Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବରରୁ ଦିନକରେ ୨୦୩ କରୋନା ଆକ୍ରାନ୍ତ ଚିହ୍ନଟ, ୧୩୪ ସୁସ୍ଥ
  • ||
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||

କୃଷି ବିଧେୟକ: କ’ଣ ରହିଛି ପ୍ରାବଧାନ, କାହିଁକି ହେଉଛି ବିରୋଧ ?

18/09/2020 at 8:49 PM

ନୂଆଦିଲ୍ଲୀ ୧୮।୯: କୃଷି ବିଧେୟକକୁ ନେଇ ପଞ୍ଜାବ, ହରିୟାଣା, ଉତ୍ତରପ୍ରଦେଶ ସମେତ ଦେଶର ବିଭିନ୍ନ ଭାଗରେ ବିରୋଧ ଏବେ ମୁଣ୍ଡ ଟେକିବାରେ ଲାଗିଲାଣି। ଚାଷୀ ରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶନ ମଧ୍ୟ କଲେଣି। ସଂସଦରେ ବିରୋଧୀ ଦଳମାନେ ମଧ୍ୟ ନୂଆ କୃଷି ବିଧେୟକକୁ ବିରୋଧ କରୁଛନ୍ତି।  ତଥାପି ଏହାକୁ ସରକାର ଚାଷୀ  ହୀତକର ଦାବି କରୁଛନ୍ତି। ଏଣୁ ଗତ ୨୪ ଘଣ୍ଟାରେ ଜଣେ କେନ୍ଦ୍ରମନ୍ତ୍ରୀ ସରକାରରୁ ଇସ୍ତଫା ମଧ୍ୟ ଦେଇ ସାରିଲେଣି। ତେବେ ନୂଆ କୃଷି ବିଧେୟକର କେଉଁ ପ୍ରାବଧାନକୁ ବିରୋଧ ହେଉଛି ଆସନ୍ତୁ ଜାଣିବା ।

ଏହି ବିଧେୟକରେ ଏପରି ଏକ ଇକୋ ସିଷ୍ଟମ ନିର୍ମାଣର ବ୍ୟବସ୍ଥା ରହିଛି ଯାହା ଚାଷୀ ଓ ବ୍ୟବସାୟୀଙ୍କୁ ମଣ୍ଡି ବାହାରେ କିଣାବିକାର ସ୍ୱାଧୀନତା ଦେଉଛି। ସେହିପରି ରାଜ୍ୟ ଭିତରେ ଓ ଦୁଇ ରାଜ୍ୟ ମଧ୍ୟରେ ବ୍ୟବସାୟ ଅଭିବୃଦ୍ଧିକୁ ମଧ୍ୟ ପ୍ରୋତ୍ସାହନ ଦେବାର ବ୍ୟବସ୍ଥା ରହିଛି। ଏଥିଲାଗି ସରକାର ପରିବହନ ଖର୍ଚ୍ଚ ହ୍ରାସ ହେବ ବୋଲି ତର୍କ ରଖୁଛନ୍ତି।

ସେହିପରି ବିଧେୟକରେ କୃଷି ରାଜିନାମା ଲାଗି ଜତୀୟ ଫ୍ରେମୱାର୍କର ବ୍ୟବସ୍ଥା ମଧ୍ୟ ରହିଛି । ତେବେ ଏହି ବିଧେୟକ କୃଷି ଉତ୍ପାଦନର ବିକ୍ରି, ଫାର୍ମ ସେବା, କୃଷି ବ୍ୟବସାୟୀ ଫାର୍ମ, ପ୍ରେସେର୍ସ, ପାଇକାରୀ ବିକ୍ରେତା, ବଡ ଖୁଚୁରା ବିକ୍ରେତା ଓ ରପ୍ତାନୀକାରୀଙ୍କ ସହ ଚାଷୀଙ୍କୁ ସଂଯୁକ୍ତ କରିବାର ବ୍ୟବସ୍ଥା ରହିଛି। ଏଥିଯୋଗୁ ବଜାରରେ ପ୍ରତିଯୋଗୀତା ବଢିବା ସହ ଚାଷୀଙ୍କୁ ସେମାନଙ୍କ ଉତ୍ପାଦ ଲାଗି ଉଚିତ ମୂଲ୍ୟ ମଧ୍ୟ  ମିଳିବ ବୋଲି କୁହାଯାଉଛି।

