Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜବେଷ୍ଟସ୍ ଭାଙ୍ଗି ଦୋକାନରୁ ଚୋରି କରୁଥିଲେ ୨ ସିକ୍ୟୁରିଟି ଗାର୍ଡ, ଧରିଦେଲେ ଗାଁ ଲୋକେ
  • ||
  • ଭିଜିଲାନ୍ସ ନିର୍ଦ୍ଦେଶକଙ୍କ ବିୟୋଗରେ ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ଭାରତରେ ବନ୍ଦ ହୋଇପାରେ ହ୍ୱାଟ୍ସ ଆପ

7/02/2019 at 1:57 PM

ଦିଲ୍ଲୀ ୭/୨ : ଆଜିକା ଦୁନିଆରେ ସମସ୍ତେ ହ୍ୱାଟ୍ସ ଆପ ବ୍ୟବହାର କରୁଛନ୍ତି | ହ୍ୱାଟ୍ସ ଆପର ବ୍ୟବହାର ଦ୍ୱାରା ଅନେକ ଜିନିଷ ସରଳ ହେଇଯାଉଛି | ଭାରତରେ ୨୦ କୋଟିରୁ ଅଧିକ ଲୋକେ ହ୍ୱାଟ୍ସ ଆପ ବ୍ୟବହାର କରୁଛନ୍ତି | ଯଦି ଆପଣ ବି ସ୍ମାର୍ଟ ଫୋନ ବ୍ୟବହାର କରୁଛନ୍ତି ଏବଂ ହ୍ୱାଟ୍ସ ଆପ ବ୍ୟବହାର କରୁଛନ୍ତି ତା’ହେଲେ ଏହି ଖବର ଆପଣଙ୍କୁ ନିରାଶ କରିପାରେ | ହ୍ୱାଟ୍ସ ଆପ ଏବଂ ଭାରତ ସରକାରଙ୍କ ମଧ୍ୟରେ ଗତବର୍ଷ ଠାରୁ ଟଣାଓଟରା ଚାଲିଛି | ସରକାର ଏବଂ ହ୍ୱାଟ୍ସ ଆପ୍ପ ମଧ୍ୟରେ ଚାଲିଥିବା ଏହି ଯୁଦ୍ଧ ଖୁବ ଶୀଘ୍ର ଶେଷ ହେବାକୁ ଯାଉଛି | ଏଥିପାଇଁ ସରକାର କିଛି ସର୍ତ୍ତ ରଖିଛନ୍ତି | ଯଦି କମ୍ପାନୀ ସରକାରଙ୍କ ସର୍ତ୍ତ ନ ମାନେ ତା’ହେଲେ ହ୍ୱାଟ୍ସ ଆପ ବନ୍ଦ ହୋଇପାରେ |


ଆସନ୍ତୁ ଜାଣିବା ଭାରତ ସରକାର ହ୍ୱାଟ୍ସ ଆପ ଆଗରେ କ’ଣ କ’ଣ ରଖିଛନ୍ତି ସର୍ତ୍ତ :
ସରକାରଙ୍କ ସର୍ତ୍ତ ଅନୁସାରେ, କମ୍ପାନୀ ସରକାରଙ୍କୁ ସୂଚନା ଦେଉ ଯେ, କେଉଁ ମେସେଜ କେଉଁଠାରୁ ଭାଇରାଲ ହେଉଛି ଏବଂ ସେହି ମେସେଜ ପ୍ରଥମେ କିଏ ପଠେଇଛି | କିନ୍ତୁ ହ୍ୱାଟ୍ସ ଆପ ଏଥିପାଇଁ ରାଜି ନୁହେଁ |


ହ୍ୱାଟ୍ସ ଆପ ଅନୁସାରେ, ସେ ଡିଫଲ୍ଟ ଭାବେ ଏଣ୍ଡ ଟୁ ଏଣ୍ଡ ଏନକ୍ରିପସନ କୌଶଳ ବ୍ୟବହାର କରୁଛି | ଏଭଳି ସ୍ଥିତିରେ ହ୍ୱାଟ୍ସ ଆପ ମଧ୍ୟ ମେସେଜ ପଢି ପାରିବନାହିଁ | ଏଣ୍ଡ ଟୁ ଏଣ୍ଡ ଏନକ୍ରିପସନ ରେ ମେସେଜ ପଠାଇଥିବା ଲୋକ ଏବଂ ପାଇଥିବା ଲୋକ ମଧ୍ୟରେ ହିଁ ସୀମିତ ରହିବ |


ହ୍ୱାଟ୍ସ ଆପର କମ୍ୟୁନିକେସନ ପ୍ରମୁଖ କଲ ବର୍ଗ କହିଛନ୍ତି ଯେ, ସରକାରଙ୍କ ପ୍ରସ୍ତାବିତ ନିୟମ ଅନୁସାରେ ମେସେଜ ବିଷୟରେ ତଥ୍ୟ ରଖିବା ନିୟମ ଉପରେ ଜୋର ଦେବା ସବୁଠାରୁ ବଡ ଚିନ୍ତାର ବିଷୟ | ସରକାର କହିଛନ୍ତି ଯେ, ଏହି ଫିଚର ବିନା ହ୍ୱାଟ୍ସ ଆପ କୌଣସି କାମର ନୁହଁ |


ଏଣ୍ଡ ଟୁ ଏଣ୍ଡ ଏନକ୍ରିପସନ କାରଣରୁ ଅଯଥା ଗୁଜବ ସୃଷ୍ଟି କରୁଥିବା ମେସେଜ କେଉଁଠୁ ଆସୁଛି ଏବଂ କିଏ ପଠାଉଛି ତାହା ଜାଣିବା ସରକାରଙ୍କ ପାଇଁ ଅସମ୍ଭବ ହୋଇପଡୁଛି | ସରକାର କହିଛନ୍ତି ଯେ, ହ୍ୱାଟ୍ସ ଆପ ଜରିଆରେ ଅପବ୍ୟବହାର ଏବଂ ହିଂସା ରୋକିବା ପାଇଁ ଏହି ନିୟମ ପାଳନ କରିବା ନିହାତି ଆବଶ୍ୟକ |


କମ୍ପାନୀ କହିଛି ଯେ, ଭାରତରେ ନିର୍ବାଚନ ପୂର୍ବରୁ ରାଜନୈତିକ ଦଳ ହ୍ୱାଟ୍ସ ଆପର ଅପବ୍ୟବହାର କରୁଛନ୍ତି | କେଉଁ ସବୁ ଦଳ ହ୍ୱାଟ୍ସ ଆପର ଅପବ୍ୟବହାର କରୁଛନ୍ତି ସେହି ସବୁ ଦଳର ନାଁ କହିବା ପାଇଁ କମ୍ପାନୀ ମନା କରିଦେଇଛି |

   Related Posts