Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଭାରତର ପ୍ରଥମ ଧଳା ବଉଳା କୁମ୍ଭୀର ‘ଗୋରୀ’ ଦେଲା ୫୦ଟି ଅଣ୍ଡା, ତଥାପି ମା ହେବା ନେଇ ସନ୍ଦେହ

24/06/2019 at 6:09 PM

ଭୁବନେଶ୍ବର୨୪|୬: ମା ହେବା ଖୁସିରେ ଫାଟି ପଡୁଛି ବଉଳା କୁମ୍ଭୀର ଗୋରୀ । ୫୦ ଟି  ଅଣ୍ଡା ଦେଇଛି । ଖାଇବା ପିଇବା ଛାଡିଦେଇଥିବା ଗୋରୀ ଆଗଭଳି କଥା ମାନିଲାଣି । ତେବେ ଗୋରୀ ନିଃସଙ୍ଗ ଜୀବନ ବିତାଉଥିବାରୁ ସବୁଥର ଭଳି ଏଥର ବି ଅଣ୍ଡାରୁ ଛୁଆ ଫୁଟିବା ସମ୍ଭାବନା କମ୍ । …

ଗୋରୀର ଖୁସି କହିଲେ ନସରେ । ମନ ମାରି ବସିଥିବା ଗୋରୀ ଏବେ ଖୁସିରେ ଗଦ ଗଦ । ନହେବ ବା କେମିତି । କାରଣ ଦୀର୍ଘ ବର୍ଷ ପରେ ମା’ ହେବାର ସମ୍ଭାବନା ସୃଷ୍ଟି ହୋଇଛି । ଇଆଠୁ ବଡ ଖବର ବା ତା ପାଇଁ କ’ଣ ହୋଇପାରେ । ୫୦ ଟି ଅଣ୍ଡା ଦେଇଛି କୁମ୍ଭୀର ଗୋରୀ । ଅପେକ୍ଷା କରିଛି, କୁନି ଶାବକଙ୍କୁ ।

 ମା’ ହେବା ଖୁସୀରେ ଗୋରୀ ଏବେ ଆଗଭଳି କଥା ମାନିଲାଣି । ଖିଆ ପିଆ ବି ଠିକ୍ ରେ କଲାଣି । କାରଣ ମା’ ହୋଇନପାରିବା ଦୁଃଖରେ ଖାଇବା ପିଇବା ଛାଡି ଦେଇଥିଲା ଭାରତର ପ୍ରଥମ ଧଳା ବଉଳା କୁମ୍ଭୀର ‘ଗୋରୀ’ । ଖାଇବାକୁ ଡାକିଲେ ଶୁଣୁନଥିଲା । ୪୫ ବର୍ଷିୟା ଗୋରୀର ଏଭଳି ଅସ୍ବଭାବିକ ଆଚରଣ ବନ୍ୟଯନ୍ତୁପ୍ରେମୀ ଓ ପରିବେଶବିତମାନଙ୍କୁ ବ୍ୟଥିତ କରିଥିଲା । କିନ୍ତୁ ଗୋରୀର ତଳି ପେଟ ଫୁଲି ଥିବବାରୁ ଓ ଆବଦ୍ଧ ପୋଖରୀ ହୁଡ଼ାରେ ବସା ବାନ୍ଧିଥିବାରୁ ଅଣ୍ଡା ଦେଇପାରେ ବୋଲି କୁହାଯାଉଥିଲା । ଏବେ ଅନୁମାନ ସତ ହୋଇଛି ।

ପୂର୍ବରୁ ୫ ଥର ଅଣ୍ଡା ଦେଇଥିଲା ଗୋରୀ । କିନ୍ତୁ ଭିତରକନିକା ଜାତୀୟ ଉଦ୍ୟାନ ଡାଙ୍ଗମାଳଠାରେ ଏକ ଆବଦ୍ଧ ପୋଖରୀ ମଧ୍ୟରେ ନିଃସଙ୍ଗ ଜୀବନ ବିତାଉଥିବାରୁ ଅଣ୍ଡାରୁ ଛୁଆ ବହାରି ନ ଥିଲା। ପୂର୍ବରୁ ୧୯୮୭ ମସିହାରେ ହାଇଦ୍ରାବାଦରୁ ଏକ ଅଣ୍ଡିରା କୁମ୍ଭୀର ଅଣାଯାଇ ଗୋରୀ ସହ ମିଳନ ପାଇଁ ଉଦ୍ୟମ କରାଯାଇଥିଲା। ମାତ୍ର ଶେଷରେ ଗୋରୀର ଆକ୍ରମଣରେ ଉକ୍ତ ଅଣ୍ଡିରା କୁମ୍ଭୀରର ମୃତ୍ୟୁ ହୋଇଥିଲା।

ଏହାପରେ ୧୯୯୦ ମସିହାରେ କାଣୀ ଓ ୧୯୯୨ରେ ଅଷ୍ଟ୍ରେଲିଆର ଭଏଟର ନାମକ ଅନ୍ୟ ଏକ ଅଣ୍ଡିରା କୁମ୍ଭୀର ଅଣାଯାଇ ଗୋରୀ ସହ ଏକତ୍ର ବସବାସ କରିବାକୁ ସୁଯୋଗ ଦିଆଯାଇଥିଲା। ସେ ମଧ୍ୟ ଗୋରୀ ପାଇଁ ଉପଯୁକ୍ତ ନଥିଲା। ଫଳରେ ଗୋରୀ ଆଜି ଯାଏଁ ମା’ ହୋଇ ପାରିନି । ଏଥର ବି ଅଣ୍ଡାରୁ ଛୁଆ ଫୁଟିବା ସମ୍ଭାବନା କମ୍ ।

   Related Posts