Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଲକଡାଉନ୍‌ରେ ୟୁଜର୍ସଙ୍କୁ ହ୍ୱାଟ୍ସଆପ୍‌ର ଉପହାର: ବର୍ତ୍ତମାନ ମନ ଖୋଲି ଗପି ପାରିବେ ଗୃପରେ

8/04/2020 at 8:23 PM

ନୂଆଦିଲ୍ଲୀ ୦୮/୦୪ : କରୋନା ଯୋଗୁଁ ଦେଶକୁ ୨୧ ଦିନ ପାଇଁ ଲକଡାଉନ୍ କରାଯାଇଛି | ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି | ଏଭଳି ପରିସ୍ଥିତିରେ ଲୋକେ ଘରେ ରହି ବୋର ହୋଇଗଲେଣି | କାମ କରୁଥିବା, ବାହାରକୁ ଯାଉଥିବା ଲୋକଙ୍କ ପାଇଁ ୨୧ ଦିନ ଘରେ ବନ୍ଦୀ ହୋଇ ରହିବା ବଡ କଷ୍ଟକର | କିନ୍ତୁ ସୁରକ୍ଷା ଦୃଷ୍ଟିରୁ ତାହା କରିବାକୁ ପଡିବ ଏବଂ ଲୋକେ ଘରେ ରହିଛନ୍ତି ମଧ୍ୟ | ତେବେ ୟା ଭିତରେ ଲୋକଙ୍କ ମନରେ ସବୁଠାରୁ ବଡ ପ୍ରଶ୍ନ ଘରେ କଣ କରିବୁ ? ଆଜିକାଲି ଅଧିକାଂଶ ଲୋକେ ମୋବାଇଲ ଫୋନରେ ସମୟ ଅତିବାହିତ କରିଥାନ୍ତି | ତେବେ ଦିନ ସାରା ମୋବାଇଲରେ ଟାଇମ ପାସ କରି କରି ମଧ୍ୟ ଲୋକେ ବୋର ହୋଇଯାଉଛନ୍ତି | ଏହି ପରିସ୍ଥିତିରେ ହ୍ୱାଟ୍ସଆପ୍ ଏକ ନୂଆ ଫିଚର ଆଣିଛି |

ବର୍ତ୍ତମାନ ଆପଣ ଘରେ ବସି ଜଣକ ସହ ନୁହଁ ବରଂ ଏକାଥରେ ଅନେକ ଜଣଙ୍କ ସହ ଗପ କରିପାରିବେ | କେବଳ ଗପସପ ନୁହଁ ବରଂ ଭିଡିଓ କଲ ଜରିଆରେ ନିଜ ଅଫିସ କାମ ମଧ୍ୟ କରିପାରିବେ |
ଲକଡାଉନ ସମୟରେ ହ୍ୱାଟ୍ସଆପ ଲୋକଙ୍କୁ ଏହି ନୂଆ ଆପ ଲଞ୍ଚ କରି ଏକ ବଡ ଉପହାର ଦେଇଛି | କମ୍ପାନୀ ଘୋଷଣା କରିଛି ଯେ, ବର୍ତ୍ତମାନ ଯେକୌଣସି ଉପଭୋକ୍ତା ଯେକୌଣସି ହ୍ୱାଟ୍ସଆପ ଗୃପରେ ଭିଡିଓ ଚାଟ କରିପାରିବେ | ତେବେ ଥରକେ କେବଳ ୪ ଜଣ ହିଁ ସ୍କ୍ରିନରେ ଦେଖାଦେବେ | ଏନେଇ କମ୍ପାନୀ ଟ୍ୱିଟ କରିଛି |

କମ୍ପାନୀ ଅନୁଯାୟୀ, ଆପଣ ନିଜର ଯେକୌଣସି ହ୍ୱାଟ୍ସଆପ ଗୃପକୁ ଯାଇ ସେଠାରେ ଭିଡିଓ ଆଇକନକୁ ଟଚ କରିବେ | ଏହାପରେ ଗୃପର ସମସ୍ତ ସଦସ୍ୟଙ୍କ ପାଖକୁ ନୋଟିଫିକେସନ ଯିବ | ତାପରେ ଆପଣ ନିଜ ହିସାବରେ ୩ଜଣ ସଦସ୍ୟଙ୍କୁ ଚୟନ କରିପାରିବେ ଯାହାଙ୍କ ସହିତ ଆପଣ ଗପସପ କରିବାକୁ ଚାହୁଁଛନ୍ତି | ତେବେ ଗୃପର ସମସ୍ତ ସଦସ୍ୟ ଆପଣଙ୍କ କଥା ଶୁଣିପାରିବେ | ମଙ୍ଗଳବାର ଦିନ ହ୍ୱାଟ୍ସଆପ ସୂଚନା ଦେଇଥିଲା ଯେ, କରୋନା ସମ୍ବନ୍ଧୀୟ ଗୁଜବ ଏକାଧିକ ଲୋକଙ୍କୁ ପଠା ଯାଇପାରିବ ନାହିଁ | ଏହା ପୂର୍ବରୁ ଯେକୌଣସି ମେସେଜକୁ ୫ ଜଣ କିମ୍ବା ୟୁଜର୍ସଙ୍କୁ ପଠାଇ ପାରୁଥିଲେ | କିନ୍ତୁ କରୋନା ସମ୍ବନ୍ଧୀୟ ଗୁଜବରୁ ଲୋକଙ୍କ ଚିନ୍ତା ବଢ଼ୁଥିଲା | ଏଥିରୁ ବଞ୍ଚିବା ପାଇଁ କମ୍ପାନୀ ଏହି ନିଷ୍ପତ୍ତି ନେଇଛି |

   Related Posts