Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାଇଦର ମାମଲାରେ ପୋଲିସକୁ ସହାୟତା କରିବି: ୟାକୁବ୍‌
  • ||
  • ଆତ୍ମସମର୍ପଣ କରିବି ବୋଲି କହିଲେ ହାଇଦର ସହଯୋଗୀ ୟାକୁବ
  • ||
  • ହାଇଦର ଫେରାର ନେଇ ନୂଆ ଖୁଲାସା: ବୁର୍ଲା ମେଡିକାଲରୁ ରେଫର ହୋଇନି, ଆଉଟ୍‌ଡୋର କି ଇନଡୋର୍‌ରେ ନାହିଁ ଗ୍ୟାଙ୍ଗଷ୍ଟରର ନାଁ
  • ||
  • କରୋନା ସ୍ଥିତି ନସୁଧୁରିବା ଯାଏ ରେମଡେସିଭିର ରପ୍ତାନୀ ବନ୍ଦ
  • ||
  • ରାସନ୍ ଧରି ଫେରୁଥିଲେ, ଓଲଟି ଗଲା ଟ୍ରାକ୍ଟର ଡାଲା, ୨ ମୃତ
  • ||
  • ପୋଲିସର ଅପରେସନ୍ ହାଇଦର : ଚଢାଉ ଜୋରଦାର, ବିଭିନ୍ନ ସ୍ଥାନରେ ଲାଗିଲା ପୋଷ୍ଟର
  • ||
  • ମଙ୍ଗଳବାରଠୁ ଲଗାତାର ୬ ଦିନ ବନ୍ଦ ରହିବ ବ୍ୟାଙ୍କ: ସୋମବାର ସାରି ଦିଅନ୍ତୁ ବ୍ୟାଙ୍କ କାମ
  • ||
  • SCBରୁ ଗ୍ୟାଙ୍ଗଷ୍ଟାର ହାଇଦର୍‌ ଫେରାର ଘଟଣା, ୬ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଭଦ୍ରକ : ବସକୁ ପିଟିଲା ଟ୍ରକ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଚଣ୍ଡିଖୋଲ : ଧକ୍କା ଦେଲା ଟ୍ରକ୍, ଜୀବନ ହାରିଲେ ସ୍ୱାମୀ-ସ୍ତ୍ରୀ, ଝିଅ ଗୁରୁତର
  • ||

ପ୍ରଥମ ଟେଷ୍ଟରେ ଇଂଲଣ୍ଡ ଖେଳାଳିଙ୍କୁ ଚେତାବନୀ ଦେଇଥିଲେ କୋହଲି, କହିଥିଲେ…

3/04/2021 at 3:32 PM

ନୂଆଦିଲ୍ଲୀ,୦୩/୦୪:   ଇଂଲଣ୍ଡର ବ୍ୟାଟସମ୍ୟାନ୍ ଓଲି ପୋପ୍ ଏକ ବଡ ଖୁଲାସା କରିଛନ୍ତି । ସେ ବିରାଟ କୋହଲିଙ୍କ ବିଷୟରେ ଏକ ବଡ ଗୁମର ଖୋଲିଛନ୍ତି । ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚରେ କୋହଲି ଇଂଲଣ୍ଡ ଖେଳାଳିଙ୍କୁ ବ୍ୟାଟିଂ ଅନୁକୂଳ ପିଚ୍ ମିଳିବ ନାହିଁ ବୋଲି କହିଥିଲେ । ଫେବ୍ରୁଆରୀରେ ପ୍ରଥମ ମ୍ୟାଚ୍ ଜିତିବା ପରେ ଇଂଲଣ୍ଡ ଭାରତୀୟ ସ୍ପିନର ଆର ଅଶ୍ୱିନ ଓ ଅକ୍ଷର ପଟେଲଙ୍କ ସାମ୍ନା କରିପାରି ନଥିଲା । ଫଳରେ ଦଳ ଶେଷ ତିନୋଟି ମ୍ୟାଚରେ ପରାସ୍ତ ହୋଇଥିଲା । ଭାରତ ଟେଷ୍ଟ ସିରିଜକୁ ୩-୧ରେ ଜିତି ନେଇଥିଲା ।

ପୋପ୍ କହିଛନ୍ତି ଯେ, ପ୍ରଥମ  ଟେଷ୍ଟର ଦ୍ୱିତୀୟ ଇନିଂସରେ ବଲ୍ ବହୁତ ସ୍ପିନ୍ ହେଉଥିଲା । ସେ ନନ୍ ଷ୍ଟ୍ରାଇକର୍ ଏଣ୍ଡରେ ଠିଆ ହୋଇଥିଲେ । ତାଙ୍କ ପାଖକୁ କୋହଲି ଆସି ଏହା ଶେଷ ବ୍ୟାଟିଂ ଅନୁକୂଳ ପିଚ୍ ବୋଲି କହିଥିଲେ । ଏହାପରେ ସେ ବ୍ୟାଟସମ୍ୟାନଙ୍କ ପାଇଁ ସିରିଜ୍ ବହୁତ ଚ୍ୟାଲେଞ୍ଜଭରା ହେବ ବୋଲି ଭାବିଥିଲେ । ଜୋ ରୁଟ୍ ଓ ବେନ୍ ଷ୍ଟୋକସଙ୍କ ଭଳି ଖେଳାଳି ମଧ୍ୟ ସମସ୍ୟାର ସମ୍ମୁଖୀନ ହୋଇଥିଲେ ।

ଇଏସପିଏନ କ୍ରିକଇନଫୋ ଅନୁସାରେ, ରୁଟ୍ ଓ ଷ୍ଟୋକସଙ୍କ ସହ ସେ ପିଚକୁ ନେଇ ଆଲୋଚନା କରିଥିଲେ । ଉଭୟ ଖେଳାଳି ପିଚରେ ବ୍ୟାଟିଂ କରିବା କଷ୍ଟକର ବୋଲି ସ୍ୱୀକାର କରିଥିଲେ । ଏହାସହ କାଉଣ୍ଟିଂ ଚାମ୍ପିଅନସିପ୍ ଖେଳିବାକୁ ପ୍ରସ୍ତୁତ ଥିବା ପୋପ୍ ବାୟୋ ବବଲରୁ ବାହାରି ଆଶ୍ୱସ୍ତି ଅନୁଭବ କରୁଥିବା କହିଛନ୍ତି ।

   Related Posts