Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

ମଞ୍ଚରେ ଭାଷଣ ଦେଉଥିଲେ ମୁଖ୍ୟମନ୍ତ୍ରୀ ଶିବରାଜ, ସଭାରେ କିରୋସିନି ଢାଳି ନିଜକୁ ନିଆଁ ଲଗାଇ ଦେଲେ କୃଷକ

27/01/2021 at 10:38 PM

ଦେଭାସ ୨୭।୦୧: ମଧ୍ୟ ପ୍ରଦେଶର ଦେଭାସ ଜିଲ୍ଲାରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ଵାନଙ୍କ ସାଧାରଣ ସଭାରେ ଜଣେ କୃଷକ ନିଜ ଦେହରେ କିରୋସିନି ଢାଳି ଆତ୍ମାହୂତି ଉଦ୍ୟମ କରିଛନ୍ତି। ଘଟଣା ବୁଧବାର ସନ୍ଧ୍ୟା ପ୍ରାୟ ୫ଟାରେ ସେହି ସମୟରେ ଘଟିଛି ଯେତେବେଳେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ଵାନ  ଜିଲ୍ଲା ମୁଖ୍ୟାଳୟରେ ସାଧାରଣ ସଭାକୁ ସମ୍ବୋଧିତ କରୁଥିଲେ। ହେଲେ ଆତ୍ମାହୂତି ଉଦ୍ୟମ କରୁଥିବା କୃଷକଙ୍କୁ ସେଠାରେ ଉପସ୍ଥିତ ପୋଲିସ କର୍ମଚାରୀ ବଞ୍ଚାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।

ସୂଚନା ଅନୁଯାୟୀ, ଦେଭାସ ଜିଲ୍ଲା ମୁଖ୍ୟାଳୟରେ ସାଧାରଣ ସଭାକୁ ମୁଖ୍ୟମନ୍ତ୍ରୀ ସମ୍ବୋଧିତ କରୁଥିବା ବେଳେ ଏହି ସମୟରେ ପିପଲରାଓ୍ଵାଇ ଥାନା ଅନ୍ତର୍ଗତ କୁମାରିଆ ଗାଁର ୪୮ ବର୍ଷୀୟ ଅନୁପ ସିଂହ ହାଡା ନିଜ ଦେହରେ କିରୋସିନି ଢାଳି ଆତ୍ମାହୂତି ଉଦ୍ୟମ କରିଥିଲେ।

ଠିକ୍ ସମୟରେ ପୋଲିସ ତାଙ୍କୁ ବଞ୍ଚାଇ ବଡ ଅଘଟଣ ରୋକିବାରେ ସକ୍ଷମ ହୋଇଥିଲେ। ଉକ୍ତ ବ୍ୟକ୍ତିଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରିଥିଲେ। କୃଷକ ଜଣକ କହିଛନ୍ତି, ୨୦୨୧ ଜାନୁଆରୀ ୨୧ରେ ତାଙ୍କର, ତାଙ୍କ ଭାଇ ଏବଂ ଅନ୍ୟ ଜଣଙ୍କର ୩ ଟ୍ରାକ୍ଟରକୁ ସିହୋର ପୋଲିସ ବଳପୂର୍ବକ ନେଇ ଯାଇଛି। ଏହାକୁ ନେଇ ସେ ଜାନୁଆରୀ ୨୫ରେ ଏସପିଙ୍କଠାରେ ଅଭିଯୋଗ କରିଥିଲେ। ହେଲେ କିଛି ସୁଫଳ ମିଳିଲାନି। ଏଥିପାଇଁ ସେ ଆତ୍ମାହୂତି ଉଦ୍ୟମ କରିଥିଲେ।

   Related Posts