Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ଆସିଲା ମୌସୁମୀ, ହେଲେ ବର୍ଷିଲାନାହିଁ : ବିଲ ଫାଟି ଆଁ , ଚିନ୍ତାରେ ଚାଷୀ

30/07/2020 at 7:18 AM

ଭୁବନେଶ୍ୱର ୩୦।୦୭ : ଆଉ ଦୁଇ ଦିନ ପରେ ସରିବ ଜୁଲାଇ । ଏଯାଏଁ ଆଶାନୁଯାୟୀ ବର୍ଷିଲା ନାହିଁ ମୌସୁମୀ । ଜୁନ୍‌ ପହିଲାରୁ ଆଜି ପର୍ଯ୍ୟନ୍ତ ରାଜ୍ୟର ୧୧ ଜିଲ୍ଲାରେ ମୌସୁମୀ ବର୍ଷାର ଅଭାବ ରହିଥିବାବେଳେ ସବୁଠୁ ସାଂଘାତିକ ସ୍ଥିତି ଉପୁଜିଲା ଏଇ ଜୁଲାଇ ମାସରେ । ପ୍ରତି ସପ୍ତାହରେ ବର୍ଷାର ଘୋର ଅଭାବ ରହିଛି । ଚତୁର୍ଥ ସପ୍ତାହରେ(୨୩-୨୯ ତାରିଖ) ୩୦% କମ୍‌ ବର୍ଷା ହୋଇଛି ଓଡ଼ିଶାରେ ।

ଗତ ୨୪ ଘଣ୍ଟାରେ ରାଜ୍ୟର କେତେକ ଜାଗାରେ ଭଲ ବର୍ଷା ହୋଇଛି । ତଥାପି ଉପକୂଳ ଓଡ଼ିଶା ଶୁଖିଲା ପଡ଼ିଛି । ବର୍ଷା ଅଭାବରୁ ଚାଷ କାମ ଆଗେଇ ପାରୁନି । ଧାନ ତଳି ପୋଡ଼ିଗଲାଣି । ବିଲ ଫାଟି ଆଁ କରିଛି । ଧାନ ବୁଣା ସରିଥିବା ଜାଗାରେ ବେଉଷଣ ହୋଇପାରୁନି । ଏପଟେ ଗରମ ବି ଅସହ୍ୟ ହେଲାଣି ।

ପାଣିପାଗ ବିଭାଗ କହିଛି, ଗତ ଜୁନ ପହିଲାରୁ ଆଜି ପର୍ଯ୍ୟନ୍ତ ରାଜ୍ୟରେ ସମୁଦାୟ ୫୩୮ ମିଲିମିଟର ବର୍ଷା ରେକର୍ଡ ହୋଇଛି । ଯାହାକି ସ୍ୱାଭାବିକଠାରୁ ୧୨% କମ୍‌ । ଭଦ୍ରକ, ବାଲେଶ୍ୱର, କେନ୍ଦ୍ରାପଡ଼ା, ଯାଜପୁର, କଟକ, ଖୋର୍ଦ୍ଧା, ଜଗତସିଂହପୁର, ପୁରୀ, ମୟୂରଭଞ୍ଜ, କେନ୍ଦୁଝର ଓ ସୋନପୁରରେ ସ୍ୱାଭାବିକଠାରୁ କମ୍‌ ବର୍ଷା ହୋଇଛି ।

ଜୁଲାଇ ୨୩ରୁ ୨୯ ତାରିଖ ଭିତରେ ରାଜ୍ୟରେ ମାତ୍ର ୫୫.୫ ମିମି ବର୍ଷା ହୋଇଛି । ଏହା ସ୍ୱାଭାବିକଠାରୁ ୩୦% କମ୍‌। ୨୦ଟି ଜିଲ୍ଲାରେ ବର୍ଷା ପରିମାଣ କମ୍‌ ରହିଛି । ଏଥିମଧ୍ୟରୁ ୬ଟି ଜିଲ୍ଲା ପୂରା ଶୁଖିଲା ପଡ଼ିଛି । ଏଠାରେ ବର୍ଷା ପରିମାଣ ସ୍ୱାଭାବିକଠାରୁ ୬୦%ରୁ ଅଧିକ କମିଯାଇଛି ।

