Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭିଭୋକୁ ଝଟକା: ଆଇପିଏଲ-୧୩ର ହେବ ନାହିଁ ଟାଇଟଲ୍ ସ୍ପନସର, ଭାରତ-ଚୀନ ବିବାଦରୁ ହଟିଲା ପ୍ରାୟୋଜକଙ୍କ ଲୋଗୋ

4/08/2020 at 6:05 PM

ନୂଆଦିଲ୍ଲୀ, ୦୪|୦୮: ଚୀନ୍ ମୋବାଇଲ କମ୍ପାନୀ ଭିଭୋ ଚଳିତ ବର୍ଷ ଆଇପିଏଲର ଟାଇଟଲ୍ ସ୍ପନସରସିପରୁ ବ୍ରେକ୍ ନେବ । ତେବେ ଭିଭୋର କଣ୍ଟ୍ରାକ୍ଟରେ ୩ ବର୍ଷର ସମୟ ବାକି ଅଛି । ତେଣୁ ଏହି କମ୍ପାନୀ ୨୦୨୧,୨୦୨୨ ଓ ୨୦୨୩ ଆଇପିଏଲରେ ଜଡିତ ରହିବ । ଆଇପିଏଲର ଚଳିତ ସିଜିନରେ ଏକ ନୂଆ ଷ୍ଟାଣ୍ଡଏଲୋନ୍ ସ୍ପନସର୍ ରହିବ । ଅତିଶୀଘ୍ର ନୂଆ ସ୍ପନସର୍ ବାବଦରେ ନିଷ୍ପତ୍ତି ନିଆଯିବ ।

ଭାରତ ଓ ଚୀନ ମଧ୍ୟରେ ଦେଖାଦେଇଥିବା ସୀମା ବିବାଦର ପ୍ରଭାବ ଆଇପିଏଲରେ ମଧ୍ୟ ପଡିଛି । ଭାରତରେ ଚୀନ୍ ସାମଗ୍ରୀକୁ କଡା ବିରୋଧ କରାଯାଉଛି । ଭିଭୋ ମଧ୍ୟ ଏକ ଚୀନ କମ୍ପାନୀ ।

ଗଲଓ୍ୱାନ ଘାଟିରେ ଭାରତ ଓ ଚୀନ ସୈନ୍ୟଙ୍କ ମଧ୍ୟରେ ସଙ୍ଘର୍ଷ ପରେ ଭାରତୀୟଙ୍କ ଭାବନାକୁ ନଜରରେ ରଖି ବିସିସିଆଇକୁ ଏହି ନିଷ୍ପତ୍ତି ନେବାକୁ ପଡିଛି । ଭିଭୋ ୨୦୧୮ରେ ୨୧୯୯ ଟଙ୍କା ଖର୍ଚ୍ଚ କରି ୫ ବର୍ଷ ପାଇଁ ଆଇପିଏଲର କଣ୍ଟ୍ରାକ୍ଟ ହାସଲ କରିଥିଲା । ୨୦୨୩ ଯାଏଁ ଭିଭୋ ଆଇପିଏଲ ସହ ରହିବ ।

ସୂଚନାଯୋଗ୍ୟ, ବିସିସିଆଇ ଆଇପିଏଲ ପାଇଁ ଚୀନ ପ୍ରାୟୋଜକଙ୍କ ସହ ଜଡିତ ରହିବା ନେଇ ଘୋଷଣା କରିବା ପରେ ବିରୋଧ ହୋଇଥିଲା । ସ୍ୱଦେଶୀ ଜାଗରଣ ମଞ୍ଚ ଲୋକଙ୍କୁ ଆଇପିଏଲକୁ ବହିଷ୍କାର କରିବାକୁ ପରାମର୍ଶ ଦେଇଥିଲା ।

   Related Posts