Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ଜାତୀୟ କ୍ରୀଡା ପୁରସ୍କାର: ଚୟନ କମିଟିରେ ସେହ୍ଵାଗ ଓ ସର୍ଦ୍ଦାର ସାମିଲ

31/07/2020 at 9:14 PM

ନୂଆଦିଲ୍ଲୀ ୩୧।୦୭: କ୍ରୀଡା ମନ୍ତ୍ରଣାଳୟ ଜାତୀୟ କ୍ରୀଡା ପୁରସ୍କାର-୨୦୨୦ ପାଇଁ ଶୁକ୍ରବାର ଚୟନ ସମିତିର ଘୋଷଣା କରିଛି। କମିଟିରେ ପୂର୍ବତନ ଭାରତୀୟ ଓପନିଂ ବ୍ୟାଟସମ୍ୟାନ ବୀରେନ୍ଦ୍ର ସେହ୍ଵାଗ ଓ ପୂର୍ବତନ ହକି ଅଧିନାୟକ ସର୍ଦ୍ଦାର ସିଂହଙ୍କୁ ସାମିଲ କରାଯାଇଛି। ମନ୍ତ୍ରଣାଳୟ ଦ୍ଵାରା ଜାରି ବିଜ୍ଞପ୍ତି ଅନୁଯାୟୀ ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତି ମୁକୁନ୍ଦମ ଶର୍ମା କମିଟିର ସଭାପତି ହେବେ।

କମିଟିର ସଦସ୍ୟଙ୍କ ମଧ୍ୟରେ ବୀରେନ୍ଦ୍ର ସେହ୍ଵାଗ(କ୍ରିକେଟ୍), ସର୍ଦ୍ଦାର ସିଂହ(ହକି), ମୋନାଲିସା ବରୁଆ ମେହଟ୍ଟା(ଟେବୁଲ ଟେନିସ), ଦୀପା ମଲିକ(ପାରା ଆଥଲେଟିକ୍ସ) ଓ ଭେଙ୍କଟେସନ ଦେବରାଜନ(ବକ୍ସିଂ) ସାମିଲ। ଏହା ବ୍ୟତୀତ ପ୍ରସିଦ୍ଧ କ୍ରୀଡା ଭାଷ୍ୟକାର ମନୀଷ ବଟାଭିଆ, କ୍ରୀଡା ସାମ୍ବାଦିକ ଆଲୋକ ସିହ୍ନା ଓ ନିରୁ ଭାଟିଆ ମଧ୍ୟ କମିଟିର ସଦସ୍ୟ ଅଛନ୍ତି।

କ୍ରୀଡା ମନ୍ତ୍ରଣାଳୟରୁ ଭାରତୀୟ କ୍ରୀଡା ପ୍ରାଧୀକରଣ(ସାଇ)ର ମହାନିର୍ଦ୍ଦେଶକ ସନ୍ଦୀପ ପ୍ରଧାନ, କ୍ରୀଡା ବିଭାଗର ଯୁଗ୍ମ ସଚିବ ଏଲଏସ ସିଂହ ଓ ଟାର୍ଗେଟ୍ ଅଲିମ୍ପିକ ପୋଡିୟମ ସ୍କିମର ସିଇଓ ରାଜେଶ ରାଜାଗୋପାଲନ ସମିତିରେ ରହିବେ। ଦ୍ରୋଣାଚାର୍ଯ୍ୟ ପୁରସ୍କାର ପାଇଁ ସଭାପତି ଦୁଇ ଜଣ ଅତିରିକ୍ତ ସଦସ୍ୟଙ୍କୁ ସାମିଲ କରି ପାରନ୍ତି। ଏହି ଦୁଇ ସଦସ୍ୟ ଦ୍ରୋଣାଚାର୍ଯ୍ୟ ଆଓ୍ଵାର୍ଡରେ ସମ୍ମାନିତ ହୋଇ ସାରିଛନ୍ତି।

ଏହି କମିଟି ରାଜୀବ ଗାନ୍ଧୀ  ଖେଳରତ୍ନ, ଦ୍ରୋଣାଚାର୍ଯ୍ୟ ଆଓ୍ଵାର୍ଡ, ଅର୍ଜୁନ ପୁରସ୍କାର, ଧ୍ୟାନଚାନ୍ଦ ପୁରସ୍କାର, ରାଷ୍ଟ୍ରୀୟ କ୍ରୀଡା ପ୍ରୋତ୍ସାହନ ପୁରସ୍କାର ଓ ମୌଲାନା ଅବୁଲ କଲାମ ଆଜାଦ ଟ୍ରଫିର ବିଜେତା ଚୟନ କରିବେ। ଅଗଷ୍ଟ ୨୯ରେ ମହାନ ହକି ଖେଳାଳି ମେଜର ଧ୍ୟାନଚାନ୍ଦଙ୍କ ଜନ୍ମଦିନରେ କ୍ରୀଡା ଦିବସ ଉପଲକ୍ଷେ ଏହି ପୁରସ୍କାର ପ୍ରଦାନ କରାଯିବ।

   Related Posts