Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୀନରେ ଦ୍ରୁତ ବେଗରେ ବ୍ୟାପିଲା କରୋନାର ଡେଲ୍‌ଟା ଭାରିଏଣ୍ଟ, ବେଜିଂ ସହ ୧୫ ସହରରେ ଆତଙ୍କ, ଉଡାଣ ବାତିଲ୍
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||

ବାୟୁ ବୀର ରାଫେଲ୍‌କୁ ୱାଟର ସାଲ୍ୟୁଟ୍: ରାଫେଲ୍-୧, ରାଫେଲ୍-୨ ରାଫେଲ୍-୩, ରାଫେଲ୍- ୪ ରାଫେଲ୍-୫

29/07/2020 at 8:37 PM

ନୂଆଦିଲ୍ଲ୨୯/୭: ସବୁ ପ୍ରତୀକ୍ଷାର ଅନ୍ତ ଘଟିଛି। ଶେଷରେ ଭାରତ ମାଟିରେ ଲ୍ୟାଣ୍ଡ କରିଛି ରାଫେଲ ଯୁଦ୍ଧ ବିମାନ। ଅପରାହ୍ଣ ଏହା ହରିୟାଣାର ଅମ୍ବାଲା ଏୟାରବେସରେ ଲ୍ୟାଣ୍ଡିଂ କରିଥିଲା।  ବିଶ୍ବର ଅନ୍ୟତମ ଶକ୍ତିଶାଳୀ ଓ ଅତ୍ୟାଧୁନିକ ଯୁଦ୍ଧ ବିମାନ ହେଉଛି ରାଫେଲ।  ଫ୍ରାନ୍ସରୁ ଆସୁଥିବା ୫ଟି ଯାକ ରାଫେଲ ଯୁଦ୍ଧ ବିମାନ ଭାରତୀୟ ବାୟୁ ସୀମାରେ ପ୍ରବେଶ କରିବା ପରେ ଏହାକୁ ଦୁଇଟି ସୁଖୋଇ-୩୦ ଗାଇଡ କରି ଅମ୍ବାଲା ଯାଏ ବାଟ କଢାଇ ଆଣିଥିଲେ। ଭାରତୀୟ ବାୟୁ ସୀମାରେ ପ୍ରବେଶ କରିବା ପରେ ଏହାକୁ ବାୟୁସେନାର ରେଡିଓ ସିଗ୍ନାଲ ତରଫରୁ ସ୍ବାଗତ କରାଯାଇଥିଲା । ଆଉ ଅମ୍ବାଲାରେ ପହଁଞ୍ଚିବା ପରେ ଦିଆଯାଇଥିଲା ୱାଟର ସାଲ୍ୟୁଟ୍‌ ।

ବାୟୁ ବୀର ରାଫେଲ୍‌କୁ ୱାଟର ସାଲ୍ୟୁଟ୍ । ଅପରାହ୍ନ ପାଖପାଖି ୩ଟା ୧୪ ରେ ଅମ୍ବାଲ୍‌ ଏୟାର ବେସ୍‌ରେ ଲ୍ୟାଣ୍ଡ କରିଥିଲା ପ୍ରଥମ ରାଫେଲ୍‌ ଯୁଦ୍ଧ ବିମାନ । ରାଫେଲ୍‌ ୱାନ ରାଫେଲ ଟୁ ରାଫେଲ୍‌ ଥ୍ରି ରାଫେଲ ୪ ରାଫେଲ ୫। ଅମ୍ବାଲା ଏୟାର ଷ୍ଟ୍ରିପ୍‌ରେ ଦିଆଯାଇଥିଲା ୱାଟର ସାଲ୍ୟୁଟ । ୩ଟା ୨୫ ରେ ପ୍ରତି ରକ୍ଷାମନ୍ତ୍ରୀ ରାଜନାଥ ସିଂ ରାଫେଲ୍‌ ଅମ୍ବାଲ୍‌ ଏୟାର ବେସ୍‌ରେ ଲ୍ୟାଣ୍ଡ କରିବାର ଭିଡିଓ ଟ୍ବିଟ କରିଥିଲେ । ବହୁ ପ୍ରତୀକ୍ଷାର ଅନ୍ତ ପରେ ଭାରତରେ ଏହି ଯୁଦ୍ଧ ବିମାନ ପହଞ୍ଚିଛି । ଫ୍ରାନ୍ସରୁ ଦୀର୍ଘ ୭୦୦୦ କିଲୋମିଟର ପଥ ଅତିକ୍ରମ କରି ଏହି ୫ ବିମାନ ଭାରତରେ ପହଞ୍ଚିଛି ।