ଚାଷୀଙ୍କୁ ଗୁଣାତ୍ମକ ବିହନ ଯୋଗାଣ, ବୈଷୟିକ ସହାୟତା ଓ ଫସଲ ସ୍ୱାସ୍ଥ୍ୟ ନୀରିକ୍ଷଣ, ଋଣ ସୁବିଧାଓ ଫସଲ ବୀମା ସୁବିଧା ଆଦି ଉପଲବ୍ଧ କରିବାର ବ୍ୟବସ୍ଥା ମଧ୍ୟ ବିଧେୟକରେ ଅଛି। ତେବେ ଖାଦ୍ୟଶଶ୍ୟ, ଡାଲି. ତୈଳ ବିଜ, ଖାଦ୍ୟ ତେଲ,  ପିଆଜ ଓ ଆଳୁକୁ ଅତ୍ୟାବଶକୀୟ ସାମଗ୍ରୀ ସୂଚୀରୁ ବାଦ ଦିଆଯାଇଛି।

କାହିଁକି ହେଉଛି ବିରୋଧ?
ତେବେ ଚାଷୀ ସଙ୍ଗଠନଙ୍କ କହିବା କଥା ହେଲା ଏପରି କୃଷି ଆଇନ ଚାଷ କ୍ଷେତ୍ରରେ ପୁଞ୍ଜିପତି ଓ କର୍ପୋରେଟଙ୍କ ପ୍ରାଦୁର୍ଭାବକୁ ପ୍ରୋତ୍ସାହନ ଦେବ। ଯାହାର ପରିଣାମ ଚାଷୀଙ୍କୁ ଭୋଗିବାକୁ ପଡିବ। ତେବେ ଚାଷୀଙ୍କ ଏଭଳି ଆଶଙ୍କା  ମଧ୍ୟ ନିରାଧାର ନୁହେଁ ବୋଲି କହୁଛନ୍ତି କୃଷି ବିଶେଷଜ୍ଞ। କାରଣ ଚାଷୀଙ୍କ ପ୍ରତି ସରକାରଙ୍କ କାର୍ତ୍ତବ୍ୟ ହ୍ରାସ ହେବ ବୋଲି ଆଶଙ୍କା କରାଯାଉଛି।

ଏବେ ଚାଷୀଙ୍କ ଉତ୍ପାଦନ ଏଫସିଆଇ ଉଠାଉଥିଲେ। ହୁଏତ ନୂଆ ବିଧେୟକ ଆଇନରେ ପରିଣତ ହେବା ପରେ କୃଷି ଉତ୍ପାଦ ଆଉ ଏଫସିଆଇ କିଣିବେ ନାହିଁ। ଫଳରେ ରାଜ୍ୟ କମିଶନ ୬ ପ୍ରତିଶତ ଓ ଏଜେଣ୍ଟ କମିଶନ ୨.୫ ପ୍ରତିଶତ  ମଧ୍ୟ ମିଳିବ ନାହିଁ।  ସେହିପରି ମଣ୍ଡି ବାହାରେ କାରବାର ଅନୁମତି ଯୋଗୁ ଦେଶରେ ମଣ୍ଡି ବ୍ୟବସ୍ଥା ମଧ୍ୟ ରହିବ ନାହିଁ। ଏଣୁ ବିଧେୟକ ଚାଷୀଙ୍କ ଲାଗି ନୁହେଁ ବଜାର ଲାଗି ବୋଲି ସେମାନେ କହୁଛନ୍ତି।

   Related Posts