Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ଖୋଳୁଥିବାବେଳେ ଘର ବଗିଚାରେ ସ୍ବାମୀ ସ୍ତ୍ରୀଙ୍କୁ ମିଳିଲା ଏକ ବାକ୍ସ : ବାକ୍ସ ଖୋଲିବା ପରେ ହୋଇଗଲେ ଆଶ୍ଚର୍ଯ୍ୟ

29/01/2019 at 11:02 AM

ଷ୍ଟେଲନ୍ ଆଇଲ୍ୟାଣ୍ଡ ୨୯/୧: ଯଦି ଆପଣ ଘର ବଗିଚାରେ ଖୋଳୁଛନ୍ତି ଆଉ ହଠାତ୍ ଆପଣଙ୍କୁ କିଛି ଏପରି ଜିନିଷ ମିଳିଯାଏ ଯାହା ଆପଣ କେବେ ଭାବିନଥିବେ- ତେବେ ଆପଣଙ୍କ ପ୍ରତିକ୍ରିୟା କ’ଣ ହେବ? ଠିକ୍ ଏପରି ଏକ ଘଟଣା ଘଟିଛି ନ୍ୟୁଜିଲ୍ୟାଣ୍ଡର ଷ୍ଟେଲନ୍ ଆଇଲ୍ୟାଣ୍ଡର ଏକ ଦମ୍ପତ୍ତିଙ୍କ ସହ। ବାସ୍ତବରେ ଏହି ସ୍ବାମୀ ସ୍ତ୍ରୀଙ୍କ ବଗିଚାରୁ ଏକ ଧନ ରତ୍ନର ଭଣ୍ଡାର ମିଳିଛି।

ଏଠାରେ ରହୁଥିବା ମାଥ୍ୟୁ ଏବଂ ତାଙ୍କ ପତ୍ନୀ ମାରିଆ ନିଜ ଘର ବଗିଚାରେ ଗଛ ଲଗାଇବା ପାଇଁ ମାଟି ଖୋଳୁଥିଲେ। ଦୁହେଁ କିଛି ଫୁଟ ଯାଏଁ ମାଟି ଖୋଳିଥିଲେ। ଏହି ସମୟରେ ତାଙ୍କୁ ଏକ ଲୁହାର ବାକ୍ସ ଦେଖାଯାଇଥିଲା। ତାଙ୍କୁ ଲାଗିଥିଲା ଏହା ଏକ ସାଧାରଣ ଲୁହାର ବାକ୍ସ ହୋଇଥିବ। କିନ୍ତୁ ଯେତେବଳେ ଦୁହେଁ ଏହି ବାକ୍ସକୁ ଖୋଲିଥିଲେ ତାଙ୍କ ପାଦ ତଳୁ ମାଟି ଖସିଯାଇଥିଲା। ପ୍ରକୃତରେ ଏହି ବାକ୍ସରେ ସୁନା ଚାନ୍ଦି ହୀରା ଭରି ରହିଥିଲା। ଏହା ସହିତ ସେ ବାକ୍ସରୁ କେତେକ ବ୍ୟାଗ୍ ମଧ୍ୟ ମିଳିଥିଲା। ସେହି ବ୍ୟାଗ୍ ଗୁଡ଼ିକରେ ବହୁ ସଂଖ୍ୟକ ସୁନା ମୁଦି ଏବଂ ଚେନ୍ ଥିଲା। ଏହି ଧନ ରତ୍ନର ମୂଲ୍ୟ ପାଖାପାଖି ୫୨ହଜାର ଡଲାର ଅର୍ଥାତ୍ ୩୫ଲକ୍ଷ ଟଙ୍କା ଥିଲା।

ଏହି ସବୁ ଜିନିଷ ମିଳିବା ପରେ ମାଥ୍ୟୁ ଏବଂ ମାରିଆ ଜାଣି ଯାଇଥିଲେ ଯେ ଏହା ଚୋରି କରାଯାଇଥିବା ସମ୍ପତ୍ତି ଯାହାକୁ ଏଠାରେ ପୋତାଯାଇଥିଲା। ଏହା ସହିତ ଏହି ବାକ୍ସରେ ଏକ ଠିକଣା ମଧ୍ୟ ଲେଖାହୋଇଥିଲା ଏବଂ ଏହି ଠିକଣା ତାଙ୍କ ପଡ଼ୋଶୀଙ୍କ ଥିଲା। ମାଥ୍ୟୁ ସେହି ବାକ୍ସକୁ ନେଇ ଠିକଣା ଅନୁସାରେ ପଡ଼ୋଶୀଙ୍କ ଘରକୁ ଯାଇଥିଲେ ଏବଂ ପୋଲିସଙ୍କୁ ମଧ୍ୟ ଖବର ଦେଇଥିଲେ। ମାଥ୍ୟୁ ତାଙ୍କ ପଡ଼ୋଶୀଙ୍କୁ ପଚାରିଥିଲେ ଯେ କେବେ ତାଙ୍କ ଘରେ କିଛି ଚୋରି ହୋଇଥିଲା କି ନାହିଁ। ପଡ଼ୋଶୀ ଜଣକ କହିଥିଲେ ,‘ହଁ,ହୋଇଥିଲା’’। ଏବଂ ପଡ଼ୋଶୀଙ୍କ କଥାକୁ ମଧ୍ୟ ନ୍ୟୁୟର୍କ ପୋଲିସ୍ କନଫର୍ମ କରିଥିଲା। ପୋଲିସ୍ କହିଥିଲା ଯେ ୨୦୧୧ମସିହାରେ ଏହି ଠିକଣା ଅନୁସାରେ ଜଣଙ୍କ ଘରେ ୫୨ହଜାର ଡଲାର ସମ୍ପତ୍ତି ଚୋରି ହୋଇଥିବାର ଅଭିଯୋଗ ଆସିଥିଲା। ଏହା ପରେ ମାଥ୍ୟୁ ଏବଂ ମାରିଆ ଧନ ରତ୍ନକୁ ତାଙ୍କ ପଡ଼ୋଶୀଙ୍କୁ ହସ୍ତାନ୍ତର କରିଥିଲେ। ଦମ୍ପତ୍ତିଙ୍କ ଏହି ସଚ୍ଚୋଟ ପଣିଆ ପାଇଁ ତାଙ୍କୁ ବିଭିନ୍ନ ମହଲରୁ ସମ୍ବର୍ଦ୍ଧନା ଦିଆଯିବା ସହ ସେ ଏକ ଉଦାହରଣ ପାଲଟିଯାଇଛନ୍ତି ।    

   Related Posts