Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ଜଣେ କୄର ନେତାଙ୍କ ଜୀବନରେ କେମିତି ଆସିଲେ ଜଣେ ସାଧାରଣ ଯୁବତୀ ? କିମ୍ ଜୋଙ୍ଗଙ୍କୁ ବିବାହ କରିଥିବା ରି ସୋଲ ଜୁ କିଏ…

24/04/2020 at 1:33 PM

ନୂଆଦିଲ୍ଲୀ ୨୪/୦୪ : ଗତ କିଛି ଦିନ ହେଲା ଉତ୍ତର କୋରିଆ ଏକ ଛତ୍ରବାଦ ଶାସକ କିମ୍ ଜୋଙ୍ଗଙ୍କୁ ନେଇ ନାନା ଖବର ଶୁଣିବାକୁ ମିଳୁଛି | ଆମେରିକୀୟ ମିଡ଼ିଆ ଅନୁଯାୟୀ, କିମ ଜୋଙ୍ଗ ଅସୁସ୍ଥ ଅଛନ୍ତି ଏବଂ ତାଙ୍କ ସ୍ୱାସ୍ଥ୍ୟବସ୍ଥା ଗମ୍ଭୀର ରହିଛି | କିନ୍ତୁ ବିବିସିର ଏକ ରିପୋର୍ଟ ଅନୁଯାୟୀ, କିମଙ୍କ ସ୍ୱାସ୍ଥ୍ୟବସ୍ଥା ଭଲ ଅଛି | ତାଙ୍କ କହିବାନୁଯାୟୀ କିମ ଅସୁସ୍ଥ ଥିଲେ କିନ୍ତୁ ବର୍ତ୍ତମାନ ସେ ସୁସ୍ଥ ଅଛନ୍ତି ଏବଂ ନିଜ ଘରେ ଅଛନ୍ତି |

ଏହା ମଧ୍ୟରେ କିମଙ୍କ ଜୀବନୀକୁ ନେଇ ଅନେକ ରୋମାଞ୍ଚକ ତଥ୍ୟ ସାମ୍ନାକୁ ଆସିଛି | ସବୁଠାରୁ ରୋମାଞ୍ଚକ ହେଲା ତାଙ୍କ ପ୍ରେମ ଜୀବନୀ | କିମ ଜୋଙ୍ଗ ଓ ତାଙ୍କ ପତ୍ନୀ ରି ସୋଲ ଜୁଙ୍କ ସମ୍ପର୍କରେ କୁହାଯାଏ ଉଭୟ ପରସ୍ପରକୁ ବହୁତ ଭଲପାଆନ୍ତି | ଉଭୟଙ୍କୁ ଯେବେ ସାର୍ବଜନୀନ ସ୍ଥାନରେ ଦେଖିବାକୁ ମିଳେ ଉଭୟଙ୍କ ମଧ୍ୟରେ ଥିବା ପ୍ରେମ ସ୍ପଷ୍ଟ ବାରି ହୋଇପଡେ | ଉଭୟଙ୍କ ପରସ୍ପର ପ୍ରତି ପ୍ରେମ, ସମ୍ମାନ, ସ୍ନେହ ରହିଛି | କିମଙ୍କ ପ୍ରେମ ସମ୍ପର୍କ ଓ ବିବାହ ସମ୍ପର୍କରେ ଅନେକ ତଥ୍ୟ ରହିଛି |

