Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ନଭେମ୍ବର ୩ରେ ଭୋଟ୍, ରବିବାର ସନ୍ଧ୍ୟାରେ ସରିବ ପ୍ରଚାର: ଭୋଟରଙ୍କ ମନ ଜତିବାକୁ ପ୍ରାଣମୂର୍ଚ୍ଛା ଉଦ୍ୟମ ଚଳାଇଛନ୍ତି ରାଜନୈତିକ ଦଳ

31/10/2020 at 6:14 PM

ବାଲେଶ୍ୱର ୩୧/୧୦ :  ପ୍ରଚାର ପାଇଁ ହାତରେ ଆଉ ମାତ୍ର ଗୋଟିଏ ଦିନ । ଭୋଟରଙ୍କ ମନ ଜିତିବାକୁ ପ୍ରାଣମୂର୍ଚ୍ଛା ଉଦ୍ୟମ ଚଳାଇଛନ୍ତି ସବୁ ରାଜନୈତିକ ଦଳ । ବାଲେଶ୍ବରରେ ବିଜେପି ନିଜ ଆସନ ବଜାୟ ରଖିବାକୁ ପୂରା ଦମ୍‌ ଲଗାଇଥିବା ବେଳେ ତିର୍ତ୍ତୋଲରେ ବିଜେଡି ଗଡ଼ରକ୍ଷା ପାଇଁ ଚଳାଇଛି ଉଦ୍ୟମ । ଏହାରି ଭିତରେ ଦୁଇଟି ଯାକ ନିର୍ବାଚନମଣ୍ଡଳୀରେ ଆଜି ଧୁଳିଉଡ଼ା ପ୍ରଚାର କରିଛନ୍ତି ବିଭିନ୍ନ ଦଳର ଷ୍ଟାର କ୍ୟାମ୍ପେନର ।

ନଭେମ୍ବର ୩ରେ ଭୋଟ୍‌ । ଏହାର ୨୪ଘଣ୍ଟା ପୂର୍ବରୁ ଅର୍ଥାତ୍‌ ୧ ତାରିଖ ରବିବାର ସଂଧ୍ୟାରେ ସରିବ ପ୍ରଚାର । ହାତରେ ଆଉ ମାତ୍ର ଗୋଟିଏ ଦିନ । ଭୋଟରଙ୍କ ମନ ଜତିବାକୁ ପ୍ରାଣମୂର୍ଚ୍ଛା ଉଦ୍ୟମ ଚଳାଇଛନ୍ତି ସବୁ ରାଜନୈତିକ ଦଳ । ବାଲେଶ୍ବର ବାଜି ଜିତିବାକୁ ବିଜେଡି-ବିଜେପି ଓ କଂଗ୍ରେସ ଢ଼େର୍‌ କସରତ୍‌ ଚଳାଇଥିବା ବେଳେ ରେସ୍‌ରେ ପଛରେ ପଡ଼ିବାକୁ ଚାହିଁନାହାନ୍ତି ସ୍ବାଧୀନ ପ୍ରାର୍ଥୀ ବେଣୁଧର ବାରିକ । ୨୦୧୯ରେ ବିଜେପି ଖାତାକୁ ଯାଇଥିବା ବାଲେଶ୍ବର ସଦର ଆସନକୁ ଉପନିର୍ବାଚନରେ ପୁଣି ହାତକୁ ଆଣିବାକୁ ପୂରା ଦମ୍‌ ଲଗାଇଛି ବିଜେପି । ଦଳୀୟ ପ୍ରାର୍ଥୀ ପୂର୍ବତନ ବିଧାୟକ ମଦନ ମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ଜିତାଇବାକୁ ପ୍ରଚାର ମଇଦାନକୁ ଓହ୍ଲାଇଛନ୍ତି ଦଳର ହେଭିଓ୍ବେଟ୍‌ ।

ଆଜି ବିଜେପି ପାଇଁ ପ୍ରଚାର କରିଛନ୍ତି ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂଦେଓ, କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀ. ବିରୋଧୀ ଦଳ ଉପନେତା ବିଷ୍ଣୁ ସେଠୀ ପ୍ରମୁଖ । ରୋଡ୍‌ ଶୋ’ ସହ ଛୋଟ ଛୋଟ ସଭା କରି ଭୋଟରଙ୍କ ସମର୍ଥନ ଲୋଡ଼ିଛନ୍ତି ।ସେପଟେ ବାଲେଶ୍ବର ବାଜି ଜିତିବାକୁ ମହିଳା ଭୋଟରଙ୍କ ଉପରେ ଫୋକସ କରିଛି ବିଜେଡି । ନିର୍ବାଚନ ମଣ୍ଡଳୀର ବିଭିନ୍ନସ୍ଥାନରେ ଦଳର ମହିଳା କର୍ମୀ ବାଇକ୍‌ ର୍ୟାଲି କରିବା ସହ ପଥପ୍ରାନ୍ତ ସଭା ମାଧ୍ୟମରେ ବିଜେଡି ପ୍ରାର୍ଥୀ ସ୍ବରୂପ ଦାସଙ୍କ ପାଇଁ ଭୋର୍‌ ଅପିଲ୍‌ କରିଛନ୍ତି । ଆଜି ବି ପ୍ରଚାରରେ ପ୍ରତାପ ଜେନା, ସମୀର ଦାଶଙ୍କ ସମେତ ଅଧ ଡଜନେରୁ ଅଧିକ ମନ୍ତ୍ରୀ ଓ ୨୦ରୁ ଅଧିକ ବିଧାୟକ ସାମିଲ୍‌ ହୋଇଥିଲେ । ସେହିଭଳି କଂଗ୍ରେସ ପ୍ରାର୍ଥୀ ମମତା କୁଣ୍ଡୁଙ୍କ ପାଇଁ ପ୍ରଚାର କରିଥିଲେ ବରିଷ୍ଠ କଂଗ୍ରେସ ନେତା ତାରା ବାହିନୀପତି, ସୁଦର୍ଶନ ଦାସ, ସତ୍ୟଶିବ ଦାସ, ଅଶୋକ ଦାସ ପ୍ରମୁଖ ।

