Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||

ଆଇସୋଲେସନରେ ସାଉଦିର କ୍ରାଉନ୍ ପ୍ରିନ୍ସ, ପରିବାରର ୧୫୦ ସଦସ୍ୟ କରୋନା ସଂକ୍ରମିତ

11/04/2020 at 7:47 PM

ନୂଆଦିଲ୍ଲୀ ୧୧।୦୪: କରୋନା ଭାଇରସ୍‌ ସଭିଙ୍କୁ ଗୋଟିଏ  ଜାଗାରେ ନେଇ ଛିଡା କରି ଦେଇଛି। ସେ ସାଧାରଣ ପରିବର ହେଉ କି ବିତ୍ତଶାଳୀ ପରିବାର। ସଭିଙ୍କ ଉପରେ ଏହି ଭାଇରସ୍‌ର ବିପଦ ରହିଛି। ନ୍ୟୁୟର୍କ ଟାଇମ୍ସର ରିପୋର୍ଟ ଅନୁଯାୟୀ, ସାଉଦି ଆରବର କ୍ଷମତାସୀନ ଶାହି ପରିବାରର ୧୫୦ ଜଣ ସଦସ୍ୟ କରୋନା ଭାଇରସ୍‌ରେ ସଂକ୍ରମିତ ହୋଇଛନ୍ତି। ଅନ୍ୟପଟେ କିଙ୍ଗ ସଲମାନଙ୍କ ସହିତ ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ ସଲମାନ ଆଇସୋଲେସନରେ ଚାଲି ଯାଇଛନ୍ତି।

କିଏ ଏହି କ୍ରାଉନ ପ୍ରିନ୍ସ ମହମ୍ମଦ ବିନ ସଲମାନ

ସାଉଦି ଆରବର ଯୁବରାଜ ମହମ୍ମଦ ବିନ ସଲମାନ MBS ନାମରେ ପୂରା ଦୁନିଆରେ ପରିଚିତ। କିଛି ସମୟ ପୂର୍ବେ ପ୍ରିନ୍ସ ମହମ୍ମଦ ବିନ ସଲମାନଙ୍କ ବିଷୟରେ କିଛି ଲୋକ ଜାଣିଥିଲେ, ମାତ୍ର ଯେବେ ତାଙ୍କ ପିତା ସାଉଦି ଆରବର ରାଜା ହେଲେ ତେବେଠୁ ପ୍ରିନ୍ସ ମହମ୍ମଦ ବିନ ସଲମାନଙ୍କ ଚର୍ଚ୍ଚାର ପରିଧିକୁ ଆସିଥିଲା। ତାଙ୍କର ସଂପର୍କୀୟ ଭାଇ ମହମ୍ମଦ ବିନ ନୟକଙ୍କ ସ୍ଥାନରେ ତାଙ୍କୁ କ୍ରାଉନ ପ୍ରିନ୍ସ ପଦ ମିଳିଥିଲା।

ସାଉଦି ଆରବ ପରିବାରର ୧୫୦ ସଦସ୍ୟ କରୋନା ଭାଇରସ୍‌ରେ ସଂକ୍ରମିତ ହେବା ଜଣା ପଡିବା ପରେ ତୁରନ୍ତ ଡାକ୍ତରୀ ଦଳ ପରିବାରର ଚିକିତ୍ସାରେ ଜୁଟି ଯାଇଛନ୍ତି। କରୋନା ବିପଦର ଆଶଙ୍କାକୁ ଦେଖି ହସ୍ପିଟାଲରେ ୫୦୦ ଅତିରିକ୍ତ ଶଯ୍ୟାର ବ୍ୟବସ୍ଥା କରାଯାଉଛି। ଏହା ପୂରା ଦେଶରୁ ଆସୁଥିବା ଭିଆଇପି ରୋଗୀଙ୍କ ପାଇଁ ଉଦ୍ଦିଷ୍ଟ।

ଡାକ୍ତର କହିଛନ୍ତି ଯେ, ଆମକୁ ଜଣା ନାହିଁ କେତେ ରୋଗୀଙ୍କ ସଂଖ୍ୟା ବଢିପାରେ। ମାତ୍ର ଏଥିପାଇଁ ଆମକୁ ପ୍ରସ୍ତୁତ ରହିବାକୁ ପଡିବ। ଉଲ୍ଲେଖଯୋଗ୍ୟ, ହାଉସ୍ ଅଫ ସାଉଦି ନାମରେ ପ୍ରସିଦ୍ଧ ସାଉଦି ଆରବର ସାହି ଖାନଦାନରେ ପ୍ରାୟ ୧୫୦୦୦ ସଦସ୍ୟ ରହିଛନ୍ତି। ଏହି ପୂରା ଖାନଦାନ ମହମ୍ମଦ ବିନ ସାଉଦିଙ୍କ ବଂଶଜ।

   Related Posts