Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଶବାଗାରକୁ ଯାଇ ସୁଶାନ୍ତଙ୍କ ମୃତଦେହ ଦେଖିବାକୁ ରିୟାଙ୍କୁ ଅନୁମତି ଦେଲା କିଏ? ଜାଣି ନ ଥିଲେ ଡାକ୍ତରଖାନା ଡିନ୍-ଏଚ୍ଓଡି

1/09/2020 at 2:14 PM

ମୁମ୍ବାଇ ତା ୦୧/୦୯- ସୁଶାନ୍ତ ସିଂହ ରାଜପୁତ୍ ମୃତ୍ୟୁ ମାମଲାର ଖିଅ ଖୋଜିବା ପାଇଁ ସିବିଅାଇ ସୁଶାନ୍ତଙ୍କ ପ୍ରେମିକା ତଥା ମାମଲାର ମୁଖ୍ୟ ଅଭିଯୁକ୍ତ ରିୟା ଚକ୍ରବର୍ତୀଙ୍କୁ କ୍ରମାଗତ ଚାରି ଦିନ ଜେରା କରିଛି। ରିୟାଙ୍କ ବ୍ୟତୀତ ତାଙ୍କ ଭାଇ ସୌଭିକ୍ ତଥା ରୋଷେୟା ନୀରଜଙ୍କୁ ମଧ୍ୟ ପଚରାଉଚରା କରୁଛି। ଏ ସବୁ ଭିତରେ ମହାରାଷ୍ଟ୍ର ମାନବାଧିକାର ଅାୟୋଗ କୁପର୍ ହସପିଟାଲର ଡିନ୍ ଏବଂ ଏଚ୍ଓଡିଙ୍କୁ ପଚରାଉଚରା କରିଛନ୍ତି। ସୁଶାନ୍ତଙ୍କ ମୃତ୍ୟୁ ପରେ ରିୟା ତାଙ୍କ ଶବ ଦେଖିବା ପାଇଁ କୁପର୍ ହସପିଟାଲର ଶବଗୃହକୁ କାହିଁକି ଓ କିପରି ଯାଇଥିଲେ ସେ ନେଇ ପଚରାଉଚରା କରିଛି ସିବିଅାଇ ଟିମ୍।
ଜେରା ବେଳେ ହସ୍ପିଟାଲର ଡିନ୍ କହିଛନ୍ତି, ହସ୍ପିଟାଲକୁ ଏ ବିଷୟରେ କିଛି ଜଣା ନାହିଁ ଯେ ରିୟା ଜୁନ୍ ୧୫ରେ ଶବଗୃହକୁ ଯାଇଥିଲେ। ଡିନ୍ ପିନାକିନ୍ ଗୁଜ୍ଜର କୌଣସି ‘ଭୁଲ୍ କାମ’ କରିବା ପାଇଁ ସ୍ପଷ୍ଟ ମନା କରିଦେଇଛନ୍ତି। ହସ୍ପିଟାଲ୍ ପ୍ରଶାସନ ରିୟାଙ୍କୁ ଶବଗୃହକୁ ଯିବା ପାଇଁ କୌଣସି ଅନୁମତି ଦେଇ ନ ଥିଲେ। ଏପରିକି ହସ୍ପିଟାଲ୍ ଏଚ୍ଓଡି ମଧ୍ୟ ଜୁନ୍ ୧୫ରେ ରିୟା ଶବାଗୃହକୁ ଯାଇଥିବା ବାବଦରେ ଜାଣି ନ ଥିବା କହିଛନ୍ତି। ତେବେ ଅାୟୋଗ ଏ ଦୁହିଁଙ୍କ ଉତ୍ତରରେ ଅାଦୌ ସନ୍ତୁଷ୍ଟ ହୋଇ ନାହାନ୍ତି। ଏବେ ପ୍ରଶ୍ନ ଉଠୁଛି ରିୟା ସେଦିନ ଶବଗୃହରେ ପହଞ୍ଚିଲେ କେମିତି? କ’ଣ ତାଙ୍କୁ ମୁମ୍ବାଇ ପୋଲିସ୍ ସହଯୋଗ କରିଥିଲା?


ଏବେ ଏ ମାମଲାରେ ମହାରାଷ୍ଟ୍ର ରାଜ୍ୟ ମାନବାଧିକାର ଅାୟୋଗର ଅଧ୍ୟକ୍ଷ ଏମଏ ସଇଦ୍ ଗୁଜ୍ଜରଙ୍କୁ ସେପ୍ଟେମ୍ବର ସାତ ସୁଦ୍ଧା ଲିଖିତ ଅାକାରରେ ପୂରା ବୟାନ ଦେବାକୁ କହିଛନ୍ତି। ଅନ୍ୟପକ୍ଷେ ପିନାକିନ୍ ଗୁଜ୍ଜର ଏ ଘଟଣା ପାଇଁ ମୁମ୍ବାଇ ପୋଲିସକୁ ଦାୟୀ କରିଛନ୍ତି।
ସିବିଅାଇ ସୋମବାର ପଚରାଉଚରା ପାଇଁ ସୁଶାନ୍ତ ଭଉଣୀ ମିତୁ ସିଂହଙ୍କୁ ଡାକିଥିଲେ। ଏମିତି ବି ଅାଶା କରାଯାଉଛି ସିବିଅାଇ ସୁଶାନ୍ତଙ୍କ ଦ୍ବିତୀୟ ଭଉଣୀ ପ୍ରିୟଙ୍କା ସିଂହ ଓ ତାଙ୍କ ସ୍ବାମୀ ସିଦ୍ଧାର୍ଥଙ୍କୁ ପଚରାଉଚରା କରିବା ପାଇଁ ଡାକିପାରେ।


