Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ପୁରୀ ଘଟଣା ପାଇଁ ଦାୟୀ କିଏ? ତେଜିଲା ରାଜନୀତି

3/10/2018 at 5:16 PM

ଭୁବନେଶ୍ବର୩|୧୦: ତେବେ ଶ୍ରୀକ୍ଷେତ୍ରରେ ଆଜି ଯାହା ଘଟିଲା ସେଥିପାଇଁ କାହାକୁ ଦାୟୀ କରାଯିବ। ଆନ୍ଦୋଳନ କରିବାକୁ ଆସିଥିବା ଲୋକେ । ନା ଏଭଳି ଏକ ପରିସ୍ଥିତି ଉପୁଜିବାକୁ ଯାଉଥିବା ନେଇ ଅଜଣା ରହିବା ପୋଲିସ। ନା ରାତାରାତି ପରିବର୍ତ୍ତନ ଆଣିବାକୁ ଚାହୁଁଥିବା ପ୍ରଶାସନ। ଏନେଇ ଆରମ୍ଭ ହୋଇଛି ବିଶ୍ଳେଷଣ। ….

ଏମିତି କେବେ ଦେଖାଦେଇନଥିଲା । ଜଳିଲା ବଡ଼ଦାଣ୍ଡ। ସିଂହଦ୍ବାରରେ ଚାଲିଲା ଧସ୍ତାଧସ୍ତି। ଦୋକାନବଜାର ପ୍ରଶାସନ କାର୍ଯ୍ୟାଳୟରେ ଚାଲିଲା ଭଙ୍ଗାରୁଜା। ତେବେ ଏମିତି ପରିସ୍ଥିତିକୁ କେମିତି ଆକଳନ କରିପାରିଲାନି ପୋଲିସ। କଣ ଗୁଇନ୍ଦା ସୂଚନା ପାଇପାରିଲାନି ପୋଲିସ। କଣ ପରିସ୍ଥିତି ନେଇ ନଜର ଆନ୍ଦାଜ କଲା ପୋଲିସ। କଣ ପ୍ରଶାସନ ଭୃକ୍ଷେପ କଲାନି। ପୂରା ଘଟଣାକ୍ରମକୁ ଦେଖିଲେ ଏମିତି କିଛି ପ୍ରଶ୍ନ ସାମ୍ନାକୁ ଆସୁଛି।

ପୁରୀ ବନ୍ଦ ଡାକରା ଦେଇଥିଲେ କିଛି ସଂଗଠନ। ରାଜନୈତିକ ଦଳଗୁଡ଼ିକ ମଧ୍ୟ ଏଥିରେ ସାମିଲ ହୋଇଥିଲେ। ଧାଡ଼ି ଦର୍ଶନ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ମଧ୍ୟ ରହିଥିଲା। ତା ଛଡ଼ା ନିକଟରେ ମଧ୍ୟ ପୋଲିସ ଓ ସ୍ଥାନୀୟ ଲୋକେ ଧସ୍ତାଧସ୍ତି ମୁହାଁମୁହିଁ ହୋଇଥିଲେ। ଏଭଳି ପରିସ୍ଥିତିରେ ଆଜି ସକାଳୁ ସ୍ଥିତିକୁ ନିୟନ୍ତ୍ରଣରେ ରଖିବା ବଦଳରେ ପୋଲିସ ଯେମିତି ଲାଠିରେ ନିୟନ୍ତ୍ରଣ କରିବା ମୁଡରେ ରହିଥିଲା।

ଯେତେବେଳେ ସବୁକିଛି ନିୟନ୍ତ୍ରଣ ବାହାରକୁ ଚାଲିଯାଉଛି, ସେତିକିବେଳେ ବଡ଼ଦାଣ୍ଡରେ ପୋଲିସ ଫ୍ଲାଗ ମାର୍ଚ୍ଚ କରିଥିଲା। ତଥାପି ପୁରୀର ବିଭିନ୍ନ ଗଳିରୁ ଆରମ୍ଭ ହୋଇଥିଲା ଟେକାପଥର ମାଡ଼। ଏହି ସମୟରେ ଶାନ୍ତି ବଜାୟ ରଖିବା ଲାଗି ଆହ୍ବାନ ଦେଇଥିଲେ କେନ୍ଦ୍ରାଞ୍ଚଳ ଆଇଜି। ଆଉ ଏତିକିବେଳେ ପୁରୀ ଏସପି କିନ୍ତୁ ଲୁହା ଶାବଳ ଭଳିଆ ଅଡ଼ି ରହିଥିଲେ।

ପୁରୀକୁ ନେଇ ସାରା ବିଶ୍ବରେ ଓଡ଼ିଶାର ପରିଚୟ। ଆଉ ଆଜି ଯାହା ଯାହା ପୁରୀରେ ଘଟୁଥିଲା ତାହାର ପ୍ରଭାବ ମଧ୍ୟ ଭୁବନେଶ୍ବରରେ ଦେଖିବାକୁ ମିଳିଥିଲା। ବିରୋଧୀ ଏଥିପାଇଁ ସରକାରଙ୍କୁ ପ୍ରଶାସନକୁ ଦାୟୀ କରିଥିବା ବେଳେ ସ୍ଥିତି ଉପରେ ନଜର ରଖିଥିବା କହିଖିଲା ସରକାରୀ ଦଳ।

ଅପରିଣାମ ଦର୍ଶିତା। ପରିସ୍ଥିତିକୁ ହେୟ ଜ୍ଞାନ କରିବା, ଯୋଗୁଁ ପ୍ରଶାସନ ଓ ପେଲିସ ନିୟନ୍ତ୍ରଣ ବାହାରକୁ ସ୍ଥିତି ଚାଲିଲା, ତେବେ ପୂରା ନିୟମର ସମୀକ୍ଷା କରାଯିବ ବୋଲି ପ୍ରଶାସନ କହିବା ପରେ ସ୍ଥିତି ଧିରେ ଧିରେ ସ୍ବାଭାବିକ ହୋଇଥିଲା।

   Related Posts