Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ନିର୍ଭୟା ଦୋଷୀ ଭୋଗିବେ ଚରମ ଦଣ୍ଡ, ତେବେ କିଏ ସେହି ଦୁଇଜଣ ଯାହାଙ୍କ ପାଇଁ ଫାଶୀରେ ଝୁଲିବେ ୪ ଅପରାଧୀ

6/03/2020 at 12:22 PM

ନୂଆଦିଲ୍ଲୀ୬/୩:  ନିର୍ଭୟା ମାମଲାରେ ବୁଧବାରରେ ଦିଲ୍ଲୀ ପଟିଆଲ କୋର୍ଟ ଚତୁର୍ଥ ଥର ପାଇଁ ଡେଥ୍ ଓ୍ବାରେଣ୍ଟ ଜାରି କରିଛି। ଡେଥ୍‌ ଓ୍ବାରେଣ୍ଟ ମୁତାବକ, ଆସନ୍ତା ମାର୍ଚ୍ଚ ୨୦ ତାରିଖ, ସକାଳ ୫ଟା ୩୦ ମିନିଟରେ ଚାରି ଦୋଷୀ ଫାଶୀ ଖୁଣ୍ଟରେ ଝୁଲିବେ। ଏହା ଶେଷ ଡେଥ୍ ଓ୍ବାରେଣ୍ଟ। ଏଥର ଦୋଷୀ ଆଉ ବାହାନା କରି ଖସି ପାରିବେ ନାହିଁ। ଚାରିଜଣ ଦୋଷୀଙ୍କୁ ଫାଶୀ ଖୁଣ୍ଟ ପର୍ଯ୍ୟନ୍ତ ନେବାରେ ଦୁଇ ଜଣ ବ୍ୟକ୍ତିଙ୍କ ଗୁରୁତ୍ବପୂର୍ଣ୍ଣ ଭୂମିକା ରହିଛି। ସେମାନେ ହେଉଛନ୍ତି ସୀମା ସମ୍ରିଦ୍ଧି ଏବଂ ଅବନିନ୍ଦ୍ର ପାଣ୍ଡେ। ଫାଶୀ ଖୁଣ୍ଟରେ ଯଦି ଚାରି ଦୋଷୀ ଝୁଲିବେ ତେବେ ଏହି ଦୁଇଜଣଙ୍କୁ ଶ୍ରେୟ ଯିବ ବୋଲି ଚର୍ଚ୍ଚା ହେଉଛି।

ନିର୍ଭୟା ମାମଲାର ମୁଖ୍ୟ ସାକ୍ଷୀ ହେଉଛନ୍ତି ଅବନିନ୍ଦ୍ର ପାଣ୍ଡେ। ନିର୍ଭୟା ମାମଲାର ପ୍ରତ୍ୟେକ୍ଷଦର୍ଶୀ ଅବନିନ୍ଦ୍ରଙ୍କ ବୟାନ ଦୋଷୀଙ୍କୁ ଫାଶୀ ଖୁଣ୍ଟ ପର୍ଯ୍ୟନ୍ତ ପହଞ୍ଚାଇଛି। ଗୋରଖପୁର ବାସିନ୍ଦା ଅବନିନ୍ଦ୍ର ଘଟଣା ଦିନ ବସରେ ନିର୍ଭୟାଙ୍କ ସହିତ ଉପସ୍ଥିତ ଥିଲେ। ଘଟଣା ଦିନ ଅବନିନ୍ଦ୍ର ପାଣ୍ଡେଙ୍କୁ ମଧ୍ୟ ଦୋଷୀମାନେ ବାଡ଼େଇ ରକ୍ତାତ କରି ଦେଇଥିବା କଥା ସାମ୍ନା ଆସିଛି।

ସେହିପରି ନିର୍ଭୟା ମାମଲାରେ ସୀମା ସମ୍ରିଦ୍ଧି ମଧ୍ୟ ଗୁରୁତ୍ବପୂର୍ଣ୍ଣ ଦାୟିତ୍ବ ନିର୍ବାହ କରିଛନ୍ତି। ନିର୍ଭୟା ମାମଲାରେ କୋର୍ଟରେ ନିଜେ ସୀମା କେସ୍‌ ଲଢ଼ୁଛନ୍ତି। ଜଣେ ଓକିଲ ନୁହେଁ ବରଂ ନିର୍ଭୟାଙ୍କ ମାତା, ପିତାଙ୍କୁ ସମ୍ମାନ ମଧ୍ୟ କରନ୍ତି। ସବୁ ପରିସ୍ଥିତିରେ ସେମାନଙ୍କୁ ସୀମା ସାହସ ମଧ୍ୟ ଦେଇଛନ୍ତି। ଦିଲ୍ଲୀ ବିଶ୍ବବିଦ୍ୟାଳରେ ଓକିଲାତି ପାଠ ଶେଷ କରିବା ପରେ ସୁପ୍ରିମକୋର୍ଟରେ ଟ୍ରେନିଂ ଆରମ୍ଭ କରିଥିଲେ। ୨୦୧୪ ମସିହା ଜାନୁଆରୀ ୨୪ ତାରିଖରେ ନିର୍ଭୟା ମାମଲାରେ ସୀମା ଜଡିତ ହୋଇଥିଲେ।

ସୂଚନାଯୋଗ୍ୟ ଯେ ଅବନିନ୍ଦ୍ର ଓ ପାରାମେଡିକାଲର ଛାତ୍ରୀ ନିର୍ଭୟା ଗୋଟିଏ ବସରେ ଯାଉଥିଲେ। ବସ୍‌ରେ ଥିବା ୬ ଜଣ ଲୋକ ସେମାନଙ୍କୁ ହଇରାଣ ହରକତ କରିଥିଲେ। ଅବନିନ୍ଦ୍ର ବିରୋଧ କରିବାରୁ ସେମାନେ ମିଶି ତାଙ୍କୁ ବାଡ଼େଇ ଥିଲେ। ପରେ ନିର୍ଭୟା ସହ ଗଣଦୁଷ୍କର୍ମ କରିଥିଲେ। ଘଟଣାର ପ୍ରତ୍ୟେକ୍ଷଦର୍ଶୀ ଅବନିନ୍ଦ୍ରଙ୍କ କହିବା ଅନୁସାରେ ଚଳନ୍ତା ବସରେ ଚିତ୍କାର କରି ସମସ୍ତଙ୍କୁ ସାହାଯ୍ୟ ମାଗିଥିଲେ। ହେଲେ ସେମାନଙ୍କୁ କେହି ସାହାଯ୍ୟ କରି ନଥିଲେ।

   Related Posts