିବା ବେଳେ ଏ ନେଇ ମହାନିର୍ଦ୍ଦେଶକ ଡା.ଟେଡ୍ରୋସ୍ ଅଦନୋମ ଘେବିୟସ୍‌ ନିର୍ଦ୍ଦେଶ ଦେଇଛନ୍ତି। ମହାମାରୀ ସଂକ୍ରମଣ ସମ୍ପର୍କରେ ଚୀନ୍‌ ସୂଚନା ଦେବାରେ ବିଳମ୍ବ କରିଥିଲା। ଯଦି ପ୍ରାରମ୍ଭିକ ପର୍ଯ୍ୟାୟରେ ଜଣାପଡିଥାନ୍ତା ଏହାର ପ୍ରସାର ରୋକିବା ସମ୍ଭବ ହୋଇପାରିଥାନ୍ତା ଓ ବିଶ୍ୱ ଏକ ଗୁରୁତର ଆର୍ଥିକ ଦୂରାବସ୍ଥାରୁ ମୁକ୍ତ ରହିପାରିଥାନ୍ତା।

   Related Posts