ସୋମବାର ଦିନ ଫ୍ରାନ୍‌ସ ଛାଡ଼ିବା  ପରେ ରାଫେଲ୍‌ ୟୁଏଇରେ ପ୍ରବେଶ କରିଥିଲା। ସେଠାରେ ୩୦ ହଜାର ଫୁଟ ଉଚ୍ଚରେ ଏହାର ଆକାଶ ମାର୍ଗରେ ହୋଇଥିଲା ରିଫୁଏଲିଂ। ଯାହାକି ରାଫେଲର ଦକ୍ଷତା। ଏହାର ଫଟୋ ସେୟାର କରିଥିଲା ଭାରତୀୟ ଏୟାର ଫୋର୍ସ। ୭ ଘଣ୍ଟା ଯାତ୍ରା କରିବା ପରେ ସଂଯୁକ୍ତ ଆରବର ଅଲ୍  ଧଫାରା ବାୟୁସେନା ଘାଟିରେ ଏସବୁ ବିମାନ ଅଟକିଥିଲା ଏବଂ ଆଜି ସକାଳେ ପୁଣି ଯାତ୍ରା କରିଥିଲା ।  ଏହେଉଛି ଭାରତୀୟ ବାୟୁସୀମା ପ୍ରବେଶ କରିବା ବେଳର ଦୃଶ୍ୟ । ୫ ରାଫେଲ୍‌ ବିମାନକୁ ୨ ଟି ସୁଖୋଇ ଯୁଦ୍ଧ ବିମାନ ବାଟ କଢାଇ ଆଣୁଛନ୍ତି । ଭାରତୀୟ ବାୟୁସୀମାରେ ରାଫେଲ ପ୍ରବେଶ କରିବା ପରେ ବାୟୁସେନାର କଣ୍ଟ୍ରୋଲ ରୁମ୍ ରୁ ରାଫେଲ ଯୁଦ୍ଧ ବିମାନକୁ ସ୍ବାଗତ କରି ହାପି ଲ୍ୟାଣ୍ଡିଙ୍ଗ୍ ମେସେଜ୍ ଦିଆଯାଇଥିଲା।

ରାଫେଲ୍‌ ଯୁଦ୍ଧ ବିମାନ ଆମ୍ବାଲାରେ ପହଞ୍ଚିବା ବେଳେ ସେଠାରେ ବାୟୁସେନା ମୁଖ୍ୟ ଆରକେଏସ୍‌ ଭଦୌରିଆ ଉପସ୍ଥିତ ଥିଲେ।  ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଟ୍ବିଟ୍ କରି ଶୁଭେଚ୍ଛା ଜଣାଇଛନ୍ତି।  ରାଫେଲ ଭାରତକୁ ସଠିକ୍ ସମୟରେ ହସ୍ତାନ୍ତର ପାଇଁ ପ୍ରତିରକ୍ଷା ମନ୍ତ୍ରୀ ଫ୍ରାନ୍ସ ସରକାର ଓ ଡାସଲ୍ଟ ଆଭିଏସନ୍ କୁ ଧନ୍ୟବାଦ ଜଣାଇଛନ୍ତି। ପ୍ରଥମ ଦଫାରେ ଆସିଥିବା ୫ଟି ରାଫେଲ୍‌ ଯୁଦ୍ଧ ବିମାନ ମଧ୍ୟରେ ୨ଟି ଟୁ ସିଟର ଏବଂ ବାକି ୩ ଟି ଥ୍ରି ସିଟର ରହିଛି ଚୁକ୍ତି ଅନୁଯାୟୀ ଫ୍ରାନ୍ସରୁ ମିଳିବାକୁ ଥିବା ୩୬ଟି ରାଫେଲ୍‌ ଯୁଦ୍ଧ ବିମାନ ମଧ୍ୟରୁ ପ୍ରଥମ ପର୍ଯ୍ୟାୟରେ ଏହି ୫ଟି ପହଞ୍ଚିଛି । ବାକି ରାଫେଲ୍ ବିମାନ ଗୁଡିକ ୨୦୨୧ ଶେଷ ସୁଦ୍ଧା ପହଞ୍ଚିବ ।

   Related Posts