Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ବର୍ଷା ନଥିବାରୁ ଚାଷୀ କୂଳ ହତାଶ, ଏବେ ଆଶା ଦେଇଛି ଘୂର୍ଣ୍ଣିବଳୟ : ଅଗଷ୍ଟ ପ୍ରଥମ ସପ୍ତାହରେ ରାଜ୍ୟରେ ଭଲ ବର୍ଷା !

28/07/2020 at 7:52 AM

ଭୁବନେଶ୍ୱର ୨୮।୦୭: ଶ୍ରାବଣ ମାସରେ ତାତିର ଜୁଲମ । ରାଜଧାନୀ ସମେତ ୬ ସହରରେ ପାରଦ ୩୭ ଡିଗ୍ରୀ ସେଲସିୟସ୍‌ ଉପରେ । ଗୁଳୁଗୁଳି ବି ଭୀଷଣ । ବର୍ଷା ନଥିବାରୁ ଚାଷୀ କୂଳ ବି ହତାଶ । ରୁଆ, ବେଉଷଣ ଅଟକି ପଡ଼ିଛି । ଏଭଳି ସ୍ଥିତିରେ ଆଶା ଦେଖାଇଛି । ବଙ୍ଗୋପସାଗରରେ ସୃଷ୍ଟି ହୋଇଥିବା ଏକ ଘୂର୍ଣ୍ଣିବଳୟ। ଯାହାକି ଲଘୁଚାପ ରୂପ ନେବା ସମ୍ଭାବନା ରହିଛି । ଯଦି ପୂର୍ବାନୁମାନ ଠିକ୍‌ ହୁଏ, ତେବେ ଅଗଷ୍ଟ ପ୍ରଥମ ସପ୍ତାହରେ ରାଜ୍ୟରେ ଭଲ ବର୍ଷା ହୋଇପାରେ । ଉପକୂଳ ଓଡ଼ିଶାରେ ବି ବର୍ଷା ଅଭାବ ସଙ୍କଟ ଟଳିପାରେ । ଏହି ସମ୍ଭାବ୍ୟ ଲଘୁଚାପ ବର୍ଷାକୁ ଅପେକ୍ଷା କରିଛି ଉପକୂଳ ଓଡ଼ିଶାର ଚାଷୀ ।

ରାଜ୍ୟରେ ସୋମବାର ଦିନ ଭୀଷଣ ଗରମ ନାକେଦମ୍‌ କରିଥିଲା । ଉପକୂଳ ଓଡ଼ିଶାର ଚାନ୍ଦବାଲି, କଟକ ଓ ଭୁବନେଶ୍ୱରରେ ଦିନ ତାପମାତ୍ରା ୩୭.୨ ଡିଗ୍ରୀ ସେଲସିୟସ୍‌ ଛୁଇଁଥିଲା । ଯାହାକି ସ୍ୱାଭାବିକଠାରୁ ପ୍ରାୟ ୪ ଡିଗ୍ରୀ ଅଧିକ। ଶ୍ରାବଣରେ ସାଧାରଣତଃ ବର୍ଷା ଢାଳିବା କଥା । ମାତ୍ର ଏ ମାସରେ ଧୁ ଧୁ ଖରା ଜନଜୀବନକୁ ଦୁର୍ବିସହ କଲାଣି । କଟକରେ ଗତ ୧୦ ବର୍ଷ ଭିତରେ ଜୁଲାଇ ମାସରେ ସର୍ବୋଚ୍ଚ ତାପମାତ୍ରା କେବେ ବି ୩୭.୨ ଡିଗ୍ରୀରେ ପହଞ୍ଚି ନଥିଲା ।

ଅନ୍ୟ ସହର ଭିତରେ ଟିଟିଲାଗଡ଼, ମାଲକାନଗିରି ଓ ବୌଦ୍ଧ ସହରରେ ବି ପାରଦ ୩୭ ଡିଗ୍ରୀ ଛୁଇଁଥିଲା । ଏହାବାଦ୍‌ ଅନେକ ସହରରେ ତାପମାତ୍ରା ୩୫ ଓ ୩୬ ଡିଗ୍ରୀ ଉପରେ ଥିଲା । ସକାଳୁ ସକାଳୁ ଟାଣ ଖରା ନାକେଦମ୍‌ କରୁଥିବାବେଳେ ଦିନ ବଢ଼ିବା ସହ ଗୁଳୁଗୁଳି ପ୍ରକୋପ ବି ଭୀଷଣ ହେଉଛି । ଦିନ ଭିତରେ କାଁ ଭାଁ ବର୍ଷା ଛିଞ୍ଚିଥିଲା । ପାଣିପାଗ ବିଭାଗ କହିଛି, ମୌସୁମୀ ଟ୍ରଫ୍‌ ଏବେ ହିମାଳୟ ପାଦଦେଶ ଉପରେ ରହିଛି । ତେଣୁ ଓଡ଼ିଶାରେ ମୌସୁମୀ ପ୍ରବାହ ଦୁର୍ବଳ ରହିଛି । ଅନ୍ୟପକ୍ଷରେ ଦକ୍ଷିଣ ପୂର୍ବ ବଙ୍ଗୋପସାଗର ଓ ପାଶ୍ୱର୍ବର୍ତ୍ତୀ ଆଣ୍ଡାମାନ ସାଗର ଅଞ୍ଚଳ ଉପରେ ଏକ ଘୂର୍ଣ୍ଣିବଳୟ ରହିଛି । ଏହା ପ୍ରଭାବରେ ୩ ତାରିଖ ସୁଦ୍ଧା ଉତ୍ତର ପଶ୍ଚିମ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହେବା ସମ୍ଭାବନା ଅଛି । ଏହା ପ୍ରଭାବରେ ୧ରୁ ବର୍ଷା ବଢ଼ିପାରେ ।

ସେହିପରି ଆଜି ରାଜ୍ୟର ଅନେକ ସ୍ଥାନରେ ବର୍ଷା ସମ୍ଭାବନା ଅଛି । ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ ଓ ଅନୁଗୁଳ ଜିଲ୍ଲାରେ ସ୍ଥାନେ ସ୍ଥାନେ ପ୍ରବଳ ବର୍ଷା ହୋଇପାରେ । ୨୯ରୁ ବର୍ଷା କମିଯିବ । ୪/୫ ଦିନ ପରେ ପୁଣି ବର୍ଷା ବଢ଼ିପାରେ । ସମ୍ଭାବ୍ୟ ଲଘୁଚାପ ଶକ୍ତିଶାଳୀ ରହିଲେ ଉପକୂଳରେ ନିଅଣ୍ଟିଆ ବର୍ଷା ସ୍ଥିତି ଦୂର ହୋଇପାରେ ।

ଜୁନ୍‌ ପହିଲାରୁ ଆଜି ସୁଦ୍ଧା ଓଡ଼ିଶାରେ ସମୁଦାୟ ୪୫୮.୪ ମିଲିମିଟର ବର୍ଷା ହୋଇଛି । ଯାହାକି ସ୍ୱାଭାବିକଠାରୁ ୧୦% କମ୍‌ । ପୂର୍ବରୁ ୯ଟି ଜିଲ୍ଲାରେ ବର୍ଷା ଅଭାବ ଥିବାବେଳେ ଏହି ତାଲିକାରେ ଆଉ ଦୁଇଟି ଜିଲ୍ଲା (କେନ୍ଦୁଝର ଓ ମୟୂରଭଞ୍ଜ) ସାମିଲ ହୋଇଛି । ୧୧ ଜିଲ୍ଲାରେ ଏବେ ବର୍ଷା ଅଭାବ ରହିଛି ।

ପୁରୀ ଜିଲ୍ଲାରେ ୪୮% କମ୍‌ ବର୍ଷା ହୋଇଥିବାବେଳେ କେନ୍ଦ୍ରାପଡ଼ାରେ ୪୩%, ଖୋର୍ଦ୍ଧାରେ ୪୨%, ଯାଜପୁରରେ ୪୧%, କଟକରେ ୪୦% କମ୍‌ ବର୍ଷିଛି ମୌସୁମୀ । ସେହିପରି ବାଲେଶ୍ୱରରେ ୩୪%, ଭଦ୍ରକରେ ୨୭%, ଜଗତସିଂହପୁରରେ ୨୭%, କେନ୍ଦୁଝରରେ ୨୨%, ମୟୂରଭଞ୍ଜରେ ୨୧% ଓ ସୋନପୁରରେ ୨୯% କମ୍‌ ରହିଛି ବର୍ଷା।

   Related Posts