ଏଇ ସପ୍ତାହକ ଭିତରେ ମାଲକାନଗିରିରେ ୭୫% କମ୍‌ ବର୍ଷା ହୋଇଥିବାବେଳେ ଜଗତସିଂହପୁରରେ ୬୯%, ବାଲେଶ୍ୱରରେ ୬୬%, କେନ୍ଦ୍ରାପଡ଼ାରେ ୬୩%, ଯାଜପୁରରେ ୬୨% ଓ ସୋନପୁରରେ ୬୨% କମ୍‌ ବର୍ଷା ହୋଇଛି । ପୁରୀ, ଖୋର୍ଦ୍ଧା, କଟକ, ଭଦ୍ରକ, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ସମ୍ବଲପୁର, ଅନୁଗୁଳ, ଢେଙ୍କାନାଳ, ବୌଦ୍ଧ, ବଲାଙ୍ଗିର, ବରଗଡ଼, କୋରାପୁଟରେ ସ୍ୱାଭାବିକଠାରୁ ୨୦%ରୁ ୫୯% ପର୍ଯ୍ୟନ୍ତ କମ୍‌ ବର୍ଷା ହୋଇଛି । ଏଥିରୁ ଅନୁମାନ କରାଯାଇପାରେ ବର୍ଷା ଅଭାବ ସ୍ଥିତି ରାଜ୍ୟର ଅଧିକାଂଶ ଜିଲ୍ଲାର ଚିନ୍ତା ବଢ଼ାଇ ଦେଲାଣି । ଗୋଟିଏ ପଟେ ଚାଷ କାମ ପଛେଇ ଥିବାବେଳେ ମରୁଡ଼ି ଆଶଙ୍କା ଘାରିଲାଣି । ଅନ୍ୟପକ୍ଷରେ ବର୍ଷା ଅଭାବରୁ ଗରମ ପ୍ରକୋପ ବଢ଼ିଛି । ଜୀବନ ଦୁର୍ବିସହ ହୋଇପଡ଼ିଲାଣି ।

ଏଭଳି ସ୍ଥିତିରେ ଆଶା ଦେଖାଇଛି ପାଣିପାଗ ପୂର୍ବାନୁମାନ । ଅନୁମାନ କରାଯାଉଛି, ଆସନ୍ତା ୩ ତାରିଖବେଳକୁ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହୋଇପାରେ । ଏହା ପ୍ରଭାବରେ ୩ରୁ ରାଜ୍ୟରେ ବର୍ଷା ପରିମାଣ ବୃଦ୍ଧି ପାଇବ। ବିଶେଷକରି ଉତ୍ତର ଓ ଉପକୂଳ ଓଡ଼ିଶାରେ ବର୍ଷାର ନିଅଣ୍ଟିଆ ସ୍ଥିତି ଦୂର ହୋଇପାରେ ।

ଆଜି ରାଜ୍ୟରେ ବିଶେଷ ବର୍ଷା ନାହିଁ । ଦକ୍ଷିଣ ଓଡ଼ିଶାର ଅଳ୍ପ କେତେକ ଜାଗାରେ ବର୍ଷା ହୋଇପାରେ । ଆସନ୍ତା ୩୧ରୁ ୨ ତାରିଖ ଭିତରେ ଆଭ୍ୟନ୍ତରୀଣ ଓଡ଼ିଶାର ଅନେକ ସ୍ଥାନରେ ଘଡ଼ଘଡ଼ି ସହ ବର୍ଷା ସମ୍ଭାବନା ଅଛି ।

   Related Posts