ସେପଟେ ତିର୍ତ୍ତୋଲରେ ମଧ୍ୟ ଦେଖିବାକୁ ମିଳିଛି ପ୍ରଚାର ତାତି । ଗଡ଼ ରକ୍ଷା ପାଇଁ ବିଜେଡି ପୂରା ଦମ୍‌ ଲଗାଇଛନ୍ତି ଦଳୀୟ ନେତା । ଗଲା ୨୦ବର୍ଷ ଧରି ବିଜେଡି କବ୍‌ଜାରେ ରହିଆସିଥିବା ତିର୍ତ୍ତୋଲରେ ବିଜୟ ଧାରା ବଜାୟ ରଖିବାକୁ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛି ଦଳ । ଆଜି ରଘୁନାଥପୁର ବ୍ଲକରେ ବିଜେଡି ତା’ର ଶକ୍ତି ପ୍ରଦର୍ଶନ କରିଥିବା ବେଳେ ଦଳୀୟ ପ୍ରାର୍ଥୀ ବିଜୟ ଶଙ୍କର ଦାସଙ୍କ ପାଇଁ ପ୍ରଚାର କରିଛନ୍ତି ବିଜେଡି ସାଧାରଣ ସମ୍ପାଦକ ସଞ୍ଜୟ ଦାସବର୍ମା, ସାଂସଦ ରାଜଶ୍ରୀ ମଲ୍ଲିକ ପ୍ରମୁଖ । ସେପଟେ ବିଜେପି ପାଇଁ ତିର୍ତ୍ତୋଲରେ ପୁଣି ଥରେ ପ୍ରଚାର ମଇଦାନକୁ ଓହ୍ଲାଇଥିଲେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ । ସେ ମଧ୍ୟ ରଘୁନାଥପୁର ବ୍ଲକରେ ଘରକୁ ଘର ବୁଲି ବିଜେପି ପ୍ରାର୍ଥୀ ରାଜକିଶୋର ବେହେରାଙ୍କ ପାଇଁ ଭୋଟରଙ୍କ ସମର୍ଥନ ଲୋଡ଼ିଛନ୍ତି । ସେପଟେ ବିରିଡ଼ି ବ୍ଲକରେ ବିଜେପି ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ବିରୋଧୀ ଦଳ ନେତା ପ୍ରଦୀପ ନାୟକ । ସେହିଭଳି ତିର୍ତ୍ତୋଲ ପାଇଁ କଂଗ୍ରେସ ପ୍ରାର୍ଥୀ ଇଂଜିନିୟର ହିମାଂଶୁ ମଲ୍ଲିକ ମଧ୍ୟ ଦଳୀୟ ନେତା କର୍ମୀଙ୍କ ସହ ଗାଁକୁ ଗାଁ ବୁଲି ଜୋର୍‌ଦାର୍‌ ପ୍ରଚାର ଚଳାଇଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ମଳ ଭାବମୂର୍ତ୍ତି, ସ୍ବଚ୍ଛ ଶାସନ ସହିତ ବିଜେଡି ସରକାରଙ୍କ ବିଭିନ୍ନ ଜନହିତକାରୀ ଯୋଜନାକୁ ମାଧ୍ୟମ କରି ବିଜେଡି ଭୋଟ୍‌ ଅପିଲ୍‌ କରୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ଏବଂ ବିକାଶକୁ ନିର୍ବାଚନୀ ମନ୍ତ୍ର କରିଛି ବିଜେପି । ସେପଟେ କଂଗ୍ରେସ ତା’ର ପ୍ରାର୍ଥୀଙ୍କ ଉପରେ ଭରସା କରିଥିବା ବେଳେ କଂଗ୍ରେସ ଅମଳରେ ହୋଇଥିବା ଉନ୍ନୟନମୂଳକ କାର୍ଯ୍ୟର ଦ୍ବାହି ଦେଇ ଭୋଟ୍‌ ଭିକ୍ଷା କରୁଛି । କିନ୍ତୁ ସବୁ କିଛି ନିର୍ଭର କରୁଛି ଭୋଟରଙ୍କ ମୁଡ୍‌ ଉପରେ । ଉପନିର୍ବାଚନ ହେଉଥିବା ୨ଟି ଯାକ ଆସନରେ  ଭୋଟର କେଉଁ ପ୍ରାର୍ଥୀଙ୍କୁ ନିଜର ପ୍ରତିନିଧି ଭାବେ ବାଛିବାକୁ ଚାହୁଁଛନ୍ତି ତାହା ନଭେମ୍ବର ୧୦ରେ ସ୍ପଷ୍ଟ ହୋଇଯିବ ।

   Related Posts