ପଶ୍ଚିମବଙ୍ଗ ୭/୫ : ପଶ୍ଚିମ ମିଡନାପୁର ଜିଲ୍ଲାର ପଞ୍ଚକୁରୀରେ କେନ୍ଦ୍ର ବୈଦେଶିକ ରାଷ୍ଟ୍ର ମନ୍ତ୍ରୀ ଭି. ମୁରଲୀଧରନଙ୍କ ଗାଡି ଉପରେ ଆକ୍ରମଣ ଘଟଣା । ଘଟଣାରେ ୮ଜଣଙ୍କୁ ଗିରଫ କରାଯିବା ସହ ୩ ପୋଲିସ ଅଧିକାରୀଙ୍କୁ ନିଲମ୍ୱନ କରାଯାଇଛି । ସେପଟି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏହାକୁ ଦୃଢ ନିନ୍ଦା କରିଛନ୍ତି । ମୁରଲୀଧରନ ଟ୍ୱିଟ କରି କହିଛନ୍ତି ଯେ, ଏହି ଘଟଣାରେ ଟିଏମସି ଗୁଣ୍ଡାଙ୍କ ହାତ ରହିଛି ।
ମୁରଲୀଧରନ୍ କହିଛନ୍ତି, “ମୁଁ ପଶ୍ଚିମ ମେଦିନାପୁରରେ ଦଳର କର୍ମୀଙ୍କୁ ଭେଟିବାକୁ ଯାଇଥିଲି । ଯେଉଁମାନଙ୍କ ଉପରେ ଆକ୍ରମଣ ହୋଇଛି ଏବଂ କାହାର ଘର ଚୋରି ହୋଇଛି । ମୁଁ ମୋର କନଭେନ ସହିତ ଘର ଘର ବୁଲୁଥିଲି ଏବଂ ତା’ପରେ ହଠାତ୍ ଏକ ଗୋଷ୍ଠୀ ଆମ ଆଡ଼କୁ ଯିବା ଆରମ୍ଭ କଲେ ଏବଂ ଆମ ଉପରେ ଆକ୍ରମଣ କରିଥିଲେ । ମନ୍ତ୍ରୀ କହିଛନ୍ତି ଯେ ମୁଁ ସୁରକ୍ଷିତ ଅଛି, କିନ୍ତୁ ମୋର ଡ୍ରାଇଭର ଆହତ ହୋଇ କିଛି କାରର ଝରକା ଭାଙ୍ଗି ଯାଇଛି ।
wp:gallery {"ids":[449250],"linkTo":"none"}
ମନ୍ତ୍ରୀଙ୍କ ସହ ଥିବା ବିଜେପି ଜାତୀୟ ସଚିବ ରାହୁଲ ସିହ୍ନା ଦାବି କରିଛନ୍ତି ଯେ ପୋଲିସର ଉପସ୍ଥିତିରେ ଏହି ଆକ୍ରମଣ ହୋଇଛି । ଘଟଣା ନେଇ କେନ୍ଦ୍ର ଗୃହ ମନ୍ତ୍ରଣାଳୟର ଅତିରିକ୍ତ ସଚିବ ଗୋବିନ୍ଦ ମୋହନ ରାଜ ଭବନରେ ରାଜ୍ୟପାଳ ଜଗଦୀପ ଧନଖରଙ୍କୁ ଭେଟି ଏ ସପର୍କରେ ଜଣାଇବେ ।
