ଦୁବାଇ, ୦୩।୧୧: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ୬ ଓ୍ୱିକେଟରେ ମାତ୍ ଦେଇ ପ୍ଲେ-ଅଫରେ ପ୍ରବେଶ କରିଛି ଦିଲ୍ଲୀ କ୍ୟାପିଟାଲ୍ସ । ଏହାସହ ଦଳ ଦ୍ୱିତୀୟ ସ୍ଥାନରେ ରହି ପ୍ଲେ-ଅଫରେ ମୁମ୍ବାଇକୁ ଭେଟିବ । ତେବେ ମ୍ୟାଚ୍ ପରେ ମ୍ୟାଚକୁ ନେଇ ବୟାନ ଦେଇଛନ୍ତି ଦିଲ୍ଲୀ ଅଧିନାୟକ ଶ୍ରେୟସ ଆୟାର ।
ଶ୍ରେୟସ କହିଛନ୍ତି ଯେ, ଦଳ ଜିତିବା ଉପରେ ଲକ୍ଷ୍ୟ ରଖିଥିଲା । ରନ୍ ରେଟ୍ ଉପରେ ନୁହେଁ । ଏହାସହ ସେ ବୋଲରଙ୍କୁ ମଧ୍ୟ ପ୍ରଶଂସା କରିଛନ୍ତି । ବୋଲରଙ୍କ ରଣନୀତି ସଫଳ ହୋଇଥିଲା । ହୋଟେଲରେ ବିପକ୍ଷ ଦଳର ଦୁର୍ବଳତାକୁ ପରଖା ଯାଇଥିଲା । ଯାହା ସଫଳ ହୋଇଥିଲା ।
ସେ ଆହୁରି କହିଛନ୍ତି ଯେ, ମୁମ୍ବାଇ ଟୁର୍ଣ୍ଣାମେଣ୍ଟର ସର୍ବଶ୍ରେଷ୍ଠ ଟିମ୍ । ଦଳ ବ୍ୟାଟିଂ, ବୋଲିଂ ଓ ଫିଲ୍ଡିଂ ଉପରେ ବେଶୀ ଫୋକସ କରିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ, ସୋମବାରା ଆରସିବି ଓ ଦିଲ୍ଲୀ ବିପକ୍ଷ ମୁକାବିଲାରେ ଦିଲ୍ଲୀ ୬ ଓ୍ୱିକେଟରେ ବିଜୟଲାଭ କରିଛି । ଏହି ମ୍ୟାଚରେ ବେଙ୍ଗାଲୁରୁ ୧୫୨ ରନ୍ କରିଥିଲା । ଜବାବରେ ଦିଲ୍ଲୀ ବିଜୟ ଲକ୍ଷ୍ୟ ହାସଲ କରିନେଇଥିଲା ।
