Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ଦିପାବଳୀ ଆତସବାଜୀ ଉପରେ କଟକଣା ଜାରି କଲେ ପଶ୍ଚିମବଙ୍ଗ ସରକାର, ନିଷ୍ପତ୍ତି ସମୀକ୍ଷା ଲାଗି ବ୍ୟବସାୟୀଙ୍କ ନିବେଦନ

4/11/2020 at 10:25 PM

କୋଲକାତା ୪।୧୧:  କରୋନା ଭାଇରସ ମହାମାରୀ ଚଳିତବର୍ଷ ଦେଶରେ ପାର୍ବଣ ଉତ୍ସାହକୁ ଫିକା କରିଦେଇଛି। ହୋଲି ପରଠାରୁ ଦେଶରେ ଧାର୍ମିକ ଅନୁଷ୍ଠାନ ବନ୍ଦ ହୋଇଯାଇଛି। ମହାରାଷ୍ଟ୍ର ବିନାୟକ ଚତୁର୍ଥୀ ହେଉ ଅଥବା ପଶ୍ଚିମବଙ୍ଗ ଦୁର୍ଗାପୂଜା କୋଭିଡ କଟକଣା ଯୋଗୁ ସବୁ ପର୍ବପର୍ବାଣୀ ବ୍ୟହତ ହୋଇଛି। ଆଗକୁ ଆଲୋକର ପର୍ବ ଦୀପାବଳୀ। ଆତସବାଜୀ ଲାଗି ଏବେ ବିଭିନ୍ନ ରାଜ୍ୟ କଟକଣା ଜାରି କରୁଛନ୍ତି। ଏଥିରେ ପଶ୍ଚିମବଙ୍ଗ ସରକାର ମଧ୍ୟ ସାମିଲ ହୋଇଯାଇଛନ୍ତି। ରାଜ୍ୟରେ ଦିପାବଳୀ ଆତସବାଜୀ ଉପରେ କଟକଣା ଲାଗୁ କରିଛନ୍ତି।

ଆତସବାଜୀରେ ବାୟୁପ୍ରଦୂଷଣ ସମ୍ଭାବନା ଶତପ୍ରତିଶତ। ଏଣୁ ନିଶ୍ୱାସପ୍ରଶ୍ୱାସ ରୋଗୀଙ୍କ ଲାଗି ଏଭଳି ପ୍ରଦୂଷଣ ଘାତକ ହେବା ନିଶ୍ଚିତ। ଏଣୁ ପଶ୍ଚିମବଙ୍ଗ ସରକାର ବୁଧବାର ରାଜ୍ୟରେ ବାଣ ବିକ୍ରି ଓ ଜଳେଇବା ଉପରେ କଟକଣା ଲଗାଇ ଦେଇଛନ୍ତି। ତେବେ ସରକାର ନିଷ୍ପତ୍ତିର ପୁନର୍ବିଚାର କରନ୍ତୁ ବୋଲି ଫାୟାର କ୍ରାକର ସଂଘ ସରକାରଙ୍କୁ ଅପିଲ କରିଛି। ପଶ୍ଚିମବଙ୍ଗ ଆତସବାଜୀ ଉନ୍ନୟନ ସମିତି ସଭାପତି ବବଲା ରାୟ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ସରକାରଙ୍କ ନିଷ୍ପତ୍ତି ଯୋଗୁ ରାଜ୍ୟର ୪ ଲକ୍ଷରୁ ଅଧିକ ଲୋକଙ୍କ ଜୀବନ ଜୀବିକା ପ୍ରଭାବିତ ହେବ ବୋଲି କହିଛନ୍ତି।

ରାୟ କହିଛନ୍ତି ଯେ ଏହି ୪ ଲକ୍ଷ ଲୋକଙ୍କ ମଧ୍ୟରୁ କେବଳ ଦକ୍ଷିଣ ଚବିଶ ପ୍ରଗଣା ଜିଲ୍ଲାର ଚମ୍ପାହାଟି ଏ ନୁଙ୍ଗିର ୨ଲକ୍ଷ ଲୋକଙ୍କ ବର୍ଷକର ପରିଶ୍ରମ ପାଣିରେ ପଡିବ। ଯଦି ଦିପାବଳୀରେ ଆତସବାଜୀ ହେବନି ତେବେ ସରକାର କିଛି ମାସ ପୂର୍ବରୁ ଏ ସଂକ୍ରାନ୍ତରେ ନିଷ୍ପତ୍ତି ନେବାର ଥିଲା ଓ ଅଗ୍ରୀମ ଜଣାଇବାର ଥିଲା। ଏବେ ବ୍ୟବସାୟୀମାନେ କାରବାର ଲାଗି କିଣି ସାରିବାପରେ ସରକାର ଅଚାନକ ଆତସବାଜୀ ନିଷିଦ୍ଧ କରିବା କୋଟିକୋଟି ଟଙ୍କାର କ୍ଷତିର କାରଣ ହେବ ବୋଲି ରାୟ କହିଛନ୍ତି।

ପ୍ରଥମରୁ କରୋନା ଲକଡାଉନ ଯୋଗୁ ଲୋକେ ଜୀବିକା ହରାଇ ସାରିଥିବା ବେଳେ ଏବେ ସରକାର ବିଭିନ୍ନ ବାହାନାରେ ଲୋକଙ୍କ ଜୀବନ ଜୀବିକାକୁ ଉଛନ୍ନ କରୁଥିବା ସେ ଅଭିଯୋଗ କରିଛନ୍ତି।  ଯାହାବି ହେଲେ ସରକାର ଲୋକଙ୍କୁ ଦିପାବଳୀରେ ଆତସବାଜୀରୁ ନିବୃତ୍ତ କରିପାରିବେନାହିଁ ବୋଲି ସେ କହିଛନ୍ତି। ଯଦି ଦୋକାନ ଲାଗି ସରକାର ଲାଇସେନ୍ସ ନ ଦିଅନ୍ତି ଲୋକେ ଚୋରା ଲୁଚାରେ ବାଣ ତିଆରି କରି ଫୁଟାଇବା ନିଶ୍ଚିତ। ଏଥିରେ ସରକାରଙ୍କ ଆତସବାଜୀ କଟକଣା ବି ରହିନପାରେ ବୋଲି କହିଛନ୍ତି। ଲୋକେ ହାତରେ ବାଣ ତିଆରି କଲେ ସେ ସବୁ ସରକାରୀ ନିୟମ ୯୦ ଡେସିବଲ ଶବ୍ଦରୁ ଅଧିକ ହେବ। ଯାହା ବାୟୁ ସାଙ୍ଗକୁ ଶବ୍ଦ ପ୍ରଦୂଷଣ ମଧ୍ୟ କରିବ ବୋଲି ସେ ଚେତାଇ ଦେଇଛନ୍ତି।

   Related Posts