ଭୁବନେଶ୍ବର ୨୩|୫: ୨୦୧୯ ସାଧାରଣ ନିର୍ବାଚନର ଫଳାଫଳ ପାଇଁ ଆଉ ମାତ୍ର କିଛି ଘଣ୍ଟାର ଅପେକ୍ଷା । ସକାଳ ୮ଟାରୁ ଆରମ୍ଭ ହେବ କାଉଣ୍ଟିଂ । ରାଜ୍ୟର ମୋଟ୍ ୬୩ଟି ଗଣତି କେନ୍ଦ୍ରରେ ଭୋଟ ଗଣତି ହେବ। ଏଥିପାଇଁ ନିର୍ବାଚନ କମିସନଙ୍କ ଗାଇଡଲାଇନ୍ ଅନୁଯାୟୀ, ଓଡ଼ିଶା ପୁଲିସ ଇଭିଏମ୍ ଷ୍ଟ୍ରଙ୍ଗ ରୁମ୍ ଏବ˚ ଭୋଟ ଗଣତି କେନ୍ଦ୍ରର ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଯୋଗାଇ ଦେଇଛି। ଗଣତି କେନ୍ଦ୍ର ଭିତରକୁ ମୁଖ୍ୟ ନିର୍ବାଚନ ଅଫିସର/ଜିଲ୍ଲା ନିର୍ବାଚନ ଅଫିସରଙ୍କ ପରିଚୟ ପତ୍ରଧାରୀ ବ୍ୟକ୍ତିଙ୍କୁ କେବଳ ଛଡ଼ାଯିବ। ଯାହାର ପରିଚୟପତ୍ର ନଥିବା କୌଣସି ପରିସ୍ଥିତିରେ ପୁଲିସ ଭିତରକୁ ଛାଡ଼ିବ ନାହିଁ।

{"id":114936}

ଗଣତି କେନ୍ଦ୍ର ଭିତରକୁ କୌଣସି ପ୍ରକାର ଗୁପ୍ତ କ୍ୟାମେରା କିମ୍ବା ମୋବାଇଲ୍ ଫୋନ ନିଆଯାଇପାରିବ ନାହିଁ। ମୋବାଇଲ୍ ଫୋନ୍ ନେବାକୁ ମୁଖ୍ୟ ନିର୍ବାଚନ ଅଫିସର/ଜିଲ୍ଲା ନିର୍ବାଚନ ଅଫିସରଙ୍କ ଅନୁମତି ପତ୍ର ନିହାତି ଆବଶ୍ୟକ। ଗଣତି କେନ୍ଦ୍ରର ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା ଜିଲ୍ଲା ଏସପି/ଡିସିପିଙ୍କ ନିୟନ୍ତ୍ରଣ ରହିବ। ଇଭିଏମ୍ ଷ୍ଟ୍ରଙ୍ଗ ରୁମ୍ ଭିତରକୁ ପ୍ରବେଶ କରୁଥିବା ପ୍ରତ୍ୟେକ ବ୍ୟକ୍ତିିଙ୍କ ଭିଡିଓ ରେକର୍ଡ କରାଯିବାକୁ ପୁଲିସ ଡିଜି ଡାକ୍ତର ଆର.ପି.ଶର୍ମା ଜିଲ୍ଲା ପୁଲିସକୁ ନିର୍ଦ୍ଦେଶ ଦେଇଛନ୍ତି।