Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଟ୍ରମ୍ପଙ୍କ ସ୍ୱାଗତ ପାଇଁ ବିଶାଳ ଗୁଡି ସହ ହୋଇଛି ଏହି ଆୟୋଜନ

23/02/2020 at 8:13 PM

ନୂଆଦିଲ୍ଲୀ ୨୩।୦୨ -ଆସୁଛନ୍ତି ଟ୍ରମ୍ପ। ଟ୍ରମ୍ପଙ୍କ ଭାରତ ଗସ୍ତ ନେଇ କାଉଣ୍ଟଡାଉନ ଆରମ୍ଭ ହୋଇଗଲାଣି। ଆମେରିକାର ରାଷ୍ଟ୍ରପତି  ଡୋନାଲ୍ଡ ଟ୍ରମ୍ପ ଓ ଫାଷ୍ଟ ଲେଡି ମିଲେନିଆଙ୍କ ଭାରତରେ  ୩୬ ଘଣ୍ଟାର ଜାମ୍ ପ୍ୟାକଡ ସେଡ୍ୟୁଲ ପାଇଁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ। ଅହମ୍ମଦାବାଦ, ଦିଲ୍ଲୀ ଏବଂ  ଆଗ୍ରା  ଟ୍ରମ୍ପଙ୍କ ଆଗମନକୁ ଅପେକ୍ଷା କରି ରହିଛନ୍ତି। …

Indo-US friendship in the wake of Trump presidency made it to Suttur fair as a giant kite used the two world leaders bromance as its theme during the kite competition

ଆକାଶରେ ଉଡିଲାଣି ମୋଦି ଟ୍ରମ୍ପ ଗୁଡି ।  ବିରାଟ ଗୁଡ଼ି, ବିଶାଳ ଆୟୋଜନ।   କାଲି ପ୍ରଥମ ଥର ପାଇଁ ଭାରତକୁ ଆସିବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଫାଷ୍ଟ ଲେଡି ମିଲେନିଆ । ରାଷ୍ଟ୍ରପତି ଟ୍ରମ୍ପଙ୍କୁ ସ୍ବାଗତ କରିବାପାଇଁ କର୍ଣ୍ଣାଟକରେ ଖ୍ୟାତନାମା ଗୁଡିକାରିଗର ଭି କେ ରାଓ ୧୫ ଫୁଟ ଲମ୍ବାର ଗୁଡି ଉଡାଇଲେଣି । ଏପଟେ ରାଷ୍ଟ୍ରପତି ଟ୍ରମ୍ପଙ୍କ ସ୍ବାଗତ ପାଇଁ ଅମ୍ରିତସରରେ ଗୁଡି ନିର୍ମାଣ କରୁଥିବା କମ୍ପାନୀ ସ୍ବତନ୍ତ୍ର ଗୁଡି ନିର୍ମାଣ କରିଛି । କିଛି ଗୁଡିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରପତି ଟ୍ରମ୍ପଙ୍କ ଛବି ସ୍ଥାନ ପାଇଛି।

ସେପଟେ ଅହମ୍ମଦାବାଦର ଫରଚ୍ୟୁନ ଲ୍ୟାଣ୍ଡମାର୍କ ହୋଟେଲରେ ଡୋନାଲ୍ଡ ଟ୍ରମ୍ପଙ୍କ ସ୍ବାଗତ ପାଇଁ ବିଶେଷ ଟ୍ରାଡିସନାଲ ଇଣ୍ଡିଆନ ଫୁଡ। ।  ଲଞ୍ଚ ରେ ରାଷ୍ଟ୍ରପତି ଟ୍ରମ୍ପଙ୍କ ସହ ଫାଷ୍ଟ ଲେଡି ମିଲେନିଆ ଓ ପ୍ରଧାନମନ୍ତ୍ରୀ ରହିବେ। ଏଥିପାଇଁ ଖାଦ୍ୟ ଓ ପାନୀୟ ପ୍ରସ୍ତୁତି ପାଇଁ ସେଫ୍ ସୁରେଶ ଖାନ୍ନାଙ୍କୁ ଦାୟିତ୍ବ ଦିଆଯାଇଛି। ଟ୍ରମ୍ପଙ୍କୁ ଖାଇବାରେ ଗୁଜରାଟୀ ବ୍ୟଞ୍ଜନ ଖାମନ ଢୋକଲା,ସ୍ପେଶାଲ ଗୁଜରାଟି ଜିଞ୍ଜର ଚା, ବ୍ରୋକୋଲି ଓ କର୍ଣ୍ଣ ସମୋସା, ଆଇସ୍ ଟି, ଗ୍ରୀନ ଟି, ମଲ୍ଟି ଗ୍ରେନ୍ କୁକିଜ୍ ପରସାଯିବ।

