Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଫ୍ଟ ମାଗି ଯାଉଥିଲେ ଘରକୁ, ଦୁର୍ଘଟଣାରେ ମା’ପୁଅ ସମେତ ୪ ଜଣଙ୍କ ମୃତ୍ୟୁ
  • ||
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||
  • ସ୍କୁଲ ଫି’ ଛାଡ଼ ମାମଲା: ସପ୍ତାହେ ଭିତରେ ରିପୋର୍ଟ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||
  • ଦୁର୍ବଳ ହେଉଛି ଭାରତୀୟ ଆଖି
  • ||
  • ପୁରୀ : ସ୍ବର୍ଗଦ୍ବାରରୁ ହଟିଲା କଟକଣା, ଏଣିକି ଅନ୍ୟ ଜିଲ୍ଲାର ଶବ ହେବ ସତ୍କାର
  • ||
  • ଲଦାଖ: ଡେମଚୋକ୍‌ରେ ଭାରତୀୟ ସେନା ହାତରେ ଧରାପଡିଲେ ଚୀନ ସୈନିକ, ମିଳିଛି ଗୁରୁତ୍ଵପୂର୍ଣ୍ଣ ଦସ୍ତାବିଜ
  • ||
  • ଘରୋଇ କର୍ମଚାରୀଙ୍କ ପାଇଁ ବଡ ଖବର : ଦୀପାବଳି ପୂର୍ବରୁ ନୂଆ ପ୍ୟାକେଜ୍ ଘୋଷଣା କରିପାରନ୍ତି ସରକାର
  • ||
  • ଲୋକ ଭବନ ସମ୍ମୁଖରେ ଦୁଇ ଶିଶୁ ସହ ପତି-ପତ୍ନୀଙ୍କ ଆତ୍ମଦାହ ଉଦ୍ୟମ, ଉଦ୍ଧାର କଲା ପୋଲିସ
  • ||
  • ପୁଅ ଆସି ପଡୋଶୀଙ୍କୁ କହିଲା-ବାପା ଉଠୁନାହାନ୍ତି, ଦେଖିଲା ବେଳକୁ ଘରେ ପଡିଥିଲା ଦୁଇଟି ମୃତଦେହ
  • ||
  • ଗେହଲଟ୍ ସରକାରଙ୍କ ନିଷ୍ପତ୍ତି: ୧୩ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ୨୫-୨୫ ଏକର ଜମି ଆବଣ୍ଟନ କରିବାକୁ ଘୋଷଣା
  • ||

ପଶ୍ଚିମବଙ୍ଗ ଏନଆରସି ପ୍ରସଙ୍ଗ: କେନ୍ଦ୍ର ଗୃହମନ୍ତ୍ରୀଙ୍କୁ ଭେଟି ପତ୍ର ଦେଲେ ମମତା ବାନାର୍ଜୀ, କିଛି କହିଲେନି ଶାହ

19/09/2019 at 6:07 PM

ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର କେନ୍ଦ୍ରଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି। ଏହି ସାକ୍ଷାତ ଅବସରରେ ମମତା ପଶ୍ଚିମବଙ୍ଗ ଏନଆରସି ପ୍ରସଙ୍ଗରେ ଶାହଙ୍କୁ ଏକ ପତ୍ର ମଧ୍ୟ ପ୍ରଦାନ କରିଛନ୍ତି। ଶାହ ମମତାଙ୍କଠାରୁ ପତ୍ର ଗ୍ରହଣ କରିଛନ୍ତି। ହେଲେ ପ୍ରସଙ୍ଗରେ କୌଣସି ମନ୍ତବ୍ୟ ଦେଇନଥିବା ସାକ୍ଷାତକାର ପରେ ମମତା ଗଣମାଧ୍ୟମକୁ କହିଛନ୍ତି।

ପତ୍ରରେ ନିଜକୁ ପ୍ରମାଣିତ କରିବା ଲାଗି ଏନଆରସିରୁ ବାଦ ପଡିଥିବା ଲୋକଙ୍କୁ ଆଉଥରେ ସୁଯୋଗ ଦେବାକୁ ମମତା ଗୃହମନ୍ତ୍ରୀଙ୍କୁ ନିବେଦନ କରିଥିବା କହିଛନ୍ତି।  ତେବେ ପଶ୍ଚିମବଙ୍ଗରେ ଏନଆରସିର କୌଣସି ଆବଶ୍ୟକତା ନଥିବା ମୁଁ ପ୍ରଥମରୁ କହିଆସିଛି ବୋଲି ମମତା ଗଣମାଧ୍ୟମକୁ କହିଛନ୍ତି।

କେନ୍ଦ୍ରଗୃହମନ୍ତ୍ରୀଙ୍କୁ ଭେଟିବା ପୂର୍ବରୁ ମମତା ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଥିଲେ। ଦ୍ୱିତୀୟବାର ପ୍ରଧାନମନ୍ତ୍ରୀ ହେବାପରେ ମୋଦିଙ୍କ ସହ ମମତାଙ୍କର ଏହା ପ୍ରଥମ ସାକ୍ଷାତ ଆଲୋଚନା ଥିଲା। ଏହି ଅବସରେ ମମତା ପ୍ରଧାନମନ୍ତ୍ରୀଙ୍କୁ ସନ୍ଦେଶ ଖୁଆଇ ଜନ୍ମଦିନର ଅଭିନନ୍ଦନ ଜ୍ଞାପନ କରିବା ସହ ଏକ କୁର୍ତ୍ତା ଉପହାର ଦେଇଥିଲେ। ଏହି ଅବସରରେ ମମତା ପ୍ରଧାନମନ୍ତ୍ରୀଙ୍କୁ ଦେବଚା ପଚାମୀ କୋଇଲା ପ୍ରକଳ୍ପର ଉଦଘାଟନ ଉତ୍ସବରେ ଯୋଗଦେବାକୁ ଆମନ୍ତ୍ରିତ ମଧ୍ୟ କରିଛନ୍ତି। ପ୍ରାଧାନମନ୍ତ୍ରୀଙ୍କ ସହ ଏହି ସାକ୍ଷାତକାରକୁ ମମତା ଗତକାଲି ଅଣ ରାଜନୈତିକ ବୋଲି ଗଣମାଧ୍ୟମକୁ କହିଥିଲେ।

   Related Posts