Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ପଶ୍ଚିମବଙ୍ଗ ସିବିଆଇ ପ୍ରସଙ୍ଗ: କମ୍ପିଲା ଓଡିଶା

4/02/2019 at 7:20 PM

ଭୁବନେଶ୍ବର୪|୨: ମମତା ଓ ସିବିଆଇ ହାଇଡ୍ରମାକୁ ନେଇ ଉଠୁଛି ପଡୁଛି ଦେଶ। ତାକୁ ନେଇ ଜାତୀୟ ରାଜନୀତି ଦୁଇ ଭାଗରେ ବିଭକ୍ତ ହେବାକୁ ବସିଲାଣି । ଏତିକି ବେଳେ ଓଡିଶାରେ ବି ରାଜନୀତି ପାଣି ଛିଟା ପଡ଼ିଛି। କଂଗ୍ରେସ ଖୋଲାଖୋଲି ଭାବେ ମମତାଙ୍କୁ ସମର୍ଥନ ଦେବା ଏବଂ ବିଜେଡି ବୁଲେଇବୁଙ୍କେଇ ସିବିଆଇ ଆଡକୁ ବାଣ ଛାଡିବା ପରେ ଓଡ଼ିଶାରେ ବି ଆରମ୍ଭ ହୋଇଛି ଛକାପଞ୍ଝା।

କୋଲକାତା ରାଜନୀତି ଗରମ ହାୱା ଓଡ଼ିଶା ଆଡ଼େ ବହିଛି । ନହେବ ବା କେମିତି।  ୧- ପଶ୍ଚିମବଙ୍ଗ ପରି ଓଡିଶାରେ ମଧ୍ୟ ୨୦ ହଜାର କୋଟି ଟଙ୍କାର ଚିଟ୍‌ଫଣ୍ଡ  ଦୁର୍ନୀତି ହୋଇଛି।୨- ଓଡ଼ିଶାରେ ବି ବହୁ ବଡବଡ ନେତାଙ୍କ ନାଁ ଗଡ଼ ଗଡଉଛି ସିବିଆଇ ଏସବୁ ନେତାଙ୍କ ଆଡ଼େ ଚକ୍କର ମାରିଛି। ୩- ଓଡ଼ିଶା ମଧ୍ୟ ଆଣ୍ଟି-କଂଗ୍ରେସ-ଆଣ୍ଟି ବିଜେପି ରାଜନୀତିର ପରିଧି ଭିତରେ ରହିଛି । ୪- ପଶ୍ଚିମବଙ୍ଗରେ ଗତକାଲି ଯାହା ଘଟିଛି ପାଖାପାଖି ସମାନ ଘଟଣା ପୂର୍ବରୁ ଓଡ଼ିଶାରେ ମଧ୍ୟ ଘଟିଛି । ତେଣୁ  ସବିଆଇ ତନାଘନାରେ ଓଡ଼ିଶାରେ କମ୍ପନ ହେବା ସ୍ବାଭାବିକ। କିଛି ଦିନ ତଳେ ବିଜେଡି ନେତାଙ୍କୁ ସିବିଆଇ ସମନ କରିଥିଲା ଏବଂ କାଉଣ୍ଟରରେ ବିଜେପି ନେତାଙ୍କୁ ପୋଲିସ ହାଜିରା ନୋଟିସ ବାତାବରଣକୁ ଉଷ୍ମ ରଖିଥିଲା। ଠିକ ଏତିକି ବେଳେ ମମତାଙ୍କ ହାଇଡ୍ରାମାକୁ ସମର୍ଥନ ଜଣାଇଛି କଂଗ୍ରେସ  । ବିରୋଧୀ ଦଳ ନେତା କହିଛନ୍ତି ସିବିଆଇକୁ ରାଜନୈତିକ ଅସ୍ତ୍ର ଭାବେ ବ୍ୟବହାର କରାଯିବାକୁ ନେଇ ମମତା ଯାହା କରୁଛନ୍ତି ତାହା ଠିକ । ବିଜେଡି ବୁଲେଇ ବଙ୍କେଇ ଗୁଗୁଲି ଫିଙ୍ଗିଛି । ଦଳ ଗୋଟିଏ ପଟେ ଏଥିରେ ନିରବ ରହିବାକୁ ଚାହଁଥିବା ବେଳେ ସିବିଆଇର କାର୍ଯ୍ୟଶୈଳୀକୁ ନିନ୍ଦା କରିଛି।

ଆଜି ପାର୍ଲାମେଣ୍ଟରେ ଯେତେବେଳେ ସିବିଆଇ ପ୍ରସଙ୍ଗକୁ ନେଇ ହୋହଲ୍ଲା ହୋଇଥିଲା। ବିଜେଡି ମଧ୍ୟ ଏନେଇ ନିଜ ଯୁକ୍ତି ଉପସ୍ଥାପନ କରିଛି। ଲୋକସଭାରେ ବିଜେଡି ସଂସଦୀୟ ଦଳ ନେତା ଭର୍ତ୍ତୃହରି ମହତାବ କହିଥିଲେ ଯେ ସିବିଆଇକୁ ରାଜନୈତିକ ଅସ୍ତ୍ରଭାବେ ବ୍ୟବହାର କରୁଛି କେନ୍ଦ୍ର। ଆଉ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେଉଁମାନେ ଭୟଭୀତ ହୋଇଛନ୍ତି ସେମାନେ ଏଭଳି ଅଶୋଭନୀୟ ଆଚରଣ ଦେଖାଉଛନ୍ତି।

ପୂର୍ବରୁ ସିବିଆଇ ତୃଣମୂଳ କଂଗ୍ରେସର ଏକାଧିକ ନେତାଙ୍କୁ ଗିରଫ କରିଛି। ତେବେ ପୋଲିସ କମିଶନରଙ୍କ ଘରେ ଚଢ଼ାଉ ପରେ ଯେଉଁଭଳି ପରିସ୍ଥିତି ସୃଷ୍ଟି ହୋଇଛି ତା ଉପରେ ପୂରା ଦେଶ ନଜର ରଖିଛି। ମମତା ବନାର୍ଜୀ ୮ତାରିଖ ପର୍ଯ୍ୟନ୍ତ ଧାରଣାରେ ଦେବେ। ଖାଲି ସେତିକି ନୁହେଁ ସେହିଠାରେ ବସି ଦିଦି ନିଜ ପୋଲିସ ବାହିନୀକୁ ପୁରସ୍କୃତ ମଧ୍ୟ କରିଛନ୍ତି।  

   Related Posts