Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ଭାରତରେ Whatsappକୁ ଲାଗିବ ଝଟକା ! ନୂଆ ପଲିସିକୁ ବଦଳାଇପାରନ୍ତି କେନ୍ଦ୍ର ସରକାର, ସିଗନାଲ୍ ଓ ଟେଲିଗ୍ରାମ ମୁହାଁ ୟୁଜର

14/01/2021 at 5:20 PM

ନୂଆଦିଲ୍ଲୀ ୧୪/୦୧ : ହ୍ବାଟ୍ସଆପ୍‌ର ନୂଆ ପଲିସିକୁ ନେଇ ଦେଶ ତଥା ସାରା ବିଶ୍ବରେ ୟୁଜରମାନେ ବ୍ୟାପକ ଅସନ୍ତୋଷ ଜାହିର କରିଛନ୍ତି । ଏହି ଲୋକପ୍ରିୟ ଆପ୍‌କୁ ମୁହଁ ମୋଡି ଏବେ ଅନ୍ୟ ଆପ୍‌କୁ ବ୍ୟବହାର କରିବା ଆରମ୍ଭ କଲେଣି ୟୁଜର । ଦେଶ ବିଦେଶରେ ଏବେ ସିଗ୍‌ନାଲ ଓ ଟେଲିଗ୍ରାମ୍‌ ଆପର ବ୍ୟବହାର ଅବିଶ୍ବସନୀୟ ଭାବେ ବୃଦ୍ଧି ପାଇଛି । କେବଳ ଭାରତରେ ହ୍ବାଟସଆପ୍ ବ୍ୟବହାରରେ ପ୍ରାୟ ୩୫ ପ୍ରତିଶତ କମ ଦେଖିବାକୁ ମିଳିଛି ।

ତେବେ ବର୍ତ୍ତମାନ ଏକ ରିପୋର୍ଟରୁ ଜଣାପଡିଛି ଯେ, କେନ୍ଦ୍ର ସରକାର ହ୍ବାଟସଆପ୍ ଜାରି କରିଥିବା ନୂଆ ପଲିସି ଉପରେ ଅନୁଧ୍ୟାନ କରୁଛନ୍ତି । ଅନେକ ବ୍ୟବହାରକାରୀ ନୂଆ ପଲିସିକୁ ରୋକ ଲଗାଇବା ପାଇଁ ସୋସିଆଲ ମିଡିଆରେ ଅଭିଯୋଗ କରୁଥିବା ବେଳେ ଏହାକୁ ସମୀକ୍ଷା କରୁଛନ୍ତି କେନ୍ଦ୍ର ସରକାର । ଏବେ ହ୍ବାଟସଆପ୍‌ ଜାରି କରିଥିବା ନୂଆ ପଲିସିରେ ବ୍ୟବହାରକାରୀଙ୍କ ଡାଟା ଫେସବୁକ୍‌ର ଅନ୍ୟ ଉତ୍ପାଦ ଏବଂ ସେବା ସହିତ ଯୋଡା ହୋଇଛି ।

ଏହି ମୁଦ୍ଦାକୁ ନେଇ ବିସ୍ତାର ଭାବେ ଆଲୋଚନା ହେବା ଦରକାର । ଭାରତରେ ହ୍ବାଟସଆପ୍ ବ୍ୟବହାରକାରୀଙ୍କ ସଂଖ୍ୟା ପ୍ରାୟ ୪୦କୋଟି । ବିଶ୍ବରେ ହ୍ବାଟସଆପ୍‌ର ସବୁଠାରୁ ବଡ ବ୍ୟବସାୟୀକ ସ୍ଥାନ ହେଉଛି ଭାରତ । ରିପୋର୍ଟ ମୁତାବକ ହ୍ବାଟସଆପ୍‌ର ନୂଆ ପଲିସିକୁ ନେଇ ଏବଂ ଏହାର ରୂପରେଖକୁ ନେଇ ଆକନ କରାଯାଉଛି । ଦେଶର ଆଇଟି ମନ୍ତ୍ରାଳୟ ବର୍ତ୍ତମାନ ଯାଏଁ ହ୍ବାଟସଆପ ଠାର କୌଣସି ସ୍ପଷ୍ଟୀକରଣ ମାଗିନାହାନ୍ତି । ତେବେ ଏ ବାବଦରେ ଖୁବ ଶୀଘ୍ର ନିଷ୍ପତ୍ତି ନିଆଯିବ ।

ବିଶିଷ୍ଟ ବ୍ୟବସାୟୀ ଏଲନ୍‌ ମାସ୍କ ସିଗନାଲ୍ ଭଳି ଅନ୍ୟ ଆପ ଗୁଡିକୁ ବ୍ୟବହାର ପାଇଁ କହିଛନ୍ତି । ଏଥିରେ ଭାରତର ଅନେକ ବଡ ବଡ କମ୍ପାନୀମାନେ ମଧ୍ୟ ସହମତି ପ୍ରକାଶ କରିଛନ୍ତି । ମହିନ୍ଦ୍ରା ଗ୍ରୁପ୍‌ର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା, ପେଟିଏମର ସଂସ୍ଥାପକ ଶେଖର ଶର୍ମା ଏବଂ ଫୋନ-ପେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସମୀର ନିଗମ ମଧ୍ୟ ହ୍ବାଟସଆପର ନୂଆ ପଲିସିକୁ ନେଇ ଅସନ୍ତୋଷ ଜାହିର କରିଛନ୍ତି ।

   Related Posts