ଭୁବନେଶ୍ବର ୫|୧: ନନ୍ଦନକାନନ କର୍ତ୍ତୃପକ୍ଷଙ୍କ ସହ ପର୍ଯ୍ୟଟକଙ୍କ ପାଇଁ ଖୁସି ଖବର । ଶାଗୁଣା ପ୍ରଜନନ କେନ୍ଦ୍ରରେ ପ୍ରଥମ ଥର ପାଇଁ ଏକ ଶାଗୁଣା ଅଣ୍ଡା ଦାନ କରିଛି । ଏହି ସଫଳତା ପରେ ଆଗାମୀ ଦିନରେ ସାଧାରଣ ପରିବେଶରେ ଶାଗୁଣା ଦେଖାଦେବା ନେଇ ଆଶା ପ୍ରକଟ କରିଛନ୍ତି ପରିବେଶବିତ୍ । ...
{"id":70692}
୧୯୯୯ ମହାବାତ୍ୟ ପରଠୁ ଓଡ଼ିଶାରେ ଶାଗୁଣା ବଂଶ ଲୋପ ପାଇଯାଇଥିଲା । ଯାହାକୁ ନେଇ ଚିନ୍ତା ପ୍ରକଟ କରିଥିଲେ ପରିବେଶବିତ୍ ଓ ନନ୍ଦନକାନନ କର୍ତ୍ତୃପକ୍ଷ । ଏହା ପରେ କେନ୍ଦ୍ରୀୟ ଚିଡିଆଖାନା ସହାୟତରେ ୭୦ ଲକ୍ଷ ଟଙ୍କା ବ୍ୟୟରେ ରାଜ୍ୟ ଉଦ୍ଭିଦ ବିଜ୍ଞାନରେ ଶାଗୁଣା ପ୍ରଜନନ କେନ୍ଦ୍ର ନିର୍ମାଣ କରାଯାଇଥିଲା । ୨୦୧୮ ନଭେମ୍ବର ୨୭ରେ ଲିଙ୍ଗବିଲଡ ପ୍ରଜାତିର ୬ ହଳ ଶାଗୁଣା ପ୍ରଜନନ କେନ୍ଦ୍ରରେ ଛଡାଯାଇଥିଲା । ଶାଗୁଣାଙ୍କୁ ଛାଡିବା ପରଠୁ ସେମାନଙ୍କ ମଧ୍ୟରେ ମିଳନ ଚାଲିଥିଲା । ପ୍ରଥମ ଥର ପାଇଁ ଗୋଟିଏ ଶାଗୁଣା ପ୍ରଜନନ କେନ୍ଦ୍ରରେ ଅଣ୍ଡା ଦାନ କରିଛି । ଏଥି ସହ ଅନ୍ୟମାନେ ଅଣ୍ଡାଦେବା ନେଇ ଆଶା ଉଦଜ୍ଜଳ ହୋଇଛି ।
{"id":70693}
ଶାଗୁଣା ମିଳନ ସମୟରେ କୌଁସି ଖାଦ୍ୟ ଗ୍ରହଣ କରନ୍ତି ନାହିଁ । ୧୫ ଦିନ ପର୍ଯ୍ୟନ୍ତ ଖାଦ୍ୟ ନଖାଇ ଶାଗୁଣା ବଞ୍ଚି ପାରନ୍ତି ବୋଲି ପରିବେଶବିତମାନେ କହିଛନ୍ତି । ଆଗକୁ ଶାଗୁଣାମାନେ ଆହୁରୀ ଅଣ୍ଡା ଦେବାର ଆଭାସ ମିଳିଛି । ତେବେ ଅଣ୍ଡାଗୁଡିକୁ ପରୀକ୍ଷାଗାରରେ ବୈଜ୍ଞାନିକ ପଦ୍ଧତିରେ ଛୁଆ ବାହାର କରିବାକୁ ଯୋଜନା ରହିଛି । ଶାଗୁଣା ଅଣ୍ଡାଦାନକୁ ନେଇ ପର୍ଯ୍ୟଟକଙ୍କ ମଧ୍ୟରେ ବି ଖୁସି ଦେଖା ଯାଇଛି ।
{"id":70695}
ନନ୍ଦନକାନନରେ ୧୩ଟି ଲିଙ୍ଗବିଲଡ, ୩ଟି ସ୍ନେରିୟସ, ୨ଟି ଗ୍ରିଫନ ଏବଂ ଗୋଟିଏ ହ୍ବାଇଟ୍ ବକଡ ପ୍ରଜାତିର ଶାଗୁଣା ଅଛନ୍ତି ।
