Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

କୋହଲିଙ୍କ ଓ୍ୱିକେଟ୍ ହେବ ମୁଖ୍ୟ ଲକ୍ଷ୍ୟ- ପ୍ୟାଟ୍ କମିନ୍ସ

14/12/2020 at 1:19 PM

ସିଡନୀ,୧୪/୧୨: ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ୍‌ ସବୁବେଳେ ରୋମାଞ୍ଚକର ହୋଇଥାଏ । ଉଭୟ ଦଳ ମଧ୍ୟରେ କଡା ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳେ । ପ୍ରତି ସିରିଜ୍‌ରେ ଉଭୟ ଦଳର ଜଣେ କିମ୍ବା ୨ଜଣ ଖେଳାଳିଙ୍କ ଆଧିପତ୍ୟ ଦେଖିବାକୁ ମିଳିଛି । ଏଥର ବି ଅନୁରୂପ ଆଶା କରାଯାଉଛି ।

ଭାରତୀୟ ଦଳର ଅଧିନାୟକ ବିରାଟ କୋହଲି ଓ ଅଷ୍ଟ୍ରେଲିଆର ଷ୍ଟାର୍‌ ପେସ୍‌ ବୋଲର ପ୍ୟାଟ୍‌ କମିନ୍ସଙ୍କ ମଧ୍ୟରେ କଡ଼ା ଟକ୍କର ହେବା ଏକ ପ୍ରକାର ସ୍ପଷ୍ଟ ହୋଇଛି । କୋହଲି ଦିବା-ରାତ୍ର ଟେଷ୍ଟ ପରେ ସ୍ୱଦେଶ ଫେରି ଆସିବେ । ତେଣୁ ଏହି ମ୍ୟାଚ୍‌ରେ କୋହଲିଙ୍କ ୱିକେଟ ମୁଖ୍ୟ ଟାର୍ଗେଟ ହେବ ବୋଲି କମିନ୍ସ ସ୍ପଷ୍ଟ କରି ସାରିଛନ୍ତି । କୋହଲିଙ୍କ ଅନୁପସ୍ଥିତି ପରେ ବାକିଥିବା ୩ଟି ମ୍ୟାଚ୍‌ରେ କମିନ୍ସ ଓ ଚେତେଶ୍ୱର ପୂଜାରାଙ୍କ ମଧ୍ୟରେ ଜୋରଦାର ଲଢ଼େଇ ହେବ ।

ଟେଷ୍ଟ୍ ସିରିଜ ପୂର୍ବରୁ କମିନ୍ସ କହିଛନ୍ତି ଯେ, ଛୋଟବେଳୁ ସେ ଟେଷ୍ଟ ସିରିଜ୍‌ରେ କିଛି ଖେଳାଳିଙ୍କ ମଧ୍ୟରେ କଡ଼ା ଟକ୍କର ଦେଖି ଆସିଛନ୍ତି। ଗ୍ଲେନ୍‌ ମ୍ୟାକ୍‌ଗ୍ରା-ସଚିନ ତେନ୍ଦୁଲକର କିମ୍ବା ବ୍ରାଏନ ଲାରାଙ୍କ ମଧ୍ୟରେ ଲଢ଼େଇ ଦେଖିବାକୁ ଭଲ ଲାଗିଥାଏ। ଆସନ୍ତା ସିରିଜରେ ସେ ଏଭଳି ଲଢ଼େଇରେ ସମ୍ମୁଖୀନ ହେବେ ବୋଲି ଅପେକ୍ଷା କରିଛନ୍ତି । କୋହଲି ହେଉଛନ୍ତି ଭାରତୀୟ ଦଳର ଅଧିନାୟକ। ତାଙ୍କ ସହ ପ୍ରତିଦ୍ୱନ୍ଦ୍ୱିତା କରିବା ଏବଂ ଆଉଟ୍‌ କରିବା ମୁଖ୍ୟ ଟାର୍ଗେଟ ବୋଲି କହିଛନ୍ତି କମିନ୍ସ ।

ସୂଚନାଯୋଗ୍ୟ, ପୂର୍ବରୁ ମଧ୍ୟ କମିନ୍ସ ଓ କୋହଲିଙ୍କ ମଧ୍ୟରେ କଡ଼ା ଟକ୍କର ହୋଇଛି। ଉଭୟ ମୁହାମୁହିଁ ହୋଇଥିବା ୫ଟି ଟେଷ୍ଟ ମଧ୍ୟରୁ କମିନ୍ସ ୪ ଥର କୋହଲିଙ୍କୁ ଆଉଟ୍‌ କରିଛନ୍ତି ।

   Related Posts