Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ବ୍ୟାଟିଂ ବେଳେ ସାମାନ୍ୟ ଭୟଭୀତ ଥିଲେ ଗ୍ରୀନ୍, ଏମିତି କହି ଡର ଛଡାଇଲେ କେଏଲ ରାହୁଲ

4/12/2020 at 9:50 AM

ସିଡନୀ, ୦୪/୧୨ :   ଅଷ୍ଟ୍ରେଲିଆର ଯୁବ ଖେଳାଳି କ୍ୟାମରନ୍ ଗ୍ରୀନ କାନବେରାରେ ଅନୁଷ୍ଠିତ ତୃତୀୟ ଦିନିକିଆରେ ପଦାର୍ପଣ କରିଥିଲେ । ସେ ଅଷ୍ଟ୍ରେଲିଆର ୨୩୦ ତମ ଖେଳାଳି ହୋଇଥିଲେ । ତାଙ୍କୁ ଅଷ୍ଟ୍ରେଲିଆର ଅଧିନାୟକ ଷ୍ଟିଭ୍ ସ୍ମିଥ ଗ୍ରୀନ କ୍ୟାପ୍ ଦେଇଥିଲେ । ମ୍ୟାଚରେ ଯେତେବେଳେ ଗ୍ରୀନ୍ ବ୍ୟାଟିଂ ପାଇଁ ଆସିଥିଲେ କିଛି ମାତ୍ରାରେ ତାଙ୍କ ମନରେ ଭୟ ଥିଲା । କିନ୍ତୁ ଭାରତୀୟ ଓ୍ୱିକେଟ୍ କିପର କେଏଲ ରାହୁଲ ଏପରି କିଛି କହିଥିଲେ ଯାହା ଶୁଣି ଗ୍ରୀନଙ୍କ ଭୟ ଦୂର ହୋଇଯାଇଥିଲା । ଏନେଇ ନିଜେ ମ୍ୟାଚ୍ ପରେ କହିଛନ୍ତି ଗ୍ରୀନ୍ ।

ଗ୍ରୀନ୍ ମ୍ୟାଚ୍ ପରେ କହିଛନ୍ତି ଯେ, କେଏଲ ରାହୁଲ ଓ୍ୱିକେଟ୍ ପଛରେ ଭଲ ସମର୍ଥନ କରିଥାନ୍ତି । ଯେତେବେଳେ ସେ ବ୍ୟାଟିଂ କରିବାକୁ ଆସିଥିଲେ ସାମାନ୍ୟ ନର୍ଭସ ଥିଲେ । ଏହାପରେ ରାହୁଲ ତାଙ୍କୁ କହିଥିଲେ ଯେ, ଭଲ କର ୟଙ୍ଗଷ୍ଟାର୍ । ରାହୁଲଙ୍କ ଏପରି ଆଚରଣକୁ ସେ ସର୍ବଦା ମନେ ରଖିବେ ବୋଲି ଗ୍ରୀନ୍ କହିଛନ୍ତି ।

ଏହାସହ ଗ୍ରୀନ୍ ଭାରତୀୟ ସ୍ପିନ୍ ବୋଲିଂକୁ ପ୍ରଶଂସା କରିଛନ୍ତି । ଆଗରୁ ସେ ଏପରି ସ୍ପିନ୍ ଦେଖିନଥିଲେ ।  ରବୀନ୍ଦ୍ର ଜାଡେଜା ଜଣେ ଆକର୍ଷଣୀୟ ସ୍ପିନର । ଏପରି ବୋଲରଙ୍କ ସାମ୍ନା କରିବାକୁ ଯେତେ ଫୁଟେଜ ଦେଖିଲେ ମଧ୍ୟ  ମଇଦାନରେ ସ୍ଥିତି ଭିନ୍ନ ରହିଥାଏ । ଏହି ଅନୁଭବ ସମ୍ପୂର୍ଣ୍ଣ ଅଲଗା । ଏହାସହ ସେ ବିରାଟ କୋହଲିଙ୍କୁ ଗୋଟିଏ ଓଭର ବୋଲିଂ କରିଥିଲେ । ବିରାଟ ଜଣେ ଭଲ ବ୍ୟାଟସମ୍ୟାନ୍ ବୋଲି ସେ କହିଛନ୍ତି ।

ସୂଚନାଯୋଗ୍ୟ, ଏହି ମ୍ୟାଚରେ ଗ୍ରୀନ୍ ୨୧ ରନ୍ କରି ରବିନ୍ଦ୍ର ଜାଡେଜାଙ୍କ ଶିକାର ହୋଇଥିଲେ ।ଏହି ପାଳିରେ ସେ ଗୋଟିଏ ଛକା ଓ ଗୋଟିଏ ଚୌକା ଲଗାଇଥିଲେ । ଏହାସହ ସେ ୪ ଓଭର ବୋଲିଂ କରି ୨୭ ରନ୍ ବ୍ୟୟ କରିଥିଲେ ।

   Related Posts