ଆଜିଠୁ ଆରମ୍ଭ ହେଲା ଭୋଟର ତାଲିକା ସଂଶୋଧନ ପ୍ରକ୍ରିୟା
Published By : Prameya-News7 Bureau | September 01, 2018 IST
ଭୁବନେଶ୍ବର ୧|୯: ୨୦୧୯ ସାଧାରଣ ନିର୍ବାଚନ ନେଇ ଆଜିଠୁ ଭୋଟର ତାଲିକାର ସଂଶୋଧନ ପ୍ରକ୍ରିୟା ଆରମ୍ଭ ହୋଇଛି । ଆସନ୍ତା ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ଚାଲିବ ଏହି ସଂଶୋଧନ ପ୍ରକ୍ରିୟା । ଏଥିପାଇଁ ରାଜ୍ୟରେ ୩୭ହଜାର ୬୦୬ବୁଥ୍ ଚିହ୍ନଟ କରାଯାଇଛି । ଗ୍ରାମାଞ୍ଚଳରେ ଗୋଟିଏ ବୁଥରେ ରହିବେ ୧୨ଶହ ଭୋଟର । ସେହିପରି ସହରାଞ୍ଚଳରେ ଗୋଟିଏ ବୁଥରେ ରହିବେ ୧୪୦୦ ଭୋଟର । ୨୦୧୯ ମସିହା ଜାନୁଆରୀ ୪ ତାରିଖରେ ପ୍ରକାଶ ପାଇବ ଚୂଡାନ୍ତ ଭୋଟର ତାଲିକା । ଭୋଟର ତାଲିକାରେ ତ୍ରୁଟି ଥିଲେ ବୁଥ୍ ସ୍ତରୀୟ ଅଫିସରଙ୍କୁ ଜଣାଇପାରିବେ ବୋଲି କୁହାଯାଉଛି । ଆଜି ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ।