Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ : ଆଜି ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

23/10/2020 at 7:56 AM

ଭୁବନେଶ୍ୱର,୨୩/୧୦: ଯେତିକି ଆଶା କରାଯାଉଥିଲା, ସେଭଳି ଲଗାଣ ବର୍ଷା ହେଲାନି । ଲଘୁଚାପ ଯଦିଓ ଅବପାତ ରୂପ ନେବା ପରେ ଭୀଷଣ ଅବପାତରେ ପରିଣତ ହେବାକୁ ବସିଛି, ତଥାପି ଓଡ଼ିଶାରେ ବର୍ଷା ପରିମାଣ ଅପେକ୍ଷାକୃତ କମ୍‌ ରହିଛି । ପାଣିପାଗ ପୂର୍ବାନୁମାନ କହୁଛି, ଏହି ଭୀଷଣ ଅବପାତ ଆଜି ଅପରାହ୍ନରେ ପଶ୍ଚିମବଙ୍ଗ ଓ ବାଂଲାଦେଶ ମଧ୍ୟରେ ଉପକୂଳ ଛୁଇଁବ । ଓଡ଼ିଶାରେ ଆଜିଠାରୁ ବର୍ଷା ପରିମାଣ କମିବ । ତଥାପି ଉତ୍ତର ଓଡ଼ିଶାର କେତେକ ଜିଲ୍ଲାରେ ପ୍ରବଳ ବର୍ଷା ହୋଇପାରେ।

ଲଗାଣ ବର୍ଷା ସମ୍ଭାବନାକୁ ନେଇ ସ୍ୱତନ୍ତ୍ର ରିଲିଫ୍‌ କମିଶନର ପ୍ରଦୀପ କୁମାର ଜେନା କହିଛନ୍ତି, ଅବପାତ ପ୍ରଭାବରେ ଉପକୂଳ ଓଡ଼ିଶାରେ ବର୍ଷା ଲାଗି ରହିଛି। ଏହା ଘନ ଅବପାତ ରୂପ ନେବାକୁ ଯାଉଛି। ଏହା ପ୍ରଭାବରେ ଉପକୂଳ ଓଡ଼ିଶାର କେତେକ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ଅଛି । କିଛି ଜାଗାରେ ପାଣି ଜମିପାରେ । କିନ୍ତୁ, ବନ୍ୟା ସ୍ଥିତି ଉପୁଜିବା ଭଳି ଲାଗୁନାହିଁ । ତଥାପି ସମସ୍ତ ଜିଲ୍ଲା ପ୍ରଶାସନ ସ୍ଥିତି ମୁକାବିଲା ପାଇଁ ପ୍ରସ୍ତୁତ ରହିଛନ୍ତି । ଜଳସମ୍ପଦ ବିଭାଗ ମଧ୍ୟ ସଜାଗ ଅଛି।

ପାଣିପାଗ ବିଭାଗ କହିଛି, ଗୁରୁବାର ଦିନ ଅବପାତ (ଡିପ୍ରେସନ୍‌)ଉତ୍ତର ପଶ୍ଚିମ ଓ ପାଶ୍ୱର୍ବର୍ତ୍ତୀ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ଥିଲା । ପାରାଦୀପର ଦକ୍ଷିଣ-ଦକ୍ଷିଣ ପୂର୍ବରେ ୧୮୦ କିମି ଦୂରରେ ରହିଥିଲା । ଶୁକ୍ରବାର ସକାଳ ସୁଦ୍ଧା ଏହା ଘନ ଅବପାତ (ଡିପ୍‌ ଡିପ୍ରେସନ୍‌) ରୂପ ନେବ । ଉତ୍ତର-ଉତ୍ତର ପୂର୍ବ ଦିଗରେ ଗତି କରି ଶୁକ୍ରବାର ଅପରାହ୍ନ ସୁଦ୍ଧା ପଶ୍ଚିମବଙ୍ଗର ସାଗର ଦ୍ୱୀପ ଓ ବାଂଲାଦେଶର ଖେପୁପରା ମଧ୍ୟରେ ସ୍ଥଳଭାଗରେ ପଶିବ।

ଗୁରୁବାର ସନ୍ଧ୍ୟାବେଳେ ଏହା ପୁରୀ-ପାରାଦୀପଠାରୁ ବେଶ୍‌ ଦୂରରେ ଗତି କରୁଥିଲା। ଶୁକ୍ରବାର ସକାଳ ସାଢ଼େ ୫ଟାବେଳେ ବାଲେଶ୍ୱରଠାରୁ ପ୍ରାୟ ୧୨୦ କିମି ଦୂରରେ ଥିବ। ପଶ୍ଚିମବଙ୍ଗ-ବାଂଲାଦେଶ ଆଡ଼କୁ ଯିବାବେଳେ ଏହା ବାଲେଶ୍ୱର ସୀମାନ୍ତ ମୟୂରଭଞ୍ଜର ନିକଟତର ହୋଇ ଯିବା ସମ୍ଭାବନା ଅଛି । ଏହା ଦକ୍ଷିଣ-ପୂର୍ବକୁ ଢଳି ରହୁଥିବାରୁ ଓଡ଼ିଶାରେ ବେଶି ବର୍ଷା ହୋଇନପାରେ।

ଅନୁମାନ କରାଯାଉଛି, ଗୁରୁବାର ରାତି ଭିତରେ ଉପକୂଳ ଓଡ଼ିଶାର ଅଧିକାଂଶ ସ୍ଥାନରେ ବର୍ଷା ହେବ । ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱରରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ । ଶୁକ୍ରବାର ଉତ୍ତର ଉପକୂଳ ଓଡ଼ିଶାରେ ବର୍ଷା ସମ୍ଭାବନା ଅଛି । ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଯାଜପୁରରେ ପ୍ରବଳ ବର୍ଷା ହୋଇପାରେ । ଉପକୂଳ ଓଡ଼ିଶାର ବାକି ଅଞ୍ଚଳରେ ବର୍ଷା କମିପାରେ ।

ଶନିବାରଠାରୁ ବର୍ଷା ପରିମାଣ ଆହୁରି କମିବ । ତଥାପି ପ୍ରତିଦିନ ଗୋଟିଏ ଦୁଇଟି ଜାଗାରେ ବର୍ଷା ହୋଇପାରେ ।
ଶୁକ୍ରବାର ସମୁଦ୍ର ଅଶାନ୍ତ ରହିବ । ଓଡ଼ିଶା ଉପକୂଳରେ ୪୫-୬୫ କିମି ବେଗରେ ପବନ ବହିପାରେ । ୨୪ ତାରିଖ ସକାଳ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବା ପାଇଁ ମନା କରାଯାଇଛି ।

   Related Posts