ତେବେ ଭାରତରୁ ଆମେରିକାର ଏବେ ଗୋଟିଏ ଭିଡିଓ ଭାଇରାଲ । ଯେଉଁଥିରେ ଟ୍ରମ୍ପ ବାହୁବଳୀ ରୂପରେ ଦେଖିବାକୁ ମିଳିଛି । ଏହି ଆନିମେଟେଡ ମିମ ଭିଡିଓରେ ଭାରତ ଓ ଆମେରିକାର ବନ୍ଧୁତା ଦେଖାଯାଇଛି । ବାହୁବଳୀ ଫିଲ୍ମର ଏକ ଫୁଟେଜକୁ ଏଡିଟ କରାଯାଇଛି । ଏଥିରେ ଟ୍ରମ୍ପଙ୍କୁ ବାହୁବଳୀ ରୂପରେ ଦେଖାଯାଇଛି । ଟ୍ରମ୍ପଙ୍କ ପତ୍ନୀ ମିଲେନିଆଙ୍କୁ ମଧ୍ୟ ରଥରେ ବସିଥିବା ଦେଖାଯାଇଛି । ଟ୍ରମ୍ପ ନିଜର ଝିଅ ଇଭାଙ୍କା ଓ ତାଙ୍କ ସ୍ବାମୀ ଜେରେଡଙ୍କୁ କାନ୍ଧରେ ବସାଇଛନ୍ତି । ଭିଡିଓରେ ପ୍ରଧାନମନ୍ତ୍ରୀ ମୋଦୀଙ୍କୁ ବି ଦେଖାଯାଇଛି । ସବୁଠାରୁ ବଡ଼ କଥା ହେଲା ଯେ, ଟ୍ରମ୍ପ ଏହି ଟୁଇଟକୁ ରିଟୁଇଟ କରିଛନ୍ତି ।

ଆମେରିକା ରାଷ୍ଟ୍ରପତିଙ୍କ ଭବ୍ୟ ସ୍ୱାଗତ ପାଇଁ ସାରା ଅହମଦାବାଦ ସହରକୁ ସୁସଜିତ କରାଯାଇଛି । ୮ କିଲୋମିଟର ଲମ୍ବା ରାସ୍ତାର ଚାରିପଟେ ବିଭିନ୍ନ ରାଜ୍ୟର କାଳସଂସ୍କୃତି ପ୍ରଦର୍ଶନ କରାଯାଉଛି । ଆଦିବାସୀ ନୃତ୍ୟ,ଦାଣ୍ଡିଆ ,ଓଡିଶୀ ନୃତ୍ୟ ର ରିହରସଲ୍ ଜୋର୍ ସୋର୍ ରେ ଚାଲିଛି ।  ସେମିତି ମାଲଖମ୍ବ ନୃତ୍ୟର ବି ପ୍ରାକ୍ଟିସ ଚାଲିଛି। ସୁରକ୍ଷା ବ୍ୟବସ୍ଥାକୁ ତନ୍ନତନ୍ନ କରି ଯାଞ୍ଚ କରାଯାଉଛି । ଅହମଦାବାଦ ସହର ଉପରେ ବାରମ୍ବାର ଚକ୍କର କାଟୁଛି ହେଲିକପ୍ଟର । ଏହା ସହ ଟ୍ରମ୍ପଙ୍କ କାରକେଡ୍ ର ରିହରସଲ୍ କରାଯାଉଛି ।

   Related Posts