Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଠପ୍ ପଶ୍ଚିମ ଓଡ଼ିଶା : ହାଇକୋର୍ଟର ସ୍ଥାୟୀ ବେଞ୍ଚ ଦାବିରେ ସ୍କୁଲ-କଲେଜ-ଅଫିସ୍ ବନ୍ଦ

5/02/2020 at 4:55 PM

ବଲାଙ୍ଗିର ୫/୨: ତେଜିଲାଣି ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି । ପଶ୍ଚିମ ଓଡ଼ିଶାରେ  ୧୨ ଘଣ୍ଟିଆ ବନ୍ଦ ଡାକରରେ ସାମିଲ ହୋଇଛନ୍ତି ବିଭିନ୍ନ ଜିଲ୍ଲାର  ଓକିଲ ସଂଘ।  ସମ୍ବଲପୁର ଠୁ ସୋନପୁର , ବଲାଙ୍ଗିରଠୁ ବରଗଡ଼ ବନ୍ଦର ପ୍ରଭାବ ଦେଖିବାକୁ ମିଳିଥିଲା । ତେବେ ସାଧାରଣ ଲୋକେ ନାହିଁ ନଥିବା ହଇରାଣ ହୋଇଥିଲେ ।

ଜୋର ଧରିଲା ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି । ଠପ୍ ପଶ୍ଚିମ ଓଡ଼ିଶା । ୧୨ ଘଣ୍ଟିଆ ପାଇଁ ବନ୍ଦ ପାଳନ ହୋଇଯାଇଛି । ଚକ ଅଖ ସବୁ ଜାମ୍ । ଇଏ ହେଉଛି ସମ୍ବଲପୁରରର ଚିତ୍ର । ଦୋକାନ ବଜାର ବନ୍ଦ । ଷ୍ଟେସନରେ ଅଟକି ରହିଥିଲା ପୁରୀ-ସମ୍ବଲପୁର ଇଣ୍ଟରସିଟି ଏକ୍ସପ୍ରେସ୍ ।ସୁନ୍ଦରଗଡ଼ରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି । ବିଶେଷ ଭାବେ ରାଉରକେଲାରେ ଓକିଲମାନେ ଏକାଠି ହୋଇ ବନ୍ଦ ପାଳନରେ ସାମିଲ ହୋଇଥିଲେ। ଏବଂ ଜନସାଧାରଣ ମଧ୍ୟ ଏହାକୁ ସମର୍ଥନ କରିଥିଲେ। ସେହିପରି ଝାରସୁଗୁଡାର ବ୍ରଜରାଜନଗର, ବେଳପାହାଡ, ବନହରପାଲି,କୋଲାବିରା, ଲଇକେରା, ଲଖନପୁର ଆଦି ଅଞ୍ଚଳରେ ପିକେଟିଂ କରି ବନ୍ଦ ପାଳନ କରିଥିଲେ ଆନ୍ଦୋଳନକାରୀ। ସ୍କୁଲ, କଲେଜ, ଦୋକାନ ବଜାର, ବିଭିନ୍ନ କାର୍ଯ୍ୟାଳୟ  ବନ୍ଦ ରହିଥିଲା ।

ଦେବଗଡ଼ ଜିଲ୍ଲା ଓକିଲ ସଂଘ ୪୯ ନମ୍ବର ଜାତୀୟ ରାଜପଥର ଟ୍ରାଫିକ ଛକଠାରେ ରାସ୍ତା ଅବରୋଧ କରିବା ସହ ଧାରଣା ଦେଇଥିଲେ । ବୌଦ୍ଧ, ନୂଆପଡ଼ା, ସୋନପୁର ସବୁଠାରେ ଏକସ୍ବର ଶୁଣାଯାଇଥିଲା ପଶ୍ଚିମ ଓଡ଼ିଶା ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା କରାଯାଉ।

ଦୀର୍ଘ ଦିନ ଧରି ହାଇକୋର୍ଟର ସ୍ଥାୟୀ ବେଞ୍ଚ ପାଇଁ ଆନ୍ଦୋଳନ ଚାଲିଛି ।  ତେବେ ଅଟକିଛି କେଉଁଠି ହେବ ଏହି ସ୍ଥାୟୀ ବେଞ୍ଚ।  ଏଣେ ଏହାକୁ ନେଇ ରାଜନୀତିର ଗୋଟି ମଧ୍ୟ କିଛି କମ ଚାଲୁଛି। ଆଉ ଆଜି ଯେତେବେଳେ ସାରା ପଶ୍ଚିମ ଓଡ଼ିଶାରେ ବନ୍ଦର ପ୍ରଭାବ ଦେଖାଯାଇଥିଲା, ସେତେବେଳେ ରାଜଧାନୀରେ ନେତାଏ ଆକ୍ଷେପ ପ୍ରତ୍ୟାକ୍ଷେପରେ ମାତିଥିଲେ।

ଅନେକ ବନ୍ଦ ପାଳନ ହେଲାଣି ।  ବନ୍ଦର ପ୍ରଭାବ ସ୍ପଷ୍ଟ କରୁଛି ହାଇକୋର୍ଟର ସ୍ଥାୟୀ ବେଞ୍ଚ କେତେ ଜରୁରୀ। ତୁରନ୍ତ ଏନେଇ ସରକାର ନିଷ୍ପତ୍ତି ନେବାକୁ ଦାବି କରିଛନ୍ତି।

   Related Posts