ବେଙ୍ଗାଲୁରୁ,୦୮/୦୩: ଗତ ବର୍ଷ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଭଲ ପ୍ରଦର୍ଶନ କରି ପ୍ଲେ-ଅଫରେ ପ୍ରବେଶ କରିଥିଲା । କିନ୍ତୁ ଦଳ ଏଲିମିନେଟର ମୁକାବିଲାରେ ସନରାଇଜର୍ସ ହାଇଦ୍ରାବାଦଠୁ ପରାସ୍ତ ହୋଇଥିଲା । ବିରାଟ କୋହଲିଙ୍କ ନେତୃତ୍ୱରେ ଦଳ ଲଗାତର ୪ଟି ମୁକାବିଲା ହାରିବା ସତ୍ତ୍ନେ ପ୍ଲେ-ଅଫରେ ପାଦ ଦେଇଥିଲା । ଆରସିବି ୨୦୨୦ ଆଇପିଏଲରେ ନିଜର ଅଭିଯାନ ହାଇଦ୍ରାବାଦକୁ ପରାସ୍ତ କରି ଆରମ୍ଭ କରିଥିଲା । ଏବେ ଆସନ୍ତା ଏପ୍ରିଲ ୯ରୁ ଆଇପିଏଲ-୨୦୨୧ ଆରମ୍ଭ ହେବ ।
ଆରସିବି ଏବେଯାଏଁ ଟ୍ରଫି ଜିତିପାରି ନାହିଁ । ବିରାଟ ୨୦୨୧ରେ ଦଳକୁ ଟ୍ରଫି ଉପହାର ଦେବା ନେଇ ପ୍ରୟାସ କରିବେ । ଆଗାମୀ ମୁକାବିଲା ପୂର୍ବରୁ ଦଳ ୧୦ ଖେଳାଳିଙ୍କୁ ରିଲିଜ କରି ୮ ନୂଆ ଖେଳାଳି କିଣିଛି । ଦଳ ଗ୍ଲେନ ମ୍ୟାକ୍ସଓ୍ୱେଲ ଓ କାଇଲ୍ ଜେମିସନଙ୍କୁ କିଣିଛି । ଦଳ ନୂଆ ରଣନୀତି ସହ ପଡିଆକୁ ଓହ୍ଲାଇବ । ଆସନ୍ତୁ ନଜର ପକାଇବା ପ୍ଲେଇଂ ଇଲେଭେନ୍ ଉପରେ ।
ଓପନର
ଟି୨୦ରେ ଅଷ୍ଟ୍ରେଲିଆ ତରଫରୁ ଓପନିଂ କରି ମ୍ୟାକ୍ସଓ୍ୱେଲ ଶତକ ଲଗାଇଥିଲେ । ଚଳିତ ଥର ସେ ଓପନିଂ କରିପାରନ୍ତି । ଦଳ ପାଖରେ ଏବି ଡିଭିଲର୍ସ ରହିଛନ୍ତି । ସେ ମଧ୍ୟକ୍ରମରେ ଖେଳାଳି ୧୩ ମ୍ୟାଚରୁ ୧୦୮ ରନ୍ କରିଥିଲେ । ଗୋଟିଏ ହେଲେ ଛକା ଲଗାଇପାରି ନଥିଲେ । କିନ୍ତୁ ଦେବଦତ୍ତ ପାଦିକଲ ୪୭୩ ରନ୍ କରିଥିଲେ ।
ମଧ୍ୟକ୍ରମରେ ବିରାଟ କୋହଲି ରହିଛନ୍ତି । ସେ ଚଳିତ ଥର ୩ ନମ୍ବର ସ୍ଥାନରେ ବ୍ୟାଟିଂ କରିପାରନ୍ତି । ୨୦୨୦ରେ ସେ ଓପନର ହୋଇ ଫେଲ୍ ମାରିଥିଲେ ।
ଦଳ ପାଖରେ ଅନେକ ଅଳରାଉଣ୍ଡର ଅଛନ୍ତି । ଓ୍ୱାଶିଂଟନ ସୁନ୍ଦର, ଡାନିଏଲ କ୍ରିଷ୍ଟିୟନ ଉଭୟ ପଞ୍ଚମ ଓ ଷଷ୍ଠ ସ୍ଥାନରେ ଖେଳିପାରନ୍ତି । ହର୍ଷଲ ପଟେଲ ୭ନମ୍ବରରେ ବ୍ୟାଟିଂ କରିପାରନ୍ତି ।
ବୋଲର ଭାବରେ ଦଳ ପାଖରେ ୟୁଜବେନ୍ଦ୍ର ଚହଲ ଓ ମହମ୍ମଦ ସିରାଜ ଅଛନ୍ତି । ସେ ଚୂଡାନ୍ତ ଏକାଦଶରେ ସ୍ଥାନ ପାଇପାରନ୍ତି । ଚହଲ ସ୍ପିନର ଭୂମିକା ତୁଲାଇବେ । ସିରାଜ ଓ କାଇଲ ଜେମିସନ ଦ୍ରୁତ ବୋଲିଂ ଭାର ସମ୍ଭାଳିବେ ।ଆଡାମ ଜାମ୍ପା, କେନ୍ ରିଚାର୍ଜସନ୍ ଓ ନବଦୀପ ସୈନୀଙ୍କ ଭଳି ବୋଲର ମଧ୍ୟ ଦଳରେ ଅଛନ୍ତି ।
ଆରସିବି ୨୦୨୧ ପାଇଁ ଆରସିବିର ସମ୍ଭାବ୍ୟ ପ୍ଲେଇଂ ଇଲେଭେନ୍-
ଗ୍ଲେନ ମ୍ୟାକ୍ସଓ୍ୱେଲ, ଦେବଦତ୍ତ ପେଦିକଲ, ବିରାଟ କୋହଲି, ଏବି ଡିଭିଲର୍ସ, ଓ୍ୱାଶିଂଟନ ସୁନ୍ଦର, ଡାନିଏଲ କ୍ରିଷ୍ଟିୟନ, ହର୍ଷଲ ପଟେଲ, କାଇଲ ଜେମିସନ, ଓ୍ୱାଇ ଚହଲ, ମହମ୍ମଦ ସିରାଜ, କେନ୍ ରିଚାର୍ଡସନ୍ କିମ୍ବା ନବଦୀପ ସୈନୀ କିମ୍ବା ଆଡାମ ଜାମ୍ପା