Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

କରୋନା ସଂକ୍ରମିତ ମହିଳା କରାଇପାରିବେ ସ୍ତନ୍ୟପାନ, ସଂକ୍ରମଣର ଆଶଙ୍କା ନାହିଁ : WHO

13/06/2020 at 12:28 PM

ନ୍ୟୁୟର୍କ ୧୩।୬: ସ୍ତନ୍ୟପାନ କରାଇବା ଦ୍ବାରା କରୋନା ସଂକ୍ରମଣର ବିପଦ ନାହିଁ ବୋଲି ବିଶ୍ବ ସ୍ବାସ୍ଥ୍ୟ ସଂଗଠନ (WHO) କହିଛି । ଏଥିପାଇଁ କୋଭିଡ୍-୧୯ ସଂକ୍ରମିତ ମହିଳାମାନେ ନିଜ ଶିଶୁଙ୍କୁ ସ୍ତନ୍ୟପାନ କରାଇପାରିବେ । WHOର ମହାନିର୍ଦ୍ଦେଶକ କହିଛନ୍ତି ଯେ, କୋଭିଡ୍-୧୯ ଦ୍ବାରା ସଂକ୍ରମିତ କିମ୍ବା ସଂକ୍ରମଣର ସନ୍ଦେହ ହେବା ପରେ ମଧ୍ୟ ଶିଶୁମାନଙ୍କୁ ସ୍ତନ୍ୟପାନ କରାଇପାରିବେ । ଏଥିପାଇଁ ମା’ମାନଙ୍କୁ ପ୍ରୋତ୍ସାହିତ କରାଯିବା ଉଚିତ୍ ବୋଲି ସେ କହିଛନ୍ତି । ଯେପର୍ଯ୍ୟନ୍ତ ମା’ ଅତ୍ୟଧିକ ଅସୁସ୍ଥ ହୋଇନାହାନ୍ତି ଶିଶୁମାନଙ୍କୁ ସେମାନଙ୍କ ନିକଟରୁ ଅଲଗା କରାଯିବା ଉଚିତ୍ ନୁହେଁ । ସଂଗଠନରେ ମାତୃ, ଶିଶୁ ଏବଂ କିଶୋର ବିଭାଗ ସ୍ବାସ୍ଥ୍ୟ ନିର୍ଦ୍ଦେଶକ କହିଛନ୍ତି ଯେ, ସ୍ତନ୍ୟପାନ କରାଇବା ଦ୍ବାରା କରୋନା ସଂକ୍ରମଣ ହେବାର ଏପର୍ଯ୍ୟନ୍ତ କୌଣସି ପ୍ରମାଣ ମିଳିନାହିଁ ।

ସେ କହିଛନ୍ତି ଯେ, ଆମକୁ ଏପର୍ଯ୍ୟନ୍ତ ମା’ କ୍ଷୀରରେ ସକ୍ରିୟ ଭାଇରସ୍ ମିଳିନାହିଁ । ମା’ କ୍ଷୀରରେ କୋଭିଡ୍-୧୯ର ଆରଏନଏର ଅଂଶ ମିଳିଛି । ମାତ୍ର ସକ୍ରିୟ ଭାଇରସ୍ ମିଳିନାହିଁ । ଏଥିପାଇଁ ମା’ଠାରୁ ଶିଶୁକୁ କରୋନା ସଂକ୍ରମଣ ହେବାର ବର୍ତ୍ତମାନ ପର୍ଯ୍ୟନ୍ତ କୌଣସି ପ୍ରମାଣ ମିଳିନାହିଁ ।

WHOର ମହାନିର୍ଦ୍ଦେଶକ କହିଛନ୍ତି ଯେ, ସ୍ତନ୍ୟପାନ ସମୟରେ ମା’ଠାରୁ ଶିଶୁକୁ କରୋନ ସଂକ୍ରମଣ ହେବାର ପ୍ରସଙ୍ଗକୁ ସାବଧାନପୂର୍ବକ WHO ଅଧ୍ୟୟନ କରିଛି । ଆମେ ଜାଣିଛୁ ଯେ, ଶିଶୁମାନଙ୍କଠାରେ କରୋନାର ବିପଦ କମ୍ ହୋଇଥାଏ । ଯେଉଁଠିକି ଏପରି ଅନ୍ୟ ରୋଗର ବିପଦ ଅଧିକ ହୋଇଥାଏ । ଯାହାକୁ ସ୍ତନ୍ୟପାନ ମାଧ୍ୟମରେ ରୋକାଯାଇପାରିବ ।

ପ୍ରମାଣ ଆଧାରରେ WHOର ପରାମର୍ଶ ଯେ, ସ୍ତନ୍ୟପାନ ମାଧ୍ୟମରେ କରୋନା ସଂକ୍ରମଣ ହେବାର ବିପଦ ତୁଳନାରେ ଏହାଦ୍ବାରା ଅଧିକ ଲାଭ ହୋଇଥାଏ । କୋଭିଡ୍ ସଂକ୍ରମିତ ମା’ ଦ୍ବାରା ସ୍ତନ୍ୟପାନ ବିଷୟରେ ନିର୍ଦ୍ଦେଶନାମା ମଧ୍ୟ ଜାରି କରିଛି WHO । ଏହି ନିର୍ଦ୍ଦେଶନାମାରେ କୁହାଯାଇଛି ଯେ, ସ୍ତନ୍ୟପାନ ପୂର୍ବରୁ ମା’ ମାସ୍କ ପିନ୍ଧିବା ଆବଶ୍ୟକ । ଶିଶୁକୁ ଛୁଇଁବା ପୂର୍ବରୁ ଏବଂ ପରେ ନିଜ ହାତକୁ ପରିଷ୍କାର ଭାବେ ଧୋଇବା ଉଚିତ୍ । ଏହାସହ ଆଖପାଖର ଚଟାଣକୁ ସଫା ଏବଂ ସଂକ୍ରମଣମୁକ୍ତ ରଖିବା ଉଚିତ୍ ।

   Related Posts