Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

୩ ଥର ଆଇପିଏଲ ଚାମ୍ପିଅନ ହୋଇଥିବା ଚେନ୍ନାଇ ଏବେ କରିବ କ’ଣ ? ଦଳର ଆଗାମୀ ରଣନୀତି ବାବଦରେ କହିଲେ ଧୋନୀ

20/10/2020 at 3:40 PM

ଦୁବାଇ, ୨୦:୧୦:  ଚେନ୍ନାଇ ସୁପର କିଙ୍ଗସ୍ ଚଳିତ ଆଇପିଏଲରେ ଏବେସୁଦ୍ଧା ୭ଟି ପରାଜୟର ସାମ୍ନା କରିଛି । ଏହି ପରାଜୟ ପରେ ଦଳର ପ୍ଲ ଅଫ୍ ଆଶା ମଉଳିବାରେ ଲାଗିଛି । ଦଳ କିପରି ଭାବେ ଆଗାମୀ ମ୍ୟାଚରେ ଭଲ ପ୍ରଦର୍ଶନ କରି ଫର୍ମକୁ ଫେରିବ ସେନେଇ ପ୍ରୟାସ କରିବ ।

ସୋମବାର ଆବୁଧାବିରେ ଚେନ୍ନାଇ ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଇଥିବା ମୁକାବିଲାରେ ଚେନ୍ନାଇ ୭ ଓ୍ୱିକେଟରେ ପରାସ୍ତ ହୋଇଛି । ପ୍ରଥମେ ବ୍ୟାଟିଂ କରି ଚେନ୍ନାଇ ୫ ଓ୍ୱିକେଟ ହରାଇ ୧୨୫ ରନ୍ କରିଥିଲା । ଜବାବରେ ରାଜସ୍ଥାନ ୩ ଓ୍ୱିକେଟ ହରାଇ ଟାର୍ଗେଟ ପୁରା କରିନେଇଥିଲା ।

ଆଜି ଯାଏଁ ଚେନ୍ନାଇ ଆଇପିଏଲରେ ଯେଉଁ ସିଜିନରେ ଖେଳିଛି ପ୍ଲେ ଅଫକୁ ଯାଇଛି । ଏହାସହ ୩ ଥର ଚାମ୍ପିଅନ ହୋଇଛି । ୫ଥର ରନର୍ସ ଅପ୍ ହୋଇଛି ଦଳ । କିନ୍ତୁ ଚଳିତ ଥର ଦଳ ୧୦ଟି ମ୍ୟାଚ୍ କେଲି ମାତ୍ର ୬ ପଏଣ୍ଟ ପାଇଛି । ମ୍ୟାଚ୍ ପରେ ଧୋନୀ କହିଛନ୍ତି ଯେ, ଆପଣ ଯାହା ଚାହିଁବେ ଫଳାଫଳ ସେପରି ହେବ ବୋଲି କିଛି ମାନେ ନଥାଏ । ଭୁଲ କେଉଁଠି ରହିଲା ତାହା ଦେଖିବାକୁ ପଡିବ । ଏହି ପ୍ରକ୍ରିୟାରୁ ଦଳ କିପରି ବାହାରିବ ତାହା ଉପରେ ଫୋକସ କରାଯାଉଛି ବୋଲି ଧୋନୀ କହିଛନ୍ତି ।

ଧୋନୀ ପ୍ରଥମ ୯ ଓଭରରେ ହିଁ ଦୀପକ ଚହର ଓ ଜୋସ ହେଜଲବୁଡଙ୍କ କୋଟା ପୂରଣ କରିନେଇଥିଲେ । ଫଳରେ ଦଳ ପାଖରେ ଆଉ ଭଲ ବୋଲର ବିକଳ୍ପ ରହିନଥିଲା । ପ୍ରଥମ ଇନିଂସ ଭଳି ଦ୍ୱିତୀୟ ଇନିଂସରେ ସ୍ପିନରଙ୍କୁ ଅଧିକ ସହଯୋଗ ମିଳୁନଥିଲା ବୋଲି ଧୋନୀ ସ୍ୱୀକାର କରିଛନ୍ତି । କେବଳ ଦ୍ରୁତ ବୋଲରଙ୍କୁ ଓ୍ୱିକେଟ୍ ମିଳିଥିଲା । ରବୀନ୍ଦ୍ର ଜାଡେଜାଙ୍କ ବୋଲିଂ ମଧ୍ୟ ଫଳପ୍ରଦ ହୋଇନଥିଲା ।

ଲଗାତର ପରାଜୟ ସତ୍ତ୍ୱେ ଧୋନୀ ଦଳରେ ସେପରି କିଛି ପରିବର୍ତ୍ତନ କରିବେ ନାହିଁ ବୋଲି କହିଛନ୍ତି । ଏପରି ବେଲେ ଦଳରେ ଖେଳାଳିଙ୍କ ମଧ୍ୟରେ ଅସୁରକ୍ଷିତ ଭାବ ଦେଖାଯିବ ବୋଲି ସେ କହିଛନ୍ତି ।

ଚଳିତ ସିଜିନରେ ଧୋନୀ ଯୁବ ଖେଳାଳିଙ୍କୁ ଅଧିକ ସୁଯୋଗ ଦେଇ ନଥିବା ମାନିଛନ୍ତି । ଆଗାମୀ ଦିନରେ ଯୁବ ଖେଳାଳିଙ୍କୁ ସୁଯୋଗ ମିଳିବ ବୋଲି କହିଛନ୍ତି ମାହି ।

   Related Posts