Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||
  • ଟାଙ୍ଗୀ : ତାରିଣୀ ଦର୍ଶନ ସାରି ଫେରୁଥିଲେ, ଅଧାରାସ୍ତାରେ ଧକ୍କା ଦେଲା ଟ୍ରକ, ଚାଲିଗଲା ୩ ଜୀବନ
  • ||
  • ବିଏସକେଓ୍ୱାଇରେ ଯୋଡିହେବ କୋରାପୁଟ, ଭର୍ଚୁଆଲ ମାଧ୍ୟମରେ ସ୍ମାର୍ଟ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ
  • ||

ସମ୍ଭାବ୍ୟ କରୋନାର ତୃତୀୟ ଲହର ମୁକାବିଲା ପାଇଁ WHOର ଗୁରୁତ୍ବପୂର୍ଣ୍ଣ ପରାମର୍ଶ

20/06/2021 at 9:09 PM

ନୂଆଦିଲ୍ଲୀ ୨୦/୬:  ବିଶ୍ବ ସ୍ବାସ୍ଥ୍ୟ ସଂଗଠନ (WHO) ଦକ୍ଷିଣପୂର୍ବ ଏସିଆର ଦେଶଗୁଡ଼ିକୁ କରୋନାର ତୃତୀୟ ଲହରରୁ ରକ୍ଷା ପାଇବାକୁ ଟିପ୍ସ ଦେଇଛି। ଆସିବାକୁ ଥିବା କରୋନାର ତୃତୀୟ ଲହର ସହ ମୁକାବିଲା କରିବାକୁ ହେଲେ ସ୍ବାସ୍ଥ୍ୟ ଭିତ୍ତିଭୂମି ଏବଂ ଟିକାକରଣକୁ ଜୋରଦାର କରିବାକୁ ପଡ଼ିବ ବୋଲି ହୁ ପରାମର୍ଶ ଦେଇଛି। ଯୁକ୍ତ ରାଷ୍ଟ୍ରର ସ୍ବାସ୍ଥ୍ୟ ଏଜେନ୍ସି ଅନୁସାରେ ଚଳିତ ସପ୍ତାହରେ ମାଳଦ୍ବୀପ ଏବଂ ମିଆଁମାରରେ କରୋନାର ନୂଆ ଭାରିଏଣ୍ଟ ଚିନ୍ତା ବଢ଼ାଇଛି।

ଏହା ପୂର୍ବରୁ ବାଂଲାଦେଶ, ଭାରତ, ଇଣ୍ଡୋନେସିଆ, ନେପାଳ, ଶ୍ରୀଲଙ୍କା, ଥାଇଲାଣ୍ଡ ଏବଂ ତିମୋର ଲେଷ୍ଟେରେ ଏହି ଭାରିଏଣ୍ଟ ଚିହ୍ନଟ ହୋଇସାରିଛି। ଅର୍ଥବ୍ୟବସ୍ଥାକୁ ଗତି ଦେବା ତଥା ସାମାଜିକ ଗତିବିଧିକୁ ଅନୁମତି ମିଳିବା ପରେ କରୋନାର ଏପରି ଭୟଙ୍କର ଭାରିଏଣ୍ଟର ମାମଲା ଅଧିକ ବଢ଼ିଛି। ଡେଲଟା ଭାରିଏଣ୍ଟକୁ ଡବ୍ଲୁଏଚ୍‌ଓ ଚିନ୍ତାଜନକ ଶ୍ରେଣୀରେ ଅନ୍ତର୍ଭୁକ୍ତ କରିଛି।

ବିଶ୍ବ ସ୍ବାସ୍ଥ୍ୟ ସଂଗଠନ ମତରେ ଯାଞ୍ଚ ପ୍ରକ୍ରିୟା ବୃଦ୍ଧି, ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ଚିହ୍ନଟ, ସଂକ୍ରମିତଙ୍କୁ ଆଇସୋଲେଟ କରିବା କାର୍ଯ୍ୟ ଆହୁରି ତୀବ୍ର ହେବା ଦରକାର। ଏହା ସହ ମାସ୍କ, ସାମାଜିକ ଦୂରତା ଏବଂ ସମୟ ସମୟରେ ହାତ ଧୋଇବା ଆଦି ନିୟମର ପାଳନକୁ କଡ଼ାକଡ଼ି କରିବାର ଆବଶ୍ୟକତା ରହିଛି।

ମହାମାରୀ ଯାଇନାହିଁ ଆମ ଆଖପାଖରେ ବୁଲୁଛି ବୋଲି କହିଛନ୍ତି ଡବ୍ଲୁଏଚଓର ଦକ୍ଷିଣପୂର୍ବ ଏସିଆ କ୍ଷେତ୍ରୀୟ ନିର୍ଦେଶକ ପୁନମ କ୍ଷେତ୍ରପାଳ ସିଂହ। ଏହା ସହ ସେ ଟିକାକରଣ ଉପରେ ଜୋର ଦେଇ କହିଛନ୍ତି, ଅଧିକରୁ ଅଧିକ ସ୍ବାସ୍ଥ୍ୟକର୍ମୀ, କମ୍‌ ରୋଗ ପ୍ରତିରୋଧକ ଶକ୍ତି ଥିବା ଲୋକଙ୍କୁ ଖୁବଶୀଘ୍ର ଟିକା ଦେବା ଦରକାର। ଏହା ସହ କରୋନା ନିୟମ ପାଳନକୁ କଡ଼ାକଡ଼ି କରିବାକୁ ସେ ପରାମର୍ଶ ମଧ୍ୟ ଦେଇଛନ୍ତି ।  

   Related Posts