Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଲକ୍‌ଡାଉନ୍‌ରେ ଘରୋଇ ହିଂସାକୁ ଦୃଷ୍ଟିରେ ରଖି WhatsApp ନମ୍ବର ଜାରି

16/04/2020 at 8:01 AM

ଭୁବନେଶ୍ୱର୧୬।୦୪: ଲକ୍‌ଡାଉନ୍‌ ବେଳେ ମହିଳାଙ୍କ ଉପରେ ହେଉଥିବା ଘରୋଇ ହିଂସା ରୋକିବା ପାଇଁ ଆଗେଇ ଆସିଛି ରାଜ୍ୟ ମହିଳା ଓ ଶିଶୁ ବିକାଶ ବିଭାଗ । ଏଥିପାଇଁ ଜାରି କରିଛି ଏକ ହ୍ୱାଟସ୍‌ଆପ୍‌ ନମ୍ବର । ହିଂସା ଓ ଅତ୍ୟାଚାରର ଶିକାର ମହିଳା ଘରେ ଥାଇ ଉକ୍ତ ନମ୍ବର ଯୋଗେ ଅଭିଯୋଗ କରିପାରିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।
ଏନେଇ ବିଭାଗ ପକ୍ଷରୁ ଆଜି ଏକ ଟ୍ୱିଟ୍‌ କରାଯାଇଛି ।

ଏଥିରେ ଉଲ୍ଲେଖ ରହିଛି, ବିଭାଗ ପକ୍ଷରୁ ଏକ ହ୍ୱାଟସ୍‌ଅପ୍‌ ନମ୍ବର(୭୨୦୫୦୦୬୦୩୯) ଜାରି କରାଯାଇଛି । କେବଳ ଘରୋଇ ହିଂସା କ୍ଷେତ୍ରରେ ଉକ୍ତ ନମ୍ବରରେ ଅଭିଯୋଗ କରିହେବ । ଏହାଛଡ଼ା ବିଭାଗ ପକ୍ଷରୁ ଏକ ହେଲ୍ପ ଲାଇନ୍‌ ନମ୍ବର- ୧୮୧ ମଧ୍ୟ ଅଛି । ଏହାଦ୍ୱାରା କୌଣସି ଘରୋଇ ହିଂସାକୁ ବିଭାଗୀୟ କର୍ତ୍ତୃପକ୍ଷଙ୍କ ନଜରକୁ ଆଣିହେବ । ବିଭାଗ ପକ୍ଷରୁ କୁହାଯାଇଛି, ଲକ୍‌ଡାଉନ୍‌ରେ ଜରୁରି ସେବାକୁ ଛାଡି଼ଲେ ପ୍ରାୟ ସମସ୍ତେ ଘରେ ରହୁଛନ୍ତି । ଫଳରେ ଘରୋଇ ହିଂସା ବଢ଼ିବାର ଆଶଙ୍କା ଦେଖା ଦେଇଛି ।

ସେପଟେ ଲକ୍‌ଡାଉନ୍‌ ଯୋଗୁଁ ମହିଳାମାନେ ଘରୁ ପଦାକୁ ଗୋଡ଼ କାଢ଼ି ପାରୁନାହାନ୍ତି । ଘରେ କୌଣସି ହିଂସା ଘଟିଲେ ସେମାନେ ନିକଟସ୍ଥ ଥାନାକୁ ଅଭିଯୋଗ ପାଇଁ ଯାଇପାରୁ ନାହାନ୍ତି । ଏପରିସ୍ଥଳେ ଉପରୋକ୍ତ ନମ୍ବର ଯୋଗେ ମହିଳାମାନେ ସିଧା ଅଭିଯୋଗ କରିପାରିବେ । ଉକ୍ତ ନମ୍ବରରେ ମଧ୍ୟ ହିଂସା ସମ୍ପର୍କିତ କୌଣସି ଭିଡିଓ କିମ୍ବା ଫଟୋ ପଠାଇ ପାରିବେ । ଯାହାକି ଆଗାମୀ କାର୍ଯ୍ୟାନୁଷ୍ଠାନ ପ୍ରକ୍ରିୟାରେ ସହଯୋଗ କରିବ ।

   Related Posts