Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଶ୍ରୀମନ୍ଦିର ଇତିହାସରେ ଏମିତି କେବେ ଘଟିନଥିଲା: କଣ ସତରେ ମାଳିକା କଥା ସତ, ବାରହାତ ଖଣ୍ଡା ଧରି କଳକି ଅବତାରରେ ଆସିବେ ଜଗନ୍ନାଥ ???

28/12/2018 at 8:02 PM

ଭୁବନେଶ୍ବର ୨୮|୧୨: ବାର ଘଣ୍ଟାର ନୀତି ବିଳମ୍ବ । ସକାଳ ସାଢ଼େ ୪ଟାରେ ମଙ୍ଗଳ ଆଳତୀ ହେବା କଥା ଆଉ ହେଲା ସଂଧ୍ୟା  ୫ଟାରେ । ଏପଟେ  ହଜାର ହଜାର ଭକ୍ତ ବ୍ୟାକୁଳ ହେଉଥିଲେ। ଶ୍ରୀମନ୍ଦିର ଇତିହାସରେ ଏମିତି କେବେ ଘଟିନଥିଲା। ଆଜି ଯାହା ଘଟିଲା ଏକ କଳଙ୍କିତ ଅଧ୍ୟାୟ ସୃଷ୍ଟି ହେଲା।

ଆଜି ଯାହା ଘଟିଲା ଶ୍ରୀମନ୍ଦିର ଇତିହାସରେ କଲଙ୍କିତ ଅଧ୍ୟାୟ ହେଲା। ପୂର୍ବରୁ ଶ୍ରୀମନ୍ଦିରରେ ସେବାୟତ-ପୋଲିସ- ସେବାୟତ-ସେବାୟତ, ଭକ୍ତ –ସେବାୟତ କିମ୍ବା ପ୍ରଶାସନ ମଧ୍ୟରେ ଅନେକ ଥର ଝଗଡ଼ାଝାଟି ହୋଇଥିଲା କିନ୍ତୁ ଏମିତି କିଛି ହୋଇନଥିଲା। ଆଉ କାହିଁକେତେ ଦୂର ଶ୍ରୀଜଗନ୍ନାଥଙ୍କୁ ଦର୍ଶନ କରିବାକୁ ଆସିଥିବା ଭକ୍ତ ନିଜ ଭାଗ୍ୟକୁ ନିନ୍ଦୁ ଥିଲା। ଆଖିରୁ ତାର ବହୁଥିଲା ଅଶ୍ରୁ।

କେତେବେଳେ କ୍ଷୋଭ, କେତେବେଳେ କ୍ରୋଧ କେତେବେଳେ ଅଭିମାନ ଆଉ କେତେବେଳେ କାନ୍ଦି କାନ୍ଦି ଭକ୍ତ ନିଜର ମନର କଥା କହୁଥିଲା। ଯେଉଁମାନେ ଅହଂକାରରେ ଅନ୍ଧ  ହୋଇଯାଇଛନ୍ତି। ଯେଉଁମାନଙ୍କ ଭଗବାନଙ୍କ ସହିତ ବାଦ କରିବାକୁ ସାହସ କରିଛନ୍ତି ସେମାନଙ୍କ ପାଖରେ ଏମାନେ କିନ୍ତୁ  ଥିଲେ ଅସହାୟ।

ଏବେବି ଅନେକ ଭକ୍ତ ଅଛନ୍ତି ଦିଅଁ ଦର୍ଶନ ନକଲେ ସେମାନେ ଅନ୍ନ ସ୍ପର୍ଶ କରିନ୍ତିନି। ଆଜି ଯେତେବେଳେ ସ୍ବୟଂ ଭଗବାନ ଓପାସ ଅଛନ୍ତି ସେତେବେଳେ ସେମାନେ ବି ଅନ୍ନ ଗ୍ରହଣ କରିନଥିଲେ। ସାରା ଓଡିଶାରେ ଭକ୍ତ ମନ ଆନ୍ଦୋଳିତ ହେଉଥିଲା। କଣ ସତରେ ମାଳିକା କଥା ସତ ହବାକୁ ଯାଉଛି। କଣ ବାରହାତ ଖଣ୍ଡା ଧରି କଳକି ଅବତାରରେ ଆସିବେ ଜଗନ୍ନାଥ।

ଯେତେବେଳେ ଦ୍ବାର ଫିଟିବା ପାଇଁ ନିଷ୍ପତ୍ତି ହୋଇଥିଲା। ଭକ୍ତଙ୍କ ଆନନ୍ଦ କହିଲେ ନସରେ। ଜିଲ୍ଲାପାଳ ଆସି କହିଥିଲେ ଆଜି ବିଳମ୍ବିତ ରାତି ଯାଏଁ ଦର୍ଶନ ଚାଲୁ ରହିବ । ଏହା ବି ପ୍ରଶାସନର ମର୍ଜି। ଆଉ ଭକ୍ତ ବ୍ୟାରିକେଡ଼ରେ ଜୟ ଜଗନ୍ନାଥ କହି ଧାଇଁଥିଲା ଶ୍ରୀଜୀଉଙ୍କ ଦର୍ଶନ କରିବା ପାଇଁ।  

ବେଶ୍‌ କିଛି ଦିନ ଧରି ଯାହା କିଛି ଘଟିଚାଲିଛି ସବୁକିଛି ଶ୍ରୀମନ୍ଦିର ଇତିହାସରେ କେବେବି ଘଟିନଥିଲା। ଦାରୁ ଫିକ୍ସଂଠାରୁଆରମ୍ଭ କରି ଦିନରେ ବ୍ରହ୍ମ ପରିବର୍ତ୍ତନ, ରତ୍ନ ଭଣ୍ଡାରର ଚାବି ହଜିବା ଠାରୁ ଆରମ୍ଭ କରି ସିଂହଦ୍ବାରରେ ଲାଠି ଚାର୍ଜ ହେବା ଏବଂ ବାଇଶି ପାହାଚ ଯାଏଁ ଚପଲ ପିନ୍ଧି କିଛି ପଶିଯିବା। କେତେବେଳେ ଅନଲାଇନ ଟିକେଟ କେତେବେଳେ ପାରମାଣିକ ଟିକେଟ। ଏସବୁ କିଛି ବାଦ ବିବାଦ କିର୍ତ୍ତି ଚନ୍ଦ୍ରରେ କଳଙ୍କ ଲଗାଉନି ତ।  

   Related Posts