କିମଙ୍କ ପତ୍ନୀ ରି ବହୁତ ପ୍ରତିଭାଶାଳୀ ବୋଲି କୁହାଯାଏ | ସେ ଜଣେ ବହୁତ ଭଲ ଗାୟିକା ଏବଂ ପରାମର୍ଶଦାତା ମଧ୍ୟ | କିମ ନିଜ ପତ୍ନୀଙ୍କ ପରାମର୍ଶ ବିନା କୌଣସି କାମ କରନ୍ତିନି ବୋଲି କୁହାଯାଏ | କିମ ଏବଂ ଜୁ ପ୍ରେମ ବିବାହ କରିଛନ୍ତି | ଉଭୟର ୩ ପୁଅଝିଅ ଅଛନ୍ତି | ୧୯୮୯ ମସିହା ସେପ୍ଟେମ୍ବର ୨୮ ତାରିଖରେ ଜନ୍ମ ହୋଇଥିବା ଜୁ ପୂର୍ବରୁ ଚିୟରଲିଡର ଥିଲେ | ସେ ଏକ ସାଧାରଣ ପରିବାରରେ ଜନ୍ମ ହୋଇଥିଲେ | ପ୍ରଥମ ଦେଖାରେ ହିଁ କିମ ତାଙ୍କୁ ନିଜ ହୃଦୟ ଦେଇ ଦେଇଥିଲେ | ପ୍ରଥମଦେଖାରୁ ହିଁ କିମଙ୍କୁ ଜୁ ସହ ପ୍ରେମ ହୋଇଯାଇଥିଲା |

କିମ ଜୋଙ୍ଗ ଓ ଜୁଙ୍କ ବିବାହ ସମ୍ପର୍କରେ ସଠିକ ତଥ୍ୟ କାହା ପାଖରେ ବି ନାହିଁ | କିନ୍ତୁ ମିଡ଼ିଆ ରିପୋର୍ଟ ଅନୁଯାୟୀ, ପାଖାପାଖି ୨୦୦୯ ମସିହା ଆଡକୁ ଉଭୟ ବିବାହ କରିଥିଲେ | କିମ ଓ ଜୁଙ୍କ ମଧ୍ୟରେ ୭ ବର୍ଷର ଅନ୍ତର ରହିଛି | ଉଭୟଙ୍କ ବିବାହକୁ ୧୧ ବର୍ଷ ହୋଇସାରିଛି | ୨୦୧୨ ମସିହାରେ ଜୁଙ୍କ ସନ୍ତାନ ଜନ୍ମ ହେବା ପରେ ଉଭୟ ବିବାହ ସମ୍ପର୍କରେ ଜଣାପଡିଥିଲା | ୨୦୧୮ ମସିହାରେ କିମ ନିଜ ପତ୍ନୀଙ୍କୁ ଫାଷ୍ଟ ଲେଡି ବା ପ୍ରଥମ ମହିଳା ବୋଲି ଘୋଷିତ କରିଥିଲେ | ଏହା ପରଠାରୁ ମିଡ଼ିଆ ଜୁଙ୍କୁ ସମ୍ମାନିତ ପ୍ରଥମ ମହିଳା ଭାବେ ଜାଣିଚି |

ଜୁଙ୍କୁ ଅନେକ ସମାରୋହରେ କିମଙ୍କ ସହ ଦେଖିବାକୁ ମିଳେ | ଅନେକ ବିଦେଶ ଯାତ୍ରାରେ ମଧ୍ୟ ରୁ କିମଙ୍କ ସହ ଯାଇଥାନ୍ତି | ଜୁ କେବଳ ସୁନ୍ଦର ନୁହନ୍ତି, ବହୁତ ଶାନ୍ତ ଓ ଚତୁର ମଧ୍ୟ | ଥରେ ଏକ ସମାରୋହରେ କୌଣସି କାରଣରୁ କିମ ଜୋଙ୍ଗକୁ କ୍ରୋଧ ଆସିଥିଲା | ସେତେବେଳେ ଲୋକେ ଭାବି ନେଇଥିଲେ କିମ କ୍ରୋଧିତ ହେଲେଣି ମାନେ ଏବେ ସମସ୍ତଙ୍କ ଜୀବନ ଗଲା | ସେ ସମସ୍ତଙ୍କୁ ହତ୍ୟା କରିଦେବେ | କିନ୍ତୁ ଜୁ ସେତେବେଳେ ସେଠାରେ ଉପସ୍ଥିତ ଥିଲେ | ସେ କିମଙ୍କୁ ବୁଝାଇ ସୁଝାଇ ଶାନ୍ତ କରିଥିଲେ ଏବଂ ସମସ୍ତଙ୍କ ଜୀବନ ବଞ୍ଚାଇଥିଲେ |

   Related Posts