କ’ଣ ଜୁନ୍ ୧୨ରେ ସୁଶାନ୍ତଙ୍କ ଘରେ ଥିଲେ ରିୟା? ଫଟୋରୁ ଉଠିଲା ପ୍ରଶ୍ନ
ସୁଶାନ୍ତ ମୃତ୍ୟୁ ମାମଲାର ମୁଖ୍ୟ ଅଭିଯୁକ୍ତ ରିୟା ଚକ୍ରବର୍ତୀ ମୁମ୍ବାଇ ପୋଲିସ୍, ଇଡି, ସିବିଅାଇକୁ ନିଜ ବୟାନରେ କହିଥିଲେ ଜୁନ୍ ୮ରେ ସେ ସୁଶାନ୍ତଙ୍କ ଘରୁ ଚାଲିଯାଇଥିଲେ। ରିୟା ଏକ ସାକ୍ଷାତକାରରେ ଏକଥା ବି କହିଥିଲେ ଏହା ପରେ ତାଙ୍କର ସୁଶାନ୍ତଙ୍କ ସହ କୌଣସି କଥାବାର୍ତା ହୋଇ ନ ଥିଲା କାରଣ ସେ ରାଗରେ ସୁଶାନ୍ତଙ୍କ ନମ୍ବର ବ୍ଲକ୍ କରି ଦେଇ ଥିଲେ। ଏବେ କିନ୍ତୁ ସାମାଜିକ ଗଣମାଧ୍ୟମରେ କିଛି ଫଟୋ ସାମ୍ନାକୁ ଅାସିଛି ଯାହା ରିୟାଙ୍କ ଉପରେ ପ୍ରଶ୍ନବାଚୀ ସୃଷ୍ଟି କରିଛି। ପ୍ରଶ୍ନ ହେଉଛି ଜୁନ୍ ୧୨ରେ ରିୟା କ’ଣ ସୁଶାନ୍ତଙ୍କ ଘରେ ଥିଲେ ? ଏମିତି ବି ହୋଇପାରେ ଏ ସବୁ ଫଟୋ ପୁରୁଣା ହୋଇଥାଇପାରେ ଓ ଜୁନ୍ ୧୨ରେ ପୋଷ୍ଟ କରାଯାଇଛି।


ରିୟାଙ୍କ କିଛି ଫଟୋକୁ ଗୋଟିଏ କେକ୍ ସପ୍ ତା’ ଇନଷ୍ଟାଗ୍ରାମ୍ରେ ସେୟାର୍ କରିଛି। ଏ ସବୁ ଫଟୋ ଜୁନ୍ ୧୨ ତାରିଖର। କେକ୍ ସପ୍ କହିଛି ରିୟା ନିଜ ଇନଷ୍ଟା ଷ୍ଟୋରିରେ ବିଏସବୁ ସେୟାର୍ କରିଥିଲେ। ଫଟୋ ସହିତ ରିୟା କେକ୍ ସପ୍କୁ ଧନ୍ୟବାଦ ଜଣାଇବା ସହ ସୁଶାନ୍ତଙ୍କ ଏକ୍ସ ମ୍ୟାନେଜର୍ ଶ୍ରୁତି ମୋଦିଙ୍କ ନାଁ ମଧ୍ୟ ନେଇଥିଲେ।
ଏବେ ପ୍ରଶ୍ନ ଉଠୁଛି ଜୁନ୍ ୧୨ରେ ସେ କାହା ପାଇଁ କେକ୍ ଅର୍ଡର କରିଥିଲେ। ତେବେ ରିୟାଙ୍କ ଠିକ୍ ପଛରେ ଯେଉଁ ଜାଗା ଦେଖାଯାଉଛି ତାହା ସୁଶାନ୍ତଙ୍କ ଲିଭିଂ ରୁମ୍ର। ଘରର ଗୋଟିଏ ଫ୍ରେମ୍ରେ ଜଣେ ମହାକାଶଚାରୀଙ୍କ ଫଟୋ ଲାଗିଛି। ଏମିତି ବି କୁହାଯାଉଛି ଫଟୋ ପୁରୁଣା ହୋଇପାରେ। ଫଟୋ କେକ୍ ସପ୍ର ପ୍ରମୋଶନ ପାଇଁ ହୋଇଥାଇପାରେ।

   Related Posts