ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଇଣ୍ଡୋନେସିଆରେ ସୁନାମି ପ୍ରଳୟ ; ମୃତ୍ୟୁ ସଂଖ୍ୟା ୧୬୮କୁ ବୃଦ୍ଧି

23/12/2018 at 2:19 PM

ଜାକର୍ତ୍ତା ୨୩|୧୨: ଇଣ୍ଡୋନେସିଆରେ ସୁନାମି ପ୍ରଳୟ । ଏପର୍ଯ୍ୟନ୍ତ ମୃତ୍ୟୁ ସଂଖ୍ୟା ୧୬୮ ଛୁଇଁଛି । ସୁନାମି ମାଡରେ ଶହ ଶହ ଅଧିକ ଲୋକ ଆହତ ହୋଇଛନ୍ତି । ମୃତ୍ୟୁ ସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ସୁନାମି ପ୍ରଭାବିତ ଅଞ୍ଚଳରେ ଏବେ ଉଦ୍ଧାର କାର୍ଯ୍ୟ ଜାରି ରହିଛି । ଉଚ୍ଚ ଏବଂ ଶକ୍ତିଶାଳୀ ଢେଉ ମାଡରେ ଶହ ଶହ କୋଠା କ୍ଷତିଗ୍ରସ୍ତ ହୋଇଛି ।

ସୁନାମି ପ୍ରଳୟର ଭିଜୁଆଲ୍ ସୋସିଆଲ ମିଡିଆରେ ଆସିବା ପରେ ଦେଖିବାକୁ ମିଳିଛି ତାର କରାଳ ରୂପ  । ସମୁଦ୍ର ବେଳାଭୂମିରେ ଚାଲିଥିବା ପାର୍ଟି ଉପରେ ଅଚାନକ ସମୁଦ୍ର ଢେଉ ମାଡିଯିବା ସମୟର ଭିଜୁଆଲ୍ ସାମ୍ନାକୁ ଆସିଛି । କାରିଟା ବେଳାଭୂମିରେ ଲୋକ ଉତ୍ସବ ମନାଉଛନ୍ତି, ପାର୍ଟିରେ ମାତିଛନ୍ତି, ବେପରୁୱା ନାଚଗୀତ ଚାଲିଛି । ସମସ୍ତେ ମସଗୁଲ, ଆଉ ଏତିକି ବେଳେ କେହି କିଛି ବୁଝିବା ଆଗରୁ ବିରାଟ ଢେଉ ଆସି ସବୁ କିଛି ଭସାଇ ନେଉଛି । ଅନ୍ଧାରରେ ସମସ୍ତେ ପ୍ରାଣ ବିକଳରେ ଦଉଡିବାରେ ଲାଗିଥିଲେ ।

କାଲି ବିଳମ୍ବିତ ରାତିରେ ଜାଭା ଏବଂ ସୁମାତ୍ରା ମଝିରେ ସୁଣ୍ଡ୍ରା ଦ୍ବୀପରେ ସମୁଦ୍ର ଭିତରେ ଥିବା  କ୍ରାକୋଟୋଆ ଆଗ୍ନେୟଗିରି ଉଦଗୀରଣ ହେବା ଫଳରେ ଏହି ସୁନାମି ଆସିଛି । ପୂର୍ଣ୍ଣିମା ଯୋଗୁଁ ସମୁଦ୍ରରେ ଉଚ୍ଚ ଜୁଆର ଆସିଥିବା ବେଳେ ସୁନାମି ଆହୁରି ଭୟଙ୍କର ରୂପ ନେଇଥିଲା । ରାତି ୯ଟା ବେଳକୁ ଅଗ୍ନି ଉଦଗୀରଣ ହୋଇଥିଲା, ତାର ମାତ୍ର ଅଧଘଣ୍ଟା ଭିତରେ ସୁନାମିର ବଡ ବଡ ଢେଉ ସମୁଦ୍ର କୂଳକୁ ମାଡି ଆସିଥିଲା । ସୁନାମି ୱାର୍ଣିଂ ଦିଆଯାଇନଥିବା ବେଳେ ହଠାତ ପାଣି ମାଡି ଆସିଥିଲା । ଫଳରେ ବେଳାଭୂମିରେ ସୁନାମି ଜନିତ କ୍ଷୟକ୍ଷତି ବଢି ଯାଇଛି । ସମୁଦ୍ର ଢେଉ ବେଳାଭୂମିରେ ଥିବା ହୋଟେଲ୍ ରେ ପଶି ଯାଇଥିଲା । ଗାଡିମୋଟର ସହ ବେଳାଭୂମିରେ ଥିବା ଲୋକଙ୍କୁ ମଧ୍ୟ ଭସାଇ ନେଇଥିଲା ।

   Related Posts