Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ବିଶାଖାପଟ୍ଟନମ୍ ଗ୍ୟାସ୍ ଲିକ ମାମଲାରେ ଦକ୍ଷିଣ କୋରିଆକୁ ଫେରାଇ ଦିଆଗଲା ୧୩ ହଜାର ଟନ୍ ସ୍ଟିରିନ୍

12/05/2020 at 12:10 PM

ବିଶାଖାପଟ୍ଟନମ ୧୨/୦୫ : ବିଶାଖାପଟ୍ଟନମରେ ଗ୍ୟାସ ଲିକ ଘଟଣା ପରେ ଆନ୍ଧ୍ରପ୍ରଦେଶ ସରକାର ୧୩, ହଜାର ଟନ ତରଳ ସ୍ଟିରିନ ରସାୟନ ଦକ୍ଷିଣ କୋରିଆକୁ ଫେରସ୍ତ କରିଦେଇଛି | ଏଲଜି ପଲିମର୍ସ କାରଖାନାରୁ ଗ୍ୟାସ ଲିକ ହେବା ପରେ ପାଖାପାଖି ୧୩ ହଜାର ଟନ ତରଳ ସ୍ଟିରିନ ରସାୟନ କମ୍ପାନୀ ପୁଣି ଦକ୍ଷିଣ କୋରିଆ ସିୟୋଲ ସ୍ଥିତ ମୁଖ୍ୟ କାର୍ଯ୍ୟାଳୟକୁ ପଠାଇ ଦେଇଛି | ଗ୍ୟାସ ଲିକ ମାମଲାରେ ୧୨ ଜଣଙ୍କ ମୃତ୍ୟୁ ହୋଇଥିଲା | ଆର.ଆର ଭେଙ୍କଟପୂରମ ସ୍ଥିତ ଏଲଜି ପଲିମର୍ସ କାରଖାନାରେ ଏକା ଟ୍ୟାଙ୍କରେ ସ୍ଟିରିନ ରଖାଯାଇଥିଲା | ବିଶାଖାପଟନମ ବନ୍ଦରଗାହରେ ମଧ୍ୟ ୨ଟି ଟ୍ୟାଙ୍କରେ ଏହି ରସାୟନ ରଖାଯାଇଥିଲା | ଏହାକୁ ସିଙ୍ଗାପୁରରୁ ଆମଦାନୀ କରାଯାଇଥିଲା | ଆନ୍ଧ୍ରପ୍ରଦେଶ ସରକାରଙ୍କ କେନ୍ଦ୍ରୀୟ ପୋତ ପରିବହନ ମନ୍ତ୍ରାଳୟ ସହ ଆଲୋଚନା କରି ଏହି ରସାୟନକୁ ପୁଣିଥରେ ପଠାଇ ଦେବା ପାଇଁ ବିଶେଷ ଟ୍ୟାଙ୍କର ଜାହାଜ ବ୍ୟବସ୍ଥା କରାଯାଇଛି |

ବିଶାଖାପଟ୍ଟନମ ଜିଲ୍ଲା ଅଧିକାରୀ ବି.ବିନୟ ଚାନ୍ଦ କହିଛନ୍ତି ଯେ, ୮ ହଜାର ଟନ ସ୍ଟିରିନ କଣ୍ଟେନର ସୋମବାର ଦିନ ପଠାଇବେ | ବାକି ୫ ଟନ ସ୍ଟିରିନ ଆଉ କିଛି ଦିନ ମଧ୍ୟରେ ପଠାଇବା ବ୍ୟବସ୍ଥା କରିବେ | ପଲିଏସ୍ଟର ତିଆରି କରିବା ପାଇଁ ଏହି ରସାୟନ ବ୍ୟବହାର କରାଯାଏ | ମେ ୭ ତାରିଖ ସକାଳୁ ସକାଳୁ ପ୍ଲାଣ୍ଟରୁ ଗ୍ୟାସ ଲିକ ହୋଇଥିଲା | ମାମଲାରେ ୧୨ ଜଣଙ୍କ ମୃତ୍ୟୁ ହୋଇଥିବାବେଳେ ୪୦୦ ରୁ ଅଧିକ ହସ୍ପିଟାଲରେ ଭର୍ତ୍ତି ହୋଇଥିଲେ | ଶନିବାର ଦିନ ଭେଙ୍କଟପୂରମ ଓ ଆଖପାଖ ଅଞ୍ଚଳରେ ଲୋକମାନେ ପ୍ଲାଣ୍ଟ ନିକଟରେ ମୃତଦେହ ରଖି ଧାରଣା ଦେଇଥିଲେ ଏବଂ ପ୍ଲାଣ୍ଟକୁ ସମ୍ପୂର୍ଣ ଭାବେ ବନ୍ଦ କରିବାକୁ ଦାବି କରିଥିଲେ | ଲୋକଙ୍କ ଦାବି ପରେ ପ୍ଲାଣ୍ଟକୁ ବନ୍ଦ ରଖାଯାଇଛି |

ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ମନ୍ତ୍ରୀ ଓ ଅଧିକାରୀଙ୍କ ସହ ଭିଡିଓ କନ୍ଫରେନସିଂ ଜରିଆରେ ଆଲୋଚନା କରି ଘଟଣାର ସମୀକ୍ଷା କରିଛନ୍ତି | ଏହାସହ ପ୍ରଭାବିତ ଅଞ୍ଚଳରେ ଲୋକଙ୍କ ସମସ୍ୟା ବୁଝିବାକୁ ମନ୍ତ୍ରୀମାନଙ୍କୁ ନିର୍ଦେଶ ଦେଇଥିଲେ | ଏହାସହ ପ୍ରଭାବିତ ଅଞ୍ଚଳରେ ମନ୍ତ୍ରୀମାନଙ୍କୁ ରାତିଯାପନ କରିବାକୁ ନିର୍ଦେଶ ଦେଇଛନ୍ତି ଯେପରିକି ଲୋକଙ୍କ ବିଶ୍ଵାସ ପୁଣି ଫେରିପାଇବେ ଏବଂ ତାଙ୍କୁ ଆଶ୍ୱାସନା ଦେବେ | ଅପରପକ୍ଷରେ ମନ୍ତ୍ରୀ ବୋତ୍ସା ସତ୍ୟ ନାରାୟଣ ଓ କେ.କନ୍ନା ବାବୁ ମୃତକଙ୍କ ପରିବାରକୁ ଏକା କୋଟି ଟଙ୍କା ଆର୍ଥିକ ସାହାଯ୍ୟ ଘୋଷଣା କରିଛନ୍ତି | 

   Related Posts