Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୭ କରୋନା ସଂକ୍ରମିତ ପ୍ରାଣ ହରାଇଲେ, ୧୭ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୪ କରୋନା ସଂକ୍ରମିତ, ୩୧୬୬୪୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମୁମ୍ବାଇ : ୨୬/୧୧ ମୁମ୍ବାଇ ଆକ୍ରମଣକୁ ପୁରିଲା ୧୨ବର୍ଷ
  • ||
  • କୋରାପୁଟ ଜିଲ୍ଲାରୁ ପୁଣି ଗଞ୍ଜେଇ ଜବତ : ଧରାପଡିଲା ୮୫ଲକ୍ଷ ଟଙ୍କାର ଗଞ୍ଜେଇ, ଅଭିଯୁକ୍ତ ଫେରାର
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||

ରାଜ୍ୟରେ ପ୍ରତ୍ୟେକ ଦିନ ହାରାହାରି ୭ଜଣଙ୍କୁ ଦୁଷ୍କର୍ମ କରାଯାଉଥିବା ବେଳେ ୫ଜଣଙ୍କୁ ହତ୍ୟା କରାଯାଉଛି

28/07/2019 at 6:59 PM

ଭୁବନେଶ୍ବର ୨୮|୭: ରାଜ୍ୟରେ ବଢୁଛି ଅପରାଧ। ଆଇନ୍ ଶୃଙ୍ଖଳା ପରିସ୍ଥିତି ସୁଧାରିବାରେ ବିଫଳ ପୋଲିସ୍।  ରାଜ୍ୟରେ ପ୍ରତ୍ୟେକ ଦିନ ହାରାହାରି ୭ ମହିଳାଙ୍କୁ ଦୁଷ୍କର୍ମ କରାଯାଉଥିବା ବେଳେ ୫ ଜଣଙ୍କୁ ହତ୍ୟା କରାଯାଉଛି । ଗତବର୍ଷର ଦାଖଲ ହୋଇଥିବା ମାମଲାଗୁଡିକରୁ ଅଧା ମାମଲାରେ ଚାର୍ଜସିଟ ଦାଖଲ କରିପାରିନି ପୋଲିସ । ବିଗତ ୩ ବର୍ଷର ଶ୍ୱେତପତ୍ର କୁ ଦେଖିଲେ ଏକଥା ଜଳଜଳ ହେଇ ଦିଶୁଛି । ଏମିତି ଅଭିଯୋଗ ଆଣି ସରକାରଙ୍କୁ ଘେରିଛନ୍ତି ବିରୋଧୀ ।

ଶ୍ୱେତପତ୍ରରେ ସତକଥା। ରାଜ୍ୟର ଆଇନ ଶୃଙ୍ଖଳାର ନଗ୍ନଚିତ୍ର ।  ୨୦୧୮ ମସିହାରେ ୧ଲକ୍ଷ ୭ହଜାର ୪୦୮ଟି ଅପରାଧିକ ମାମଲାରୁ ଅଧା ମାମଲାରେ ପୋଲିସ ଚାର୍ଜସିଟ ବି ଦାଖଲ କରିପାରିନି । ୨୦୧୭ ଓ ୨୦୧୮ ର ଶ୍ୱେତପତ୍ରକୁ ଦେଖିଲେ ଜଣାପଡୁଛି ଯେ ଏବର୍ଷ ଦୁଷ୍କର୍ମ କ୍ଷେତ୍ରରେ ୩୦୦ ଅଧିକ କେଶ ଦାଖଲ ହେଇଛି । ହାରାହାରି ପ୍ରତିଦିନ ୭ ଜଣ ମହିଳା ଦୁଷ୍କର୍ମ ର ଶିକାର ହେଉଛନ୍ତି ।

୨୦୧୮ରେ ଘଟିଥିବା ୨୭୯୪ ଟି ହତ୍ୟା ମାମଲାରେ ଆଧାରୁ ଅଧିକ ମାମଲାରେ ଚାର୍ଜସିଟ ଦାଖଲ କରିପାରିନି ପୋଲିସ ।  ବିଗତ ୩ ବର୍ଷର ଶ୍ୱେତପତ୍ରକୁ ଦେଖିଲେ ଏ କଥା ଜଳଜଳ ହେଇ ଦିଶୁଛି । ଏସବୁ ତଥ୍ୟକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ। ଏପରିକି ଶ୍ୱେତପତ୍ର ରେ ଦିଆଯାଇଥିବା ତଥ୍ୟଠାରୁ ମଧ୍ୟ ସ୍ଥିତି ଆହୁରି ସାଂଘାତିକ ବୋଲି ଉଭୟ କଂଗ୍ରେସ ଏବଂ ବିଜେପି କହିଛନ୍ତି । ଆସନ୍ତା କାଲି ବିଧାନ ସଭାରେ ଏ ନେଇ ସରକାର ଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିଛନ୍ତି।

ସେପଟେ ବିରୋଧିଙ୍କ ଏଭଳି ଅଭିଯୋଗକୁ ଅସ୍ବୀକାର କରିଛି ସରକାରୀ ଦଳ ।  ରାଜ୍ୟ ସରକାର କେବେ ବି କୌଣସି ତଥ୍ୟ ଲୁଚାଇନାହାନ୍ତି । ରାଜ୍ୟ ସରକାର ଆଇନଶୃଖଳା ପରିସ୍ଥିତି ଉପରେ କାର୍ଯାନୁଷ୍ଠାନ ନେବାରେ କଠୋର ପଦକ୍ଷେପ ଗ୍ରହଣ କରୁଛନ୍ତି,  ଘଟଣା ଉପରେ ତୁରନ୍ତ କାର୍ଯାନୁଷ୍ଠାନ ଗ୍ରହଣ କରାଯାଉଛି ଏବଂ ଏହାକୁ କମାଇବାରେ ଜିରୋ ଟଲରେନସ ନୀତି ଗ୍ରହଣ କରାଯାଉଛି ବୋଲି କହିଛନ୍ତି ଶଶିଭୁଷଣ ବେହେରା ।

ଆଇନ ଶୃଙ୍ଖଳା ପରିସ୍ଥିତିକୁ ନେଇ ସରକାରଙ୍କୁ ବାରମ୍ବାର ଘେରୁଛନ୍ତି ବିରୋଧୀ। ସେପଟେ ବାରମ୍ବାର ସରକାରୀ ଦଳ କହିଚାଲିଛି ରାଜ୍ୟରେ ଆଇନ ଶୃଙ୍ଖଳା  ସ୍ଥିତି ଖୁବ ଭଲ ଅଛି। ଯାହାକୁ ନେଇ ବଢ଼ିଚାଲିଛି ଆରୋପ ଓ ପ୍ରତ୍ୟାରୋପ ।

   Related Posts