Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

କରୋନା ନମୁନା ସଂଗ୍ରହ ପାଇଁ ଆସିଥିବା ବେଳେ WHO ଡ୍ରାଇଭରଙ୍କୁ ଗୁଳିକରି ହତ୍ୟା

21/04/2020 at 11:12 PM

ନାୟିପିଟାଓ ୨୧।୪: ସାରା ବିଶ୍ବରେ ଏବେ କରୋନା ଭାଇରସ୍ ବିରୋଧରେ ଲଢେଇ ଜାରି ରହିଛି । ଏଥିରେ  ବିଶ୍ବ ସ୍ବାସ୍ଥ୍ୟ ସଂଗଠନ (WHO) ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରୁଛି । କରୋନା ଭାଇରସ୍ ବିରୋଧରେ ଲଢେଇରେ WHO ଅନ୍ୟ ଦେଶରେ ସ୍ଥାନୀୟ ବିବାଦର ସମ୍ମୁଖୀନ ହେଉଛି ।

ମିଆଁମାରରେ କରୋନା ଭାଇରସର ନମୁନା ସଂଗ୍ରହ କରିବାକୁ ଆସିଥିବା WHOର ଡ୍ରାଇଭରଙ୍କୁ ସଂଘର୍ଷପୂର୍ଣ୍ଣ ଅଞ୍ଚଳର ଲୋକମାନେ ହତ୍ୟା କରିଛନ୍ତି । ଡ୍ରାଇଭରଙ୍କ ନାମ ପାଇନେ ସୋନ୍ ୱିନ୍ ମାଓଙ୍ଗ, ଯିଏ ସେଠାରେ ଜାତିସଂଘର ଗାଡି ଚଳାଉଥିଲେ । ମିଆଁମାରର ରାଖାଇନ୍ ରାଜ୍ୟରେ ତାଙ୍କୁ ଗୁଳି କରି ହତ୍ୟା କରାଯାଇଛି । ସେ WHOର ଡ୍ରାଇଭର ଥିଲେ କିନ୍ତୁ ସେହି ସମୟରେ ସେ ମିଳିତ ଜାତିସଂଘର ଗାଡି ଚଳାଉଥିଲେ ।

ଏହି ଘଟଣାରେ ମିଳିତ ଜାତିସଂଘ କହିଛି ଯେ, ନିକଟ ଅତୀତରେ ସେନା ଏବଂ ସଶସ୍ତ୍ର ଗୋଷ୍ଠୀ ଆରାକାନ ମଧ୍ୟରେ ଚାଲିଥିବା ଯୁଦ୍ଧରେ ଦଶହଜାର ସାଧାରଣ ନାଗରିକଙ୍କ ମୃତ୍ୟୁ ଘଟିଛି । ସୋମବାର WHO ଡ୍ରାଇଭରଙ୍କ ମୃତ୍ୟୁ ପାଇଁ ଉଭୟ ପକ୍ଷ ପରସ୍ପରକୁ ଦାୟୀ କରିଛନ୍ତି ।

ମିଆଁମାରର ସାମରିକ ମୁଖପାତ୍ର ମେଜର-ଜେନେରାଲ ଟୁନ୍ ନୟି କହିଛନ୍ତି ଯେ, ତାଙ୍କ ଗାଡି ଉପରେ ଆକ୍ରମଣ କରିବାର କୌଣସି କାରଣ ନାହିଁ । ସେ ନ୍ୟୁଜ୍ ଏଜେନ୍ସି ରଏଟର୍ସକୁ କହିଛନ୍ତି ଯେ ସେମାନେ ଆମ ପାଇଁ କାମ କରୁଛନ୍ତି, ଆମ ଦେଶ ପାଇଁ କାମ କରୁଛନ୍ତି ତେଣୁ ସେମାନଙ୍କର ଦାୟିତ୍ବ ଆମ ଉପରେ ।

ମିଆଁମାରରେ ମିଳିତ ଜାତିସଂଘ କାର୍ଯ୍ୟାଳୟ ସଂପୃକ୍ତ ଡ୍ରାଇଭରଙ୍କ ମୃତ୍ୟୁକୁ ନେଇ ଗଭୀର ଦୁଃଖ ପ୍ରକାଶ କରିଛି । ଡ୍ରାଇଭରଙ୍କ ଉପରେ ଆକ୍ରମଣ ମିନବାୟା ବସ୍ତିର ଏକ ସାମରିକ ପୋଷ୍ଟ ନିକଟରେ ଘଟିଥିଲା ।

ଏକ ଫେସବୁକ୍ ପୋଷ୍ଟ ଅନୁଯାୟୀ, ଆକ୍ରମଣ ହୋଇଥିବା ଗାଡିଟି ସିଟୱେରୁ ୟାଙ୍ଗୋନ ଅଭିମୁଖେ ଯାତ୍ରା କରୁଥିଲା । ଯିଏକି ସ୍ବାସ୍ଥ୍ୟ ଏବଂ କ୍ରୀଡା ମନ୍ତ୍ରଣାଳୟରୁ କରୋନା ଭାଇରସ୍ ର ନମୁନା ନେବାକୁ ଯାଉଥିଲା । ଆକ୍ରମଣକୁ ନେଇ ଜାତିସଂଘ ସ୍ପଷ୍ଟ କରି ନାହିଁ ଯେ, କେଉଁ ଗୋଷ୍ଠୀରୁ ଗୁଳି ଚାଳନା କରାଯାଇଥିଲା । ଏହି ଆକ୍ରମଣରେ ଜଣେ ସରକାରୀ କର୍ମଚାରୀ ମଧ୍ୟ ଆହତ ହୋଇଛନ୍ତି ।

   Related Posts