Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ସାମ୍ବିଧାନିକ ସଂଶୋଧନକୁ ଜନତାଙ୍କ ଅପାର ସମର୍ଥନ, ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ହେବେ ପୁଟିନ୍

2/07/2020 at 5:50 PM

ନୂଆଦିଲ୍ଲୀ ୦୨।୦୭: ରୁଷରେ ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ରହିବେ ଭ୍ଲାଦିମିର ପୁଟିନ। ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ରହିବା ନେଇ ଏକ ସାମ୍ବିଧାନିକ ସଂଶୋଧନ ବିଧେୟକ ପାରିତ ହୋଇଛି। ବିଧେୟକ ନେଇ ହୋଇଥିବା ଭୋଟ୍‌ରେ ପୁଟିନଙ୍କୁ ଜନତାଙ୍କ ପ୍ରବଳ ଜନାଦେଶ ମିଳିଛି। ରୁଷ ଇତିହାସର ଏହି ଖାସ୍‌ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫୋନ୍ କରି ପୁଟିନଙ୍କୁ ଅଭିନନ୍ଦନ ଜଣାଇଛନ୍ତି। ବିଜୟ ପରେ ପୁଟିନଙ୍କୁ ଫୋନ କରିବାରେ ମୋଦୀ ପ୍ରଥମ ବିଶ୍ଵ ନେତା।

ପୁଟିନ୍ ୨୦୩୬ ପର୍ଯ୍ୟନ୍ତ ଦେଶର ରାଷ୍ଟ୍ରପତି ରହିବା ନେଇ ଏକ ସାମ୍ବିଧାନିକ ସଂଶୋଧନ ଆବଶ୍ୟକତା ଥିଲା। ଏ ନେଇ ଗୃହରେ ବିଧେୟକ ଉପସ୍ଥାପିତ ହୋଇଥିଲା। ଏହାକୁ ନେଇ ମଧ୍ୟ ଅନେକ ବିବାଦ ହୋଇଥିଲା। ଏହି ଗୁରୁତ୍ଵପୂର୍ଣ୍ଣ ସାମ୍ବିଧାନିକ ସଂଶୋଧନ ପାଇଁ ଜନତାଙ୍କ ମତାମତ ଲୋଡା ଯାଇଥିଲା। ଏଥିରେ ୭୭.୯୨ ପ୍ରତିଶତ ସାମ୍ବିଧାନିକ ସଂଶୋଧନ ଉପରେ ମୋହର ମାରିଛନ୍ତି। ମାତ୍ର ୨୧.୨୬ ପ୍ରତିଶତ ବିଧେୟକ ବିରୋଧରେ ମତ ଦେଇଥିଲେ।

ଉଲ୍ଲେଖଯୋଗ୍ୟ, ଭ୍ଲାଦିମିର ପୁଟିନ ୨୦୩୬ ପର୍ଯ୍ୟନ୍ତ ପଦରେ ରହିବା ନିମନ୍ତେ ପ୍ରାବଧାନର ସମ୍ବିଧାନ ସଂଶୋଧନ କାନୁନ ଉପରେ ଜନତାଙ୍କ ରାୟ ମଗାଯାଇଥିଲା। ଏହି ଭୋଟିଂରେ ଜନତା ସଂଶୋଧନକୁ ମଞ୍ଜୁରୀ ଦେଇଛନ୍ତି। ୨୦୨୪ରେ ପୁଟିନଙ୍କ ଚତୁର୍ଥ ତଥା ଶେଷ କାର୍ଯ୍ୟକାଳ ଶେଷ ହେବାକୁ ଯାଉଥିଲା। ହେଲେ ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ହେବା ନେଇ ପୁଟିନ୍‌ଙ୍କ ପଥ ପରିଷ୍କାର ହୋଇଛି।

ଭୋଟିଂରେ ରୁଷିଆବାସୀ ସଂଶୋଧନରେ ଏକ ପ୍ୟାକେଜ୍‌କୁ ସମର୍ଥନ କରିବା ପାଇଁ ଚୟନ କରିଛନ୍ତି। ଏଥିରେ ପେନସନ ଓ ସର୍ବନିମ୍ନ ପାରିଶ୍ରାମିକ ବୃଦ୍ଧି ମଧ୍ୟ ରହିଛି। ଏଥିରେ ସରକାରରେ ସାମାନ୍ୟ ପୁନର୍ଗଠନ, ଈଶ୍ଵର ଉପରେ ବିଶ୍ଵାସ ଏକ ସାମ୍ବିଧାନିକ ଉଲ୍ଲେଖ, ସମଲିଙ୍ଗୀ ବିବାହ ଉପରେ ପ୍ରତିବନ୍ଧ ଆଦି ସାମିଲ। ଏହା  ବ୍ୟତୀତ ରୁଷି ଭାଷା ଓ ଇତିହାସ ଓ ଦ୍ଵୈତ ନାଗରିକତା ରଖୁଥିବା ଶୀର୍ଷ ଅଧିକାରୀଙ୍କ ପରେ ପ୍ରତିବନ୍ଧ ଲଗାଇବାକୁ ମଧ୍ୟ ଜନତା ମତ ଦେଇଛନ୍ତି।

   Related Posts