Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ଚାଷୀଙ୍କ ପାଇଁ ନୂଆ ଆଶା : ଆସୁଛି ଆଉ ଗୋଟେ ଲଘୁଚାପ, ୧୨ ତାରିଖ ଯାଏଁ ରାଜ୍ୟରେ ବର୍ଷା

2/08/2020 at 7:39 AM

ଭୁବନେଶ୍ୱର ୦୨।୦୮: ଆସନ୍ନ ଗଜା ମରୁଡ଼ି ସ୍ଥିତିକୁ ନେଇ ଚାଷୀ ଚିନ୍ତାରେ। ଏଭଳି ସମୟରେ ଆଶା ଦେଖାଇଛି ପାଣିପାଗ ପୂର୍ବାନୁମାନ । ଗୋଟିଏ ଲଘୁଚାପ ଆସୁଛି । ୩ରୁ ବର୍ଷା କରାଇବ ଓଡ଼ିଶାରେ । ୬ ତାରିଖ ଯାଏଁ ବର୍ଷା ଲାଗି ରହିବ । ତା’ ପରେ ପୁଣି ୧୦ ତାରିଖ ବେଳକୁ ଆଉ ଏକ ଲଘୁଚାପ ଆସିପାରେ। ଏହା ପ୍ରଭାବରେ ୧୨ ତାରିଖ ଯାଏଁ ରାଜ୍ୟରେ ଭଲ ବର୍ଷା ସମ୍ଭାବନା ଅଛି । ଉଜୁଡ଼ିବାକୁ ବସିଥିବା ଚାଷ ସଜାଡ଼ି ହେବା ନେଇ ଆଶା ଦେଖାଇଛି ଏହି ପାଣିପାଗ ପୂର୍ବାନୁମାନ।

ଜୁଲାଇରେ ବର୍ଷା ହଜିଯାଇଥିବା ବେଳେ ଉପକୂଳ ସମେତ ରାଜ୍ୟର ଅଧିକାଂଶ ଜିଲ୍ଲାରେ ବର୍ଷା ଅଭାବ ସ୍ଥିତି ଉପୁଜିଛି। ଫସଲ ମରିବାକୁ ବସିଲାଣି । ଗଜା ମରୁଡ଼ି ଆଶଙ୍କା ଜଳଜଳ ଦିଶୁଛି । ଜୁନ୍‌ ପହିଲାରୁ ଆଜି ସୁଦ୍ଧା ଓଡ଼ିଶାରେ ୧୭% ବର୍ଷା କମ୍‌ ରହିଛି । ଏହି ବର୍ଷା ଅଭାବ ସ୍ଥିତିକୁ ଅଗଷ୍ଟ ଭରଣା କରିବ ବୋଲି ପାଣିପାଗ ବିଶେଷଜ୍ଞ ଆକଳନ କରିଛନ୍ତି।

ଶିକ୍ଷା ଓ ଅନୁସନ୍ଧାନ (ସୋଆ) ଡିମ୍‌ଡ ଟୁ ବି ୟୁନିର୍ଭସିଟିର ଜଳବାୟୁ ଓ ପରିବେଶ କେନ୍ଦ୍ର ନିର୍ଦ୍ଦେଶକ ଡକ୍ଟର ଶରତ ଚନ୍ଦ୍ର
କହିବାନୁଯାୟୀ ଉତ୍ତର ପଶ୍ଚିମ ବଙ୍ଗୋପସାଗରରେ ଆସନ୍ତା ୩ କିମ୍ବା ୪ ତାରିଖ ସକାଳ ସୁଦ୍ଧା ଏକ ଲଘୁଚାପ ସୃଷ୍ଟି ହେବା ସମ୍ଭାବନା ଅଛି । ଏହା ଅବପାତ ରୂପ ନେଇପାରେ । ଏହା ପ୍ରଭାବରେ ୬ ତାରିଖ ପର୍ଯ୍ୟନ୍ତ ରାଜ୍ୟରେ ବର୍ଷା ହେବ । ଆସନ୍ତା ୪ ଓ ୫ରେ ଅଧିକ ବର୍ଷା ହେବ । କେନ୍ଦ୍ରାପଡ଼ା, ଜଗତସିଂହପୁର, ଖୋର୍ଦ୍ଧା, ପୁରୀ, କଟକ, ଗଞ୍ଜାମ, କନ୍ଧମାଳ, ସୋନପୁର, ସମ୍ବଲପୁର, ବରଗଡ଼ ଓ ନୂଆପଡ଼ାରେ ଅଧିକ ବର୍ଷା ହୋଇପାରେ । ଭୁବନେଶ୍ୱରରେ ୪ ତାରିଖ ରାତିରେ ବର୍ଷା ଲାଗି ରହିବ । ୬ ତାରିଖ ପରେ ବର୍ଷା କମିଯିବ । ହେଲେ ୧୦ରେ ଓଡ଼ିଶା ଉପକୂଳ ପାଖରେ ଆଉ ଏକ ଲଘୁଚାପ ସୃଷ୍ଟି ହେବା ନେଇ ସମ୍ଭାବନା ପରିଲକ୍ଷିତ ହେଉଛି । ଏହା ପ୍ରଭାବରେ ଆସନ୍ତା ୯ ତାରିଖ ରାତିରୁ ପୁଣି ବର୍ଷା ବଢ଼ିବ । ଏହି ଦୁଇଟି ଲଘୁଚାପ ଚାଷ କାମ ଆଗେଇବାରେ ସହାୟକ ହେବ ।

ପାଣିପାଗ ବିଭାଗ କହିଛି, ଉତ୍ତର ବଙ୍ଗୋପସାଗରରେ ଲଘୁଚାପ ଦାନା ବାନ୍ଧୁଛି । ୪ ତାରିଖ ସୁଦ୍ଧା ଏହା ଲଘୁଚାପ ରୂପ ନେବ । ଏହା ପ୍ରଭାବରେ ୬ ତାରିଖ ଯାଏଁ ଭଲ ବର୍ଷା ସମ୍ଭାବନା ଅଛି । ରାଜ୍ୟର ଅଧିକାଂଶ ସ୍ଥାନରେ ବର୍ଷା ହେବ । ଆସନ୍ତା ୫ ଓ ୬ ତାରିଖରେ ଉତ୍ତର ଉପକୂଳ ଏବଂ ୩-୪ ତାରିଖରେ ଦକ୍ଷିଣ ଉପକୂଳରେ ଅଧିକ ବର୍ଷା ସମ୍ଭାବନା ଅଛି । ଅପରପକ୍ଷରେ ବର୍ତ୍ତମାନ ରାଜ୍ୟରେ ବର୍ଷା ବଢ଼ିଛି । ଆଜି ଭଦ୍ରକ, ବାରିପଦା, ଫୁଲବାଣୀରେ ଭଲ ବର୍ଷା ହୋଇଛି । ୩ ତାରିଖ ଯାଏଁ ରାଜ୍ୟର ଅନେକ ସ୍ଥାନରେ ଘଡ଼ଘଡ଼ି ସହ ବର୍ଷା ହୋଇପାରେ । ଶନିବାର ଟିଟିଲାଗଡ଼, ତାଳଚେର, ବାରିପଦାରେ ପାରଦ ୩୭ ଡିଗ୍ରୀ ଟପିଥିଲା । ଏହାବାଦ୍‌ ଭୁବନେଶ୍ୱର ସମେତ କେତେକ ସ୍ଥାନରେ ତାପମାତ୍ରା ୩୫ ଡିଗ୍ରୀ ଉପରେ ଥିଲା ।

   Related Posts