Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଦ୍ରୁତତମ ୧୦ ହଜାର ରନ ସଂଗ୍ରହରେ ବିରାଟଙ୍କ ରେକର୍ଡ ଭାଙ୍ଗିବେ ଏହି ଖେଳାଳି, ଜାଣନ୍ତୁ କିଏ

26/06/2019 at 6:31 PM

କ୍ରିକେଟରେ ଖେଳାଳି ନିତି ନୂଆ ରେକର୍ଡ କରୁଛନ୍ତି ଓ ଭାଙ୍ଗୁଛନ୍ତି। ଏଥିରେ ସଚ୍ଚିନଙ୍କ ନାମରେ ଏକଦା ଥିବା ଦ୍ରୁତତମ ୧୦ ହଜାର ରନ ସଂଗ୍ରହର ରେକର୍ଡକୁ କିଛି ସମୟ ପୂର୍ବରୁ ଭାଙ୍ଗିଥିଲେ ଟିମ ଇଣ୍ଡିଆର ୱାର୍ଲଡକପ୍ କ୍ୟାପ୍ଟେନ ବିରାଟ କୋହଲି। ହେଲେ ତାଙ୍କର ଏହି ରେକର୍ଡ କିନ୍ତୁ ଆଉ ବେଶି ସମୟ ତିଷ୍ଠି ରହିବନି। କାରଣ ତାଙ୍କଠାରୁ ବି ଅଧିକ ଦ୍ରୁତ ରନ ସଂଗ୍ରହକାରୀ ଖେଳାଳି ଏବେ ତାଙ୍କ ରେକର୍ଡର ପଶ୍ଚାତ ଧାବନ କରୁଛନ୍ତି। କ୍ରିକେଟର ଦେବତା କୁହାଯାଉଥିବା ସଚ୍ଚିନ ତେନ୍ଦୁଲକର ତାଙ୍କ ଦୀର୍ଘ କ୍ୟାରିୟରରେ ୧୦ ହଜାର ରନ ସଂଗ୍ରହ କରିବା ପାଇଁ ୨୫୯ଟି ଇନିଂସ ଖେଳିଥିଲେ। ତାଙ୍କ ପୂର୍ବରୁ ୨୬୫ ଇନିଂସ ଖେଳି ୨୦୦୫ ମସିହାରେ ସୌରଭ ଗାଙ୍ଗୁଲିଙ୍କ ନାମରେ ଥିଲା ଦ୍ରୁତ ୧୦ହଜାର ରନ ସଂଗ୍ରହର ରେକର୍ଡ। ତେବେ ଗାଙ୍ଗୁଲି ଓ ସଚ୍ଚିନଙ୍କ ରେକର୍ଡକୁ ବିରାଟ ୨୦୫ ଇନିଂସରେ ପୂରଣ କରିଥିଲେ। ଏବେ ବିରାଟଙ୍କ ଠାରୁ ମଧ୍ୟ କମ୍ ଇିନିଂସରେ ଏହି ରେକର୍ଡ ପୁରଣ ହେବ। ତେବେ ଆସନ୍ତୁ  ଜାଣିବା କିଏ ଏହାକୁ ପୁରଣ  କରିବେ ।

ଏବେ ବିରାଟଙ୍କ ରେକର୍ଡ ଆଖପାଖରେ କେବଳ ଜଣେ ଖେଳାଳି ନଜରକୁ ଆସୁଛନ୍ତି। ଆଉ  ସିଏ ହେଉଛନ୍ତି ଦକ୍ଷିଣ ଆଫ୍ରିକାର ଆକ୍ରମକ ବ୍ୟାଟସମ୍ୟାନ୍ ଅମଲା ହାସିମ। ଅମଲା ଏପର୍ଯ୍ୟନ୍ତ ୧୭୪ଟି ଇନିଂସ ଖେଳିଥିବା ବେଳେ ତାଙ୍କର ମୋଟ ରନ୍ ଏବେ ୭ ହଜାର ୯୧୦ରେ ପହଞ୍ଚିଲାଣି। ବିରାଟଙ୍କ ରେକର୍ଡ ଭାଙ୍ଗିବାକୁ ତାଙ୍କୁ ଆଉ ୩୧ଟି ଇନିଂସରୁ ମାତ୍ର ୨ହଜାର ରନ ସଂଗ୍ରହର ଆବଶ୍ୟକତା ରହିଛି। ତେବେ ହାସିମଙ୍କ ରନ ହାରରୁ ଯାହା ଲାଗୁଛି ସେ ଏତେ ସମୟ ପର୍ଯ୍ୟନ୍ତ ଅପେକ୍ଷା କରି ନ ପାରନ୍ତି। ଆଗାମୀ ଦିନମାନଙ୍କରେ ଅନୁଷ୍ଠିତ ହେବାକୁ ଥିବା କ୍ରିକେଟ୍ ସିଜିନରୁ ତାଙ୍କ ଲକ୍ଷ ହାସଲ କରିନେବେ।

ତେବେ ବିରାଟ, ସଚ୍ଚିନ, ସୌରଭଙ୍କ ପୂର୍ବରୁ ଏହି କ୍ଲବରେ ଥିଲେ ଅଷ୍ଟ୍ରେଲିଆର ରିକି ପଣ୍ଟିଂ। ସେ ୨୬୬ଟି  ଇନିଂସ ଖେଳି ୧୦ ହଜାର ରନ୍ ସଂଗ୍ରହ କରିଥିଲେ।ତେବେ ପଣ୍ଟିଂଙ୍କ ପୂର୍ବରୁଏହି ରେକର୍ଡ ଥିଲା ଦକ୍ଷିଣ ଆଫ୍ରିକୀୟ ଖେଳାଳି ଜେକ କାଲିସଙ୍କ ନାମରେ। ସେ  ୨୦୦୯ ମସିହାରେ ୨୭୨ଟି ଇନିଂସରୁ ସଂଗ୍ରହ କରିଥଲେ ୧୦ ହଜାର ରନ। ତେବେ କମ୍ଇନିଂସରୁ ଅଧିକ ରନ ସଂଗ୍ରହର ଏହିପ୍ରତିଯୋଗୀତାରେ ପୁଣି ଦକ୍ଷିଣ ଆଫ୍ରିକୀୟ ଖେଳାଳି ଆସୁଥିବା ବେଳେ ଆଗକୁ ମଧ୍ୟ ଏହି ପ୍ରତିଯୋଗୀତା ଜାରି ରହିବ ବୋଲି ଆଶା କରାଯାଉଛି।

